Search result for "raah-e-ulfat" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "raah-e-ulfat"

Nazm MATCHES FOR "raah-e-ulfat"

Nazm

nakaam ishq

raah-e-ulfat pe chal ke dekho to
apne Gam se nikal ke dekho to
jis taraf dekho be-qaraarii hai
saarii duniyaa hii Gam kii maarii hai
yuu.n to kitne hii KHuub-suurat hai.n
ek duuje kii ham zaruurat hai.n
terii yaado.n me.n kho rahe hai.n ham
apnii palke.n bhigo rahe hai.n ham
merii baato.n kaa e'tibaar karo
mere mahbuub mujh se pyaar karo
dar-haqiiqat jo 'ishq karte hai.n
phir jo chaahe.n vo kar guzarte hai.n
vo mohabbat me.n naa-mukammal hai.n
husn par marne vaale paagal hai.n
zindagaanii hai KHatm honaa hai
husn faanii hai KHatm honaa hai
be-zabaano.n kii ham nidaa hote
kaash kirdaar par fidaa hote
KHud ye anjaam kar ke baiThe hai.n
'ishq-e-naa-kaam kar ke baiThe hai.n

Faisal Qadri Gunnauri

Nazm

ek taswir

raah-e-ulfat kii rivaayaat-e-kuhan zinda hai.n
sar-ba-kaf ahl-e-vafaa bahr-e-tamaashaa guzre
dard kii raat vahii karb kaa ehsaas vahii
aamad-e-sub.h-e-tamanna kaa gumaa.n kyaa guzre
KHauf kaliyo.n kaa tabassum bhii churaa letaa hai
ufuq-e-jabr a.ndhero.n kaa pataa detaa hai
ek tasviir jo aavezaa.n thii aivaano.n me.n
KHuun kaa Gaaza male husn-e-sitam ho jaise
paikar-e-tamkanat-o-naaz-o-Guruur-e-baatil
dar-e-zindaa.n pe tashaddud kaa alam ho jaise
ab vo tasviir kisii gosha-e-aivaa.n me.n nahii.n
zikr us but kaa kisii bazm-e-shabistaa.n me.n nahii.n

Muslim Shameem

Nazm

ek taswir

raah-e-ulfat kii rivaayaat-e-kuhan zinda hai.n
sar-ba-kaf ahl-e-vafaa bahr-e-tamaasha guzre
dard kii raat vahii karb kaa ehsaas vahii
aamad-e-sub.h-e-tamanna kaa gumaa.n kyaa guzre
KHauf kaliyo.n kaa tabassum bhii churaa letaa hai
ufuq-e-jabr a.ndhero.n kaa pataa detaa hai

Muslim Shameem

Nazm

subh-e-shab-e-intizar

charaaG raah me.n us ke amal se jalne lage
lo aaj sub.h-e-shab-e-intizaar aa hii ga.ii
fazaa mahakne lagii dil-navaaz phuulo.n se
dayaar-e-hind me.n fasl-e-bahaar aa hii ga.ii

Syeda Shan-e-Meraj

Nazm

id

har qadam par rah-rav-e-ulfat ko manzil ke liye
shauq honaa chaahiye ummiid honii chaahiye

Maikash Akbarabadi

Nazm

phir sham hui

ko.ii dekhe ye majbuuriyaa.n duuriyaa.n
ek hii shahr me.n ham kahaa.n tum kahaa.n
dosto.n ne bhii chho.Dii hai.n dil-daariyaa.n
aaj vaqf-e-Gam-e-ulfat-e-raa.egaa.n
ham jo phirte hai.n vahshat-zada sargiraa.n
the kabhii saahib-e-aabruu shahr me.n
log taano.n se kyaa kyaa jataate nahii.n
aise raahii to manzil ko paate nahii.n
jii se ik duusre ko bhulaate nahii.n
saamne bhii magar aate jaate nahii.n
aur jaa.e.n to aa.nkhe.n milaate nahii.n
haa.e kyaa kyaa nahii.n guftuguu shahr me.n

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha

Nazm

dil-ashob

yuu.n kahne ko raahe.n mulk-e-vafaa kii ujaal gayaa
ik dhund milii jis raah me.n paik-e-KHayaal gayaa
phir chaa.nd hame.n kisii raat kii god me.n Daal gayaa

Ibn۔e۔Insha

Nazm

tujhse jab aankh laDi

tujh se jab aa.nkh la.Dii go ye manzil thii ka.Dii
mai.n ne us manzil-e-dushvaar ko aasaa.n samjhaa
KHaar-zaar-e-rah-e-ulfat ko gulistaa.n samjhaa
vaadii-e-Gam ke KHam-o-pech kaa ehsaas na thaa
kisii mushkil kisii uljhan kaa mujhe paas na thaa
tujh se jab aa.nkh la.Dii goyaa manzil thii ka.Dii
mai.n ne us manzil-e-dushvaar ko aasaa.n samjhaa

Amjad Najmi

Nazm

raftagan ka pata

vo saare rishte
jinhe.n tumhaare qariib aa kar bhulaa diyaa thaa
vo sab maraasim ki jin ko mai.n ne
tumhaarii qurbat me.n to.D Daalaa
tumhaarii zulfo.n kaa saaya paa kar ke
jin daraKHto.n kii ThanDii chhaa.nv se uTh gayaa thaa
vo saarii aa.nkhe.n
jo raah-e-ulfat pe merii aamad kii muntazir thii.n
vo saare paa.nv jo saath chalne kii KHvaahisho.n me.n kha.De hu.e the
magar palaT kar na dekhaa mai.n ne

Ashu Mishra

Nazm

tamir-e-gulistan

jo kuchh rah-e-ulfat me.n 'takmiil' pe guzrii hai
afsaana-dar-afsaana tahriir karo yaaro

Takmiil Rizvi Lakhnavi

Nazm

rishte ki zanjir

dil kii gahraa.ii se mai.n ne chaahaa tujhe
apne KHvaabo.n kii duniyaa tujhe sau.np dii
be-niyaazaana tuu misl-e-sham’-e-sahar
merii haalat se be-fikr jaltii rahii
aur
aa.nkho.n kaa kaajal pighaltaa rahaa
qurbato.n me.n bhii the is qadar faasle
dono.n milte rahe ajnabii kii tarah
kitne din aa.e aur aa ke jaate rahe
merii jaanib se iz.haar-e-ulfat nahii.n
terii jaanib se ko.ii ishaaraa nahii.n
mai.n ne samjhaa tirii be-ruKHii dekh kar
tere dil me.n hii jaise haraarat nahii.n
mujh se rishta nahii.n
kuchh ta'alluq nahii.n kuchh mohabbat nahii.n
aur tujh se miraa pyaar yak-tarfa hai
din guzarte rahe
aur phir
mai.n ne dekhaa jo kal copiyo.n par tirii
naam likh likh ke apnaa miTaayaa hu.aa
ye yaqii.n aa gayaa
dard-e-dil ye miraa sirf meraa nahii.n
balki teraa bhii hai
raah-e-ulfat me.n tuu bhii mire saath hai

Ejaz Ali Arshad

Nazm

huzuri

huzuurii me.n ye mushkil thii ki ho kyaa kuchh bayaa.n pahle
vafaa kaa zikr pahle yaa jafaa