Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "piitaa"

Nazm MATCHES FOR "piitaa"

Nazm

shikast-e-tauba

saaqii kii har nigaah pe bal khaa ke pii gayaa
lahro.n se kheltaa hu.aa lahraa ke pii gayaa
be-kaifiyo.n ke kaif se ghabraa ke pii gayaa
tauba ko to.D-taa.D ke tharraa ke pii gayaa
zaahid! ye terii shoKHii-e-rindaana dekhnaa
rahmat ko baato.n baato.n me.n bahlaa ke pii gayaa
sar-mastii-e-azal mujhe jab yaad aa ga.ii
duniyaa-e-e'tibaar ko Thukraa ke pii gayaa
aazurdagii-e-KHaatir-e-saaqii ko dekh kar
mujh ko ye sharm aa.ii ki sharmaa ke pii gayaa
ai rahmat-e-tamaam mirii har KHataa mu.aaf
mai.n intihaa-e-shauq me.n ghabraa ke pii gayaa
piitaa baGair izn ye kab thii mirii majaal
dar-parda chashm-e-yaar kii shah paa ke pii gayaa
us jaan-e-mai-kada kii qasam baarhaa 'jigar'
kul aalam-e-basiit pe mai.n chhaa ke pii gayaa

Jigar Moradabadi
Nazm

yaad

aa.ii jab un kii yaad to aatii chalii ga.ii
har naqsh-e-maa-sivaa ko miTaatii chalii ga.ii
har manzar-e-jamaal dikhaatii chalii ga.ii
jaise unhii.n ko saamne laatii chalii ga.ii
har vaaqi.a qariib-tar aataa chalaa gayaa
har shai hasiin-tar nazar aatii chalii ga.ii
viiraana-e-hayaat ke ek ek goshe me.n
jogan ko.ii sitaar bajaatii chalii ga.ii
dil phu.nk rahaa thaa aatish-e-zabt-e-firaaq se
diipak ko mai-gusaar banaatii chalii ga.ii
be-harf o be-hikaayat o be-saaz o be-sadaa
rag rag me.n naGma ban ke samaatii chalii ga.ii
jitnaa hii kuchh sukuun saa aataa chalaa gayaa
utnaa hii be-qaraar banaatii chalii ga.ii
kaifiyyato.n ko hosh saa aataa chalaa gayaa
be-kaifiyo.n ko nii.nd sii aatii chalii ga.ii
kyaa kyaa na husn-e-yaar se shikve the ishq ko
kyaa kyaa na sharmsaar banaatii chalii ga.ii
tafriiq-e-husn-o-ishq kaa jhag.Daa nahii.n rahaa
tam.iiz-e-qurb-o-bu.ad miTaatii chalii ga.ii
mai.n tishna-kaam-e-shauq thaa piitaa chalaa gayaa
vo mast a.nkh.Diyo.n se pilaatii chalii ga.ii
ik husn-e-be-jihat kii fazaa-e-basiit me.n
u.Dtii ga.ii mujhe bhii u.Daatii chalii ga.ii
phir mai.n huu.n aur ishq kii betaabiyaa.n 'jigar'
achchhaa hu.aa vo nii.nd kii maatii chalii ga.ii

Jigar Moradabadi
Nazm

apni malka-e-suKHan se

mujh rind-e-husn-kaar kii mai-KHvaariyaa.n na puuchh
is KHvaab-e-jaa.n-faroz kii bedaariyaa.n na puuchh
kartii hai kyuu.n sharaab KHirad-baariyaa.n na puuchh
be-hoshiyo.n me.n kyuu.n hai ye hushyaariyaa.n na puuchh
piitaa huu.n vo jo zulf kii rangii.n ghaTaa.o.n me.n
khi.nchtii hai un ghanii hu.ii palko.n kii chhaa.nv me.n

