Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "qufl"

Nazm MATCHES FOR "qufl"

Nazm

shikast-e-zindan ka KHwab

kyaa hind kaa zindaa.n kaa.np rahaa hai guu.nj rahii hai.n takbiire.n
uktaa.e hai.n shaayad kuchh qaidii aur to.D rahe hai.n zanjiire.n
diivaaro.n ke niiche aa aa kar yuu.n jam.a hu.e hai.n zindaanii
siino.n me.n talaatum bijlii kaa aa.nkho.n me.n jhalaktii shamshiire.n
bhuuko.n kii nazar me.n bijlii hai topo.n ke dahaane ThanDe hai.n
taqdiir ke lab ko jumbish hai dam to.D rahii hai.n tadbiire.n
aa.nkho.n me.n gadaa kii surKHii hai be-nuur hai chehra sultaa.n kaa
taKHriib ne parcham kholaa hai sajde me.n pa.Dii hai.n taamiire.n
kyaa un ko KHabar thii zer-o-zabar rakhte the jo ruuh-e-millat ko
uble.nge zamii.n se maar-e-siyah barse.ngii falak se shamshiire.n
kyaa un ko KHabar thii siino.n se jo KHuun churaayaa karte the
ik roz isii be-ra.ngii se jhalke.ngii hazaaro.n tasviire.n
kyaa un ko KHabar thii ho.nTo.n par jo qufl lagaayaa karte the
ik roz isii KHaamoshii se Tapke.ngii dahaktii taqriire.n
sambhlo ki vo zindaa.n guu.nj uThaa jhapTo ki vo qaidii chhuuT ga.e
uTTho ki vo baiThii.n diivaare.n dau.Do ki vo TuuTii zanjiire.n