Josh Malihabadi
Nazm

ek aur sal girah

ma.aluum hai mujh ko ye duniyaa
kis tarah vajuud me.n aa.ii hai
kis tarah fanaa hogii ik din
ma.aluum hai mujh ko insaa.n ne
kis tarah se kii taKHliiq-e-KHudaa
kis tarah buto.n ko paidaa kiyaa
ma.aluum hai mujh ko mai.n kyaa huu.n
kis vaaste ab tak zinda huu.n
ik us ke javaab kaa ilm nahii.n
ye tiis baras kaise kaaTe
haa.n yaad hai itnaa me.n ik din
toffee ke liye royaa thaa bahut
ammaa.n ne mujhe piiTaa thaa bahut
haa.n yaad hai itnaa mai.n ik din
titlii kaa ta.aaqub karte hu.e
ik pe.D se jaa Takraayaa thaa
haa.n itnaa yaad hai mai.n ik din
niindo.n ke dayaar me.n sapno.n kii
pariyo.n se lipaT kar soyaa thaa
haa.n itnaa yaad hai mai.n ik din
ghar vaalo.n se apne la.D-bhi.D ke
to.D aayaa thaa sab rishte-naate
haa.n itnaa yaad hai mai.n ik din
jab bahut dukhii thaa tanhaa thaa
ik jism kii aag me.n pighlaa thaa

Shahryar
Nazm

dard-e-dil

apne hii dil kaa piyaala piye mad.hosh huu.n mai.n
jhuuTii piitaa nahii.n maGrib kii vo mai-nosh huu.n mai.n

Chakbast Braj Narayan
Nazm

aql baDi ya bhains

ek thaa raaja mehdii alii KHaa.n ek thii us kii raanii
raanii kii ik maa.n thii ya.anii bachcha log kii naanii
karnaa KHudaa kaa aisaa hu.aa ik roz ko.ii ham-saaya
raaja ke darbaar me.n ik chhoTii sii chuhiyaa laayaa
dekhaa jab us chuhiyaa ko hairaan hu.e darbaarii
piitii thii vo coca-cola khaatii thii tarkaarii
a.ngrezii me.n baate.n kar ke filmii gaane gaatii
rang bira.nge Dance dikhaa kar sab kaa jii bahlaatii
parde se ye manzar dekhaa jab raanii kii maa.n ne
sochaa ham-saa.e se le le chuhiyaa kisii bahaane
bu.Dhiyaa ne sar piiTaa apnaa KHuub kiyaa vaavailaa
o.Dh liyaa phir vo dopaTTa rang thaa jis kaa mailaa
kahne lagii chillaa chillaa kar raaja terii duhaa.ii
ye hai meraa chor ki is ne merii bhai.ns churaa.ii
chhiin lo is se bhai.nse.n merii aur mu.nh par maaro chaa.nTaa
dekho dekho suukh ke merii bhai.nse.n hu.ii hai kaa.nTaa
raaja meh.ndii alii KHaa.n jo the raajaa.o.n ke raaja
kaam na kuchh bhii karte aaTho.n-pahar bajaate baajaa
garaj ke bole o marduud bataa kyuu.n bhai.ns churaa.ii
ham ne to us bhai.ns ke aage barso.n biin bajaa.ii
raaja kii ye baat sunii to kahne lagaa ham-saayaa
jiye vo saas ki chuhiyaa ko bhii jis ne bhai.ns banaayaa
raaj hai teraa is nagrii me.n KHuub sazaa de mujh ko
aql ba.Dii yaa bhai.ns bas itnii baat bataa de mujh ko

Qateel Shifai
Nazm

bulbul ka bachcha

bulbul kaa bachcha
khaataa thaa khich.Dii
piitaa thaa paanii
bulbul kaa bachcha

Unknown
Nazm

main hun kya waishya

jaante ho mai.n huu.n kyaa mai.n huu.n vaishyaa
pataa hai mai.n ne hai kyaa kyaa kiyaa
mai.n naachtii huu.n koTho.n par KHush hotii huu.n bus noTo.n par
har raat har raat mai.n apnaa jism bechtii huu.n
itnaa dard mai.n bus paiso.n ke liye to sahtii huu.n
mai.n logo.n kii raate.n ra.ngiin kartii huu.n
har raat ye apraadh sa.ngiin kartii huu.n
meraa naam aam me.n lene nahii.n
note ke alaava merii zindagii kaa ko.ii naayak nahii.n
zindagii me.n meraa na hai asitiv na ko.ii iimaan
samaaj ke liye to mai.n huu.n hii nahii.n insaan
agar hai to bas hai ek pahchaan
huu.n ek koThe vaalii kartii huu.n apnaa hii jism niilaam
har raat merii ek na.e geraahak ke saath hotii hai
har raat merii aatmaa apnii pahchaan khotii hai
merii maa.n kaa bhii to yahii kaam thaa nahii.n jaantii mere pitaa kaa kyaa naam thaa
jaan kar bhii kyaa kar letii vo bhii ek vaishyaa thii
kaam un kaa logo.n ko sukh denaa thaa chintaa nahii.n
viraasat me.n un se bas yahii ek kaam milaa
jis ke kaaran hii shaayad mujhe jiivan me.n kuchh na milaa
nahii.n nahii.n galtii un kii nahii.n unho.nne to pa.Dhaanaa chaahaa thaa
par kyaa kare.n maalkin ko ye bilkul naagavaar thaa
na jaa.e diyaa mujhe is narak se baahar na ban.ne dii ko.ii pahchaan
un ke dabaav me.n hii to mujhe khonaa pa.Daa meraa iimaan
ab logo.n ko bhii kyaa dosh duu.n jo mujh par thuuk kar jaate hai.n
nahii.n jaante vo meraa sach bas kuchh bhii kah jaate hai.n
dukh to KHuub hotaa hai par ab aadat sii ho ga.ii hai
sochtii huu.n kabhii kyaa merii ye aadat vaaqa.ii sahii hai
kyaa mujhe jiine kaa ko.ii maukaa milegaa
kyaa mere jiivan me.n bhii pyaar kaa phuul khilegaa
ham-safar nahii.n bas ek hamdard hii chaahiye
pahchaan nahii.n tho.Daa saa bas pyaar hii chaahiye
iimaan nahii.n tho.Dii sii bas izzat hii chaahiye
armaan hai bas ek ko.ii vaishyaa nahii.n nahii.n vaishnavii kar bulaa.e
paise dekh kar nahii.n pyaar de kar gale se lagaa.e
kisii ke ghar TuuTne kaa nahii.n ju.Dne kaa kaaran ban.naa chaahtii huu.n
bas ek baar kisii ke dikh kaa nivaaran ban.naa chaahtii huu.n
kisii kii biivii na sahii bahan ban.naa chaahtii huu.n
har baar kii tarah vaishyaa nahii.n ek insaan ban.naa chaahtii huu.n

Ankita Garg
Nazm

aadmi

Daalaa hai aadmii ne har ik aadmii pe jaal
''hai aadmii bajaa.e KHud ik mahshar-e-KHayaal''
niklaa tamaam umr kii koshish kaa ye ma.aal
aayaa thaa rotaa piiTtaa jaataa hai KHasta-haal
is par ye haal hai ki aka.Dtaa hai aadmii
Gairo.n se aur apno.n se la.Dtaa hai aadmii

Syed Mohammad Jafri
Nazm

naya maktab

ham chaa.nd nagar par jaate hii khole.nge ek nayaa maktab
ta.aliim na hogii jis me.n kabhii sab aazaadii se ghuume.nge
ustaad pa.Dhe.nge darjo.n me.n ham log KHushii se ghuume.nge
school na jaa kar baaGo.n me.n tafriih kare.nge be-matlab
ham chaa.nd nagar par jaate hii khole.nge ek nayaa maktab
pa.Dhne ke liye bachcho.n ko jahaa.n murGaa na banaayaa jaa.egaa
chaa.nTe na jamaa.e jaa.e.nge DanDo.n se na piiTaa jaa.egaa
ustaad ke maulaa-baKHsh jahaa.n dikhlaa na sake.nge kuchh kartab
ham chaa.nd nagar par jaate hii khole.nge ek nayaa maktab
jo yaad karegaa KHuub sabaq taa-umr na hogaa paas vahii
jo khel me.n legaa dilchaspii pa.Dhne me.n na hogaa fail kabhii
dar-asl hamaare maktab kaa hogaa har ik dastuur ajab
ham chaa.nd nagar par jaate hii khole.nge ek nayaa maktab
jis din bhii pa.Daa biimaar ko.ii school me.n hogaa holiday
do buu.nd bhii paanii barsaa to ho jaa.egaa fauran rainy day
hafte me.n to kam se kam chhe din itvaar manaae.nge ham sab
ham chaa.nd nagar par jaate hii khole.nge ek nayaa maktab
khele.nge kabhii jab ham cricket to KHuub u.Daa.e.nge chhakke
hockey me.n dikhaa.e.nge vo hunar rah jaa.e.nge sab hakke-bakke
har team se matche.n jiitegaa ham logo.n kaa footbaal club
ham chaa.nd nagar par jaate hii khole.nge ek nayaa maktab