Josh Malihabadi
Nazm

ramayan ka ek scene

ruKHsat hu.aa vo baap se le kar KHudaa kaa naam
raah-e-vafaa kii manzil-e-avval hu.ii tamaam
manzuur thaa jo maa.n kii ziyaarat kaa intizaam
daaman se ashk po.nchh ke dil se kiyaa kalaam
iz.haar-e-be-kasii se sitam hogaa aur bhii
dekhaa hame.n udaas to Gam hogaa aur bhii
dil ko sa.nbhaaltaa hu.aa aaKHir vo naunihaal
KHaamosh maa.n ke paas gayaa suurat-e-KHayaal
dekhaa to ek dar me.n hai baiThii vo KHasta-haal
saktaa saa ho gayaa hai ye hai shiddat-e-malaal
tan me.n lahuu kaa naam nahii.n zard rang hai
goyaa bashar nahii.n ko.ii tasviir-e-sa.ng hai
kyaa jaane kis KHayaal me.n gum thii vo be-gunaah
nuur-e-nazar ye diida-e-hasrat se kii nigaah
jumbish hu.ii labo.n ko bharii ek sard aah
lii gosha-ha-e-chashm se ashko.n ne ruKH kii raah
chehre kaa rang haalat-e-dil kholne lagaa
har muu-e-tan zabaa.n kii tarah bolne lagaa
aaKHir asiir-e-yaas kaa qufl-e-dahan khulaa
afsaana-e-shadaa.id-e-ra.nj-o-mehan khulaa
ik daftar-e-mazaalim-e-charKH-e-kuhan khulaa
vaa thaa dahaan-e-zaKHm ki baab-e-suKHan khulaa
dard-e-dil-e-Gariib jo sarf-e-bayaa.n hu.aa
KHuun-e-jigar kaa rang suKHan se 'ayaa.n hu.aa
ro kar kahaa KHamosh kha.De kyuu.n ho merii jaa.n
mai.n jaantii huu.n jis liye aa.e ho tum yahaa.n
sab kii KHushii yahii hai to sahraa ko ho ravaa.n
lekin mai.n apne mu.nh se na hargiz kahuu.ngii haa.n
kis tarah ban me.n aa.nkho.n ke taare ko bhej duu.n
jogii banaa ke raaj-dulaare ko bhej duu.n
duniyaa kaa ho gayaa hai ye kaisaa lahuu sapiid
andhaa kiye hu.e hai zar-o-maal kii umiid
anjaam kyaa ho ko.ii nahii.n jaantaa ye bhed
soche bashar to jism ho larzaa.n misaal-e-biid
likkhii hai kyaa hayaat-e-abad in ke vaaste
phailaa rahe hai.n jaal ye kis din ke vaaste
letii kisii faqiir ke ghar me.n agar janam
hote na merii jaan ko saamaan ye baham
Dastaa na saa.np ban ke mujhe shaukat-o-hasham
tum mere laal the mujhe kis saltanat se kam
mai.n KHush huu.n phuu.nk de ko.ii is taKHt-o-taaj ko
tum hii nahii.n to aag lagaa duu.ngii raaj ko
kin kin riyaazato.n se guzaare hai.n maah-o-saal
dekhii tumhaarii shakl jab ai mere naunihaal
puuraa hu.aa jo byaah kaa armaan thaa kamaal
aafat ye aa.ii mujh pe hu.e jab safed baal
chhaTtii huu.n un se jog liyaa jin ke vaaste
kyaa sab kiyaa thaa mai.n ne isii din ke vaaste
aise bhii naa-muraad bahut aa.e.nge nazar
ghar jin ke be-charaaG rahe aah 'umr bhar
rahtaa miraa bhii naKHl-e-tamannaa jo be-samar
ye jaa-e-sabr thii ki du'aa me.n nahii.n asar
lekin yahaa.n to ban ke muqaddar biga.D gayaa
phal phuul laa ke baaG-e-tamannaa uja.D gayaa
sarzad hu.e the mujh se KHudaa jaane kyaa gunaah
ma.njdhaar me.n jo yuu.n mirii kashtii hu.ii tabaah
aatii nazar nahii.n ko.ii amn-o-amaa.n kii raah
ab yaa.n se kuuch ho to 'adam me.n mile panaah
taqsiir merii KHaaliq-e-aalam bahal kare
aasaan mujh Gariib kii mushkil ajal kare
sun kar zabaa.n se maa.n kii ye fariyaad-e-dard-KHez
us KHasta-jaa.n ke dil pe chalii Gam kii teG-e-tez
'aalam ye thaa qariib ki aa.nkhe.n ho.n ashk-rez
lekin hazaar zabt se rone se kii gurez
sochaa yahii ki jaan se bekas guzar na jaa.e
naashaad ham ko dekh ke maa.n aur mar na jaa.e
phir arz kii ye maadar-e-naashaad ke huzuur
maayuus kyuu.n hai.n aap alam kaa hai kyuu.n vafuur
sadma ye shaaq 'aalam-e-piirii me.n hai zaruur
lekin na dil se kiijiye sabr-o-qaraar duur
shaayad KHizaa.n se shakl 'ayaa.n ho bahaar kii
kuchh maslahat isii me.n ho parvardigaar kii
ye jaa'l ye fareb ye saazish ye shor-o-shar
honaa jo hai sab us ke bahaane hai.n sar-ba-sar
asbaab-e-zaahirii me.n na in par karo nazar
kyaa jaane kyaa hai parda-e-qudrat me.n jalva-gar
KHaas us kii maslahat ko.ii pahchaantaa nahii.n
manzuur kyaa use hai ko.ii jaantaa nahii.n
raahat ho yaa ki ranj KHushii ho ki intishaar
vaajib har ek rang me.n hai shukr-e-kird-gaar
tum hii nahii.n ho kushta-e-naira.ng-e-rozgaar
maatam-kade me.n dahr ke laakho.n hai.n sogvaar
saKHtii sahii nahii.n ki uThaa.ii ka.Dii nahii.n
duniyaa me.n kyaa kisii pe musiibat pa.Dii nahii.n