Kaif Ahmed Siddiqui
Nazm

mera sansar

phir ek gha.Dii aisii aa.ii sab chiize.n ho ga.ii paraa.ii
unhii.n maa.n baap ne to phir kar dii merii purvaa.ii
ek raaj-kumaar aaya thaa gho.Dii cha.Dh
ummiide.n uchhalne lagii.n thii ba.Dh-cha.Dh
ichchhaa.uu.n ko milaa thaa ummiido.n kaa samundar
na.ii zindagii kii KHushii thii dil ke andar
piyaa sang na.e ghar jaanaa thaa
shaadii to bas ek bahaana thaa
janmo.n ke liye milne vaalaa piyaa kaa pyaar thaa
ban.ne vaalaa ab vahii meraa sansaar thaa

Ankita Garg
Nazm

tumhaari yaad ka mausam

tumhe.n maaluum to hogaa
sabhii mausam badalte hai.n
kabhii taptii do-pahre.n june kii
tan-man jalaatii.n hai.n
kabhii yaKH-basta raato.n kaa
december lauT aataa hai
kabhii patjha.D kaa mausam KHuun piitaa hai daraKHto.n kaa
kabhii suukhii hu.ii shaaKHo.n pe kaliyaa.n khilkhilaatii hai.n
KHizaa.n kaa dam nikalte hii
bahaare.n muskuraatii hai.n
tumhe.n maaluum to hogaa
sabhii mausam badalte hai.n
magar ye bhii haqiiqat hai
hamaare dil ke aa.ngan me.n
kisii suurat nahii.n badlaa
tumhaarii yaad kaa mausam

Arshad Mahmood Arshad
Nazm

murgha murghi

murGaa murGii pyaar se dekhe.n
nanhaa chuuza khel kare
mai.n kis ko boluu.n jo mere
maataa-pitaa kaa mel kare
chi.Diyaa aur chi.Daa mil-jul kar
daanaa dunkaa laa.e
apne chhoTe se bachche ko
khol ke cho.nch khilaa.e
mai.n jab apne bhaag ko sochuu.n
aa.nkh me.n aa.nsuu aa.e
murGaa murGii pyaar se dekhe.n

Sahir Ludhianvi
Nazm

dar-madh-am

har lahza piitaa rahtaa hai tuu ghuu.nT KHuun ke
aur aam aam hii nahii.n bharpuur jaam hai

Khalid Mahmood
Nazm

tauba-nama

shaiKH-saahib! sach to ye hai un dino.n piitaa thaa mai.n
un dino.n piitaa thaa ya.anii jin dino.n jiitaa thaa me.n