Chakbast Braj Narayan
Nazm

hubb-e-watan

ahl-e-daulat kaa sun chuke tum haal
ab suno ruu.edaad-e-ahl-e-kamaal
faazilo.n ko hai faazilo.n se inaad
pandito.n me.n pa.De hu.e hai.n fasaad
hai tabiibo.n me.n nok-jhok sadaa
ek se ek kaa hai thuuk judaa
rahne do ahl-e-ilm hai.n is tarah
pahalvaano.n me.n laag ho jis tarah
iiduu vaalo.n kaa hai agar paTThaa
sheKHuu vaalo.n me.n jaa nahii.n saktaa
shaa.iro.n me.n bhii hai yahii takraar
KHushnaveso.n ko hai yahii aazaar
laakh neko.n kaa kyuu.n na ho ik nek
dekh saktaa nahii.n hai ek ko ek
is pe turra ye hai ki ahl-e-hunar
duur samjhe hu.e hai.n apnaa ghar
milii ik gaa.nTh jis ko haldii kii
us ne samjhaa ki mai.n huu.n pansaarii
nusKHa ik tib kaa jis ko aataa hai
sage-bhaa.ii se vo chhupaataa hai
jis ko aataa hai phuu.nknaa kushta
hai hamaarii taraf se vo guu.ngaa
jis ko hai kuchh ramal me.n maaluumaat
vo nahii.n kartaa siidhe mu.nh se baat
baap bhaa.ii ho yaa ki ho beTaa
bhed paataa nahii.n munajjam kaa
kaam ka.ndle kaa jis ko hai ma.aluum
hai zamaane me.n us kii buKHl kii dhuum
al-Garaz jis ke paas hai kuchh chiiz
jaan se bhii sivaa hai us ko aziiz
qaum par un kaa kuchh nahii.n ehsaa.n
un kaa honaa na honaa hai yaksaa.n
sab kamaalaat aur hunar un ke
qabr me.n un ke saath jaa.e.nge
qaum kyaa kah ke un ko ro.egii
naam par kyuu.n ki jaan kho.egii
tarbiyat-yaafta hai.n jo yaa.n ke
KHvaah b-a ho.n is me.n yaa m.a
bharte hubb-e-vatan kaa go dam hai.n
par muhibb-e-vatan bahut kam hai.n
qaum ko un se jo umiide.n thii.n
ab jo dekhaa to sab Galat niklii.n
history un kii aur geography
saat parde me.n mu.nh diye hai pa.Dii
band us qufl me.n hai ilm un kaa
jis kii kunjii kaa kuchh nahii.n hai pataa
lete hai.n apne dil hii dil me.n maze
goyaa guu.nge kaa gu.D hai.n khaa.e hu.e
karte phirte hai.n sair-e-gul tanhaa
ko.ii paas un ke jaa nahii.n saktaa
ahl-e-insaaf sharm kii jaa hai
gar nahii.n buKHl ye to phir kyaa hai
tum ne dekhaa hai jo vo sab ko dikhaa.o
tum ne chakhaa hai jo vo sab ko chakhaa.o
ye jo daulat tumhaare paas hai aaj
ham-vatan is ke hai.n bahut mohtaaj
mu.nh ko ek ik tumhaare hai taktaa
ki nikaltaa hai mu.nh se aap ke kyaa
aap shaa.ista hai.n to apne liye
kuchh suluuk apnii qaum se bhii kiye
mez kursii agar lagaate hai.n aap
qaum se puuchhiye to pun hai na paap
mu.nDaa juutaa gar aap ko hai pasand
qaum ko is se faa.eda na gazand
qaum par karte ho agar ehsaa.n
to dikhaa.o kuchh apnaa josh-e-nihaa.n
kuchh dino.n aish me.n KHalal Daalo
peT me.n jo hai sab ugal Daalo
ilm ko kar do kuu-ba-kuu arzaa.n
hind ko kar dikhaa.o englistaa.n