Hafeez Jalandhari
Nazm

coffee cup reading

use message to bhejaa hai
ki coffee par milo mujh se
vo aa jaa.egii to achchhaa
mai.n pahle sirf do coffee ma.ngaauu.ngaa
mai.n cappucino piitaa huu.n
vo kaisii coffee piitii hai
is kaa andaaza to us ke aane par hogaa
hamaare paas to baate.n bhii kam hai.n
so coffee jald p le.nge
jo us ke cup me.n tho.Daa jhaag coffee kaa bachaa hogaa
mai.n us kii shape ko pa.Dh kar use future bataa.u.ngaa
bataa.uu.ngaa use mai.n
kaise vo mujh jaise ik la.Dke kii duniyaa ko badal degii
use ma.aluum hogaa kyaa ki coffee cup kii reading kaa tariiqa ye nahii.n hotaa?
mai.n cafe aa chukaa huu.n
vo bhii raste me.n kahii.n hogii
bahut se log cafe aa ke pa.Dhte likhte rahte hai.n
mohammad 'alvii kii nazme.n to mai.n bhii saath laayaa huu.n
ye hogaa to nahii.n phir bhii vo aa.ii hii nahii.n to phir
inhii.n logo.n ke jaise mai.n bhii pa.Dh kar vaqt kaaTuu.ngaa
use aane me.n derii ho rahii hai
mai.n ik coffee to tanhaa p chukaa huu.n
zaraa saa jhaag cup me.n hai jise dekho to lagtaa hai
ki ik la.Dkaa akelaa baiTh kar kuchh pa.Dh rahaa hai
tasallii de rahaa huu.n ab mai.n KHud ko
ye merii shaam kaa future nahii.n hai
ki coffee cup kii reading kaa tariiqa ye nahii.n hotaa

Swapnil Tiwari
Nazm

KHuda

kyaa KHudaa tujh ko bhuul jaa.uu.n mai.n
kis liye tere gun gaa.uu.n mai.n
mujh ko insaa.n banaa diyaa tuu ne
siidhaa rasta bataa diyaa tuu ne
phir samajh dii ki nek kaam karuu.n
kitnaa uu.nchaa uThaa diyaa tuu ne
kyaa ye ehsaan bhuul jaa.uu.n mai.n
kis liye tere gun na gaa.uu.n mai.n
chaa.nd suuraj jo jagmagaate hai.n
garmii aur raushnii bahaate hai.n
zindagii kaa yahii sahaaraa hai.n
khetiyaa.n bhii yahii pakaate hai.n
ye na chamke.n to kuchh na khaa.uu.n mai.n
kis liye tere gun na gaa.uu.n mai.n
ye ghaTaa.e.n ye ThanDii ThanDii havaa
ye samundar pahaa.D ye dariyaa
ye ghane aur ye lahlahaate khet
tuu ne mere liye kiye paidaa
den ko terii kyaa ginaa.uu.n mai.n
kis liye tere gun na gaa.uu.n mai.n
gaay yaa bhai.ns bail yaa bakrii
uu.nT gho.De pahaa.D se haathii
duudh ghii de.n mujhe savaarii de.n
jote.n bo.e.n yahii merii khetii
kyaa diyaa tuu ne kyaa bataa.uu.n mai.n
kis liye teraa gun na gaa.uu.n mai.n
tuu ne maataa pitaa kaa pyaar diyaa
phir mujhe ilm se sa.nvaar diyaa
ba.Dh ke in sab se tandurustii dii
jo diyaa tuu ne be-shumaar diyaa
chaahiye sar tujhe jhukaa.uu.n mai.n
kis liye tere gun na gaa.uu.n mai.n

Abr Ahsani Ganauri
Nazm

KHalish

aksar mai.n ne sochaa hai
mai.n behad cigarette piitaa huu.n
cigarette piinaa chho.Duu.ngaa

Naseem Ansari
Nazm

jadid-tarin aadmi-nama

cigarette kaa jo u.Daa.e dhu.aa.n vo bhii aadmii
piitaa hai heroine jo yahaa.n vo bhii aadmii
nisvaar me.n jo paa.e amaa.n vo bhii aadmii
bii.Daa chabaa rahaa hai so hai vo bhii aadmii
jo pii pilaa rahaa hai so hai vo bhii aadmii

Sarfaraz Shahid
Nazm

mulaqat

terii tasviir mire zehn pe jab chhaatii hai
zinda rahtaa huu.n magar jaan nikal jaatii hai
zahar piitaa huu.n tirii yaad me.n din raat sanam
kitnii mushkil hai abhii apnii mulaaqaat sanam

Afroz Alam
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now