Altaf Hussain Hali
Nazm

lahu nazr de rahi hai hayat

dilo.n pe KHauf ke pahre labo.n pe qufl sukuut
suro.n pe garm salaaKHo.n ke shaamiyaane hai.n

Sahir Ludhianvi
Nazm

ab kya karun

chhaa ga.ii barsaat kii pahlii ghaTaa ab kyaa karuu.n
KHauf thaa jis kaa vo aa pahu.nchii balaa ab kyaa karuu.n
hijr ko bahlaa chalii thii garm mausam kii sumuum
naa-gahaa.n chalne lagii ThanDii havaa ab kyaa karuu.n
aa.nkh uThii hii thii ki abr-e-laala-guu.n kii chhaa.nv me.n
dard se kahne lagaa kuchh jhuTpuTaa ab kyaa karuu.n
ashk abhii thamne na paa.e the ki bedardii ke saath
buu.ndiyo.n se bostaa.n bajne lagaa ab kyaa karuu.n
zaKHm ab bharne na paa.e the ki baadal charKH par
aa gayaa a.ng.Daa.iyaa.n letaa hu.aa ab kyaa karuu.n
aa chukii thii nii.nd sii Gam ko ki mausam naa-gahaa.n
bahr-o-bar me.n karvaTe.n lene lagaa ab kyaa karuu.n
charKH kii be-ra.ngiyo.n se sust thii raftaar-e-Gam
yak-ba-yak har zarra gulshan ban gayaa ab kyaa karuu.n
qufl-e-baab-e-shauq thii.n maahaul kii KHaamoshiyaa.n
daf.atan kaafir papiihaa bol uThaa ab kyaa karuu.n
hijr kaa siine me.n kuchh kam ho chalaa thaa pech-o-taab
baal bikhraane lagii kaalii ghaTaa ab kyaa karuu.n
aa.nkh jhapkaane lagii thii dil me.n yaad-e-lahn-e-yaad
mor kii aane lagii ban se sadaa ab kyaa karuu.n
ghaT chalaa thaa Gam kii ra.ngii.n badliyo.n kii aa.D se
un kaa chehra saamne aane lagaa ab kyaa karuu.n
aa rahii hai.n abr se un kii sadaa.e.n 'josh' 'josh'
ai KHudaa ab kyaa karuu.n baar-e-KHudaa ab kyaa karuu.n

Josh Malihabadi
Nazm

taaruf

mire daadaa jo british fauj ke naamii bhago.De the
na jaane kitnii jailo.n ke unho.n ne qufl to.De the
charas kaa aur gaa.nje kaa vo kaarobaar karte the
KHudaa se bhii nahii.n Darte the bas begam se Darte the
mire taa.e bhii apne vaqt ke mash.huur cheater the
ka.ii jailo.n ke to vo half-yearly bhii visitor the
har ik Gunda unhe.n ghar baiThe Gunda-tex detaa thaa
tijorii to.Dne kaa fan unhii.n se mai.n ne siikhaa thaa
chachaa marhuum naasik jail se jab vaapas aa.e the
to mash.huur-e-zamaana ik tavaa.if saath laa.e the
vo Thumrii daadraa aur bhairvii.n me.n baat kartii thii
tarannum me.n surayyaa aur lataa ko maat kartii thii
mire vaalid KHudaa baKHshe kahii.n aate na jaate the
sahar se shaam tak amaa.n ke aage dum hilaate the
thii ik bakre numaa burraaq daa.Dhii un ke chehre par
magar phir bhii kabaDDii khelte the raat ko aksar
mai.n apne baap daadaa ke hii naqsh-e-paa pe chaltaa huu.n
magar bas farq itnaa hai vo GunDe the mai.n netaa huu.n
police piichhe thii un ke third-degree kii ziyaafat ko
mire piichhe bhii rahtii hai magar merii hifaazat ko
nahii.n parvaa ki leader kaun achchhaa kaun ganda hai
siyaasat merii rozii hai election meraa dhanda hai
siyaasat me.n qadam rakh kar haqiiqat mai.n ne ye jaanii
churaa kaare kunad aaqil ki baaz aayad pashemaanii

Nashtar Amrohvi
Nazm

nazm-go ke liye mashwara

chup kaa qufl lagaa kar guu.ngii ho jaatii hai
dhiimaa dhiimaa bolte yak-dam Gurraatii hai

Daniyal Tareer
Nazm

Tadfin

tadfiin
chaar taraf sannaaTe kii diivaare.n hai.n
aur markaz me.n ik taaza taaza qabr khudii hai
ko.ii janaaza aane vaalaa hai
kuchh aur nahii.n to aaj shahaadat kaa kalma sun.ne ko milegaa
kaano.n ke ik sadii puraane qufl khule.nge
aaj mirii qallaash samaa.at ko aavaaz kii daulat arzaanii hogii
diivaaro.n ke saa.e me.n ik bahut ba.Daa amboh numaayaa.n hotaa hai
jo aahista aahista qabr kii jaanib aataa hai
in logo.n ke qadmo.n kii ko.ii chaap nahii.n hai
lab hilte hai.n lekin harf sadaa ban.ne se pahle mar jaate hai.n
aa.nkho.n se aa.nsuu jaarii hai.n
lekin aa.nsuu to vaise bhii
dil o dimaaG ke sannaaTo.n kii timsaale.n hote hai.n
mayyat qabr me.n utrii hai
aur hadd-e-nazar tak log bilakte hu.e dikhaa.ii dete hai.n
aur sirf dikhaa.ii dete hai.n
aur kaan dharo to sannaaTe hii sunaa.ii dete hai.n
jab qabr mukammal ho jaatii hai
ik buu.Dhaa jo ''vaqt'' nazar aataa hai apne huliye se
haatho.n me.n uThaa.e katba qabr pe jhuktaa hai
jab uThtaa hai to katbe kaa har harf garajne lagtaa hai
ye lauh-e-mazaar ''aavaaz'' kii hai!

Ahmad Nadeem Qasmi
Nazm

mothers day par

magar jab vajuud us kaa
mujassam ajnabii ban kar
gurezaa.n ho gayaa mujh se
azaab jaa.nkanii ban kar
KHayaal aayaa ki shaayad bas
vahii ik ism-e-aazam maa.n mujhe sikhlaa nahii.n paa.ii
jise pa.Dhne se us kii sard-mehrii sard pa.D jaa.e
jo us ke dil kaa za.ngii qufl khole aur vo mujh ko
faqat ik baar izn-e-baaryaabii de
aazaab-e-naarasaa.ii KHatm kar de aur
naved-e-shaadmaanii de

Shahnaz Parveen Shazi
Nazm

zindagi ke darwaze par

zindagii apne dariicho.n me.n hai mushtaaq abhii
kyaa KHabar to.D hii de ba.Dh ke ko.ii qufl-e-jumuud

Akhtarul Iman
Nazm

jism ki kashti mein aa

havaa ke paa.nv is ziine talak aa.e the lagtaa hai
diye kii lau pe ye bosa usii kaa hai
mirii gardan se siine tak
KHaraasho.n kii lakiiro.n kaa ye gul-dasta
tilismii qufl khulne kii isii saa.at kii KHaatir
hijr ke mausam guzaare hai.n
havaa ne muddato.n me.n paa.nv paanii me.n utaare hai.n
mirii pislii se paidaa ho
vahii gandum kii buu le kar
zamii.n aur aasmaa.n kii vus.ate.n
mujh me.n simaT aa.e.n
uluhii lazzat-e-naayaab se sarshaar kar mujh ko
mai.n ik pyaasaa samundar huu.n
tuu apnii jism kii kashtii me.n aa
aur paar kar mujh ko

Shahryar
Nazm

khanDar

ye qufl-e-zang-aaluuda ye ghar ke band darvaaze
tire tark-e-vatan kaa dukh-bharaa afsaana kahte hai.n
mu.nDero.n par ye lahraate hu.e pur-haul sannaaTe
shikast-e-KHvaab kii ruudaad-e-Gam dohraate rahte hai.n
yahaa.n har shaam mehraabo.n me.n u.Dtii hai.n abaabiile.n
yahaa.n pichhle pahar shabnam ke aa.nsuu roz bahte hai.n

Qaisarul Jafri
Nazm

tum se katra ke nikalne ka sabab hai koi

tum se katraa ke nikalne kaa sabab hai ko.ii
mil ke tum se
ba.Dii tanhaa.ii sii ho jaatii hai
ghar talak saath
ik aahaT sii chalii aatii hai
sab kivaa.Do.n ko iraado.n ko
muqaffal kar lo
par ye aahaT hai ki
diivaaro.n se chhan aatii hai
KHaak u.Daa kartii hai
jis sahn me.n sannaaTe kii
vaa.n ajab shauq kaa darbaar lagaa hotaa hai
raqs kartii hai mire paa.nv tale
merii zamii.n
hosh kii bazm me.n
mai-KHaana sajaa hotaa hai
qufl saare mire ehsaas ke
sab zanjiire.n
naam lete hai.n kabhii jaam ko Takraate hai.n
KHvaab mere
mujhe samjhaane chale aate hai.n
do gha.Dii me.n miraa har kaam ulaT jaataa hai
is qadar shor machaate hai.n
ye lamhaat-e-tarab
dhyaan palluu se ba.ndhii
soch se haT jaataa hai
KHud ko tartiib se rakhne me.n uThaane me.n mujhe
mil ke har baar
ba.Daa vaqt bhii lag jaataa hai
tum se rishta to ko.ii thaa
na hii ab hai ko.ii
tum se katraa ke nikalne kaa sabab hai ko.ii

Naseem Syed
Nazm

raat

sham.a ik jalaane par kaisii kaisii paabandii
nuur par bhii paabandii tuur par bhii paabandii
sau tarah kii paabandii sham.a kaise jal paa.e
kis me.n itnii jur.at hai maut se ulajh jaa.e
yaas dil se kahtii hai maslahat ba.Dii shai hai
maslahat isii me.n hai qufl Daaliye lab par
josh laakh bahlaa.e kuchh na laa.iye lab par
yaas ek bu.Dhiyaa hai tajarbe se kahtii hai
log qadr karte hai.n maslahat isii me.n hai
maslahat pe chalte hai.n KHairiyat isii me.n hai

Daud Ghazi
Nazm

mujhe wirsa nahin mila

use na saheliyaa.n banaane kii ijaazat hai na ha.nsne kii
us ke labo.n par qufl zaruurii hai
vo na kisii kaa Gam baa.nT saktii hai na KHushiyaa.n
use na vaqaar diyaa gayaa hai na iKHtiyaar
us ke haath bhii ba.ndhe hu.e hai.n paa.nv bhii
ko.ii kisii trunk me.n na dekh le
kisii daraaz me.n na jhaa.nk le
ko.ii aa.nkho.n me.n na dekh le
ko.ii dil me.n na jhaa.nk le
taale lagaanaa us kii zaruurat bhii hai majbuurii bhii

Hamida Shaheen
Nazm

qahat-sali mein eid

kahte hai.n eid hai aaj apnii bhii eid hotii
bahbuud-e-mulk kii gar ham ko umiid hotii
haale me.n chaa.nd gar kal ham ko dikhaa.ii detaa
qufl-e-KHazaana apnaa apnii kaliid hotii
uf be-zarii kaa aalam allah re qahat-saalii
kyaa KHaak eid hotii kyaa KHaak eid hotii
kaTte agar na hindii talvaar-e-muflisii se
ye eid ham-damo.n phir be-shak sa.iid hotii
karte agar tavajjoh mulkii mu.aamlo.n par
jo ko.ii baat hotii apne mufiid hotii
hukkaam chaahe.n jo kuchh dil me.n KHayaal kar le.n
thii baat tab ki baaham guft-o-shuniid hotii
logo.n ne kar diyaa hai kyo.n chaa.nd ko muqaddam
gar ham 'falak’ na hote kis tarah eid hotii

Lal Chand Falak
Nazm

lughat mahdud hai

udaasii baat kartii hai kisii anjaan bolii me.n
sukuu.n kaa phuul dil ke shaaKHcho.n se to.D letii hai
ye nii.ndo.n ko uThaa letii hai aa.nkho.n ke kaToro.n se
kabhii kho.ii hu.ii yaade.n kahii.n se khoj laatii hai
bahut sii an-kahii baate.n kahii.n se gher laatii hai
hathelii par sajaa laatii hai vo suukhe hu.e patte
rachii hai jin ke resho.n me.n ko.ii bhuulii hu.ii KHushbuu
likhe hai.n jin pe guzre mausamo.n ke dil-nashii.n lamhe
puraane se puraanaa qufl pal me.n khol detii hai
udaasii jaa utartii hai
badan ke un jaziiro.n par
jinhe.n viiraan rakhnaa ho
udaasii TimTimaatii hai
lahuu ke un ilaaqo.n me.n
jinhe.n taariik rakhnaa ho

Hamida Shaheen
Nazm

madd-o-jazr

vaqt kii god me.n suukhe bachche
chaar-suu ghuumte laaGar raa.njhe
na.e cha.ngez na.e naadir-shaah
aahan ho sharbaa ke shab-diiz
kaahin maktab-e-naKHshab ke
fusuu.n-kaar baguule hai.n ki
sarsaam ke sar chashme hai.n
guu.njte shahpar-e-aaseb ke KHuunii panje
aadam-e-shaa.eq-e-fitrat ke liye
qufl abjad bhii hai.n
zanjiire.n bhii
ruup kii nagrii me.n bahruup ke taajir aa.e
duur deso.n ke fusuu.n-kaar
zar kaaGaz raahat ke liye
chaar-suu kushto.n ke pushte bhii lage hai.n dekho
kis qadar KHuun-bahaa baaqii hai
aa.nkhe.n pathraa.ii hai.n maa.o.n kii
Gulaamaan-e-rusuum-e-amvaaj
apnii aqliim kii me.araaj
kahaa.n baiThe hai.n
zarre zarre se nikalte hai.n a.ndhere bichchhuu

Saadat Saeed
Nazm

yar parinde!

yaar parinde! yahii.n kahii.n thaa niim ke pe.D kaa dayaar
miTTii kii kachchii diivaare.n chaa.ndii jaise yaar
yassuu punjuu haar kabuutar, kanche vanche, taash
jiitne vaale naalaa.n, haarne vaale the KHush-baash
ulTe tave kii roTii saath me.n khaTTaa miiThaa saag
makkhan kii Daliyo.n me.n jaise maa.n ke pyaar kaa raag
do kamro.n ke ghar me.n itne ghane ghanere log
niim kii chhaa.nv baa.nTne aate gaa.nv bhar ke log
ghar kaa darvaaza thaa saa.njhaa jaise ghar kii maa.n
sahn me.n itnii vus.at hotii jaise ek jahaa.n
yaar parinde! gaa.nv vahii hai vaisaa niim kaa pe.D
diivaaro.n par kaa.nch ja.De hai.n darvaazo.n par qufl
shaam Dhale hii chaupaale.n ho jaatii hai.n sunsaan
changiiro.n kii baasii roTii aur Dabbe kaa duudh
havaa hu.ii.n makkhan kii Daliyaa.n havaa hu.aa vo pyaar
yaar parinde! niim ke pe.D kii baato.n me.n mat aa
paas ke jangal me.n zaaGo.n ke Dere par sau jaa

Iliyas Babar Aawan
Nazm

shuur ki tah ke phaTakon par

mai.n jaantaa huu.n
shu.uur kii tah ke phaaTako.n par
jo qufl hai, vo kaliid bhii hai

Satyapal Anand
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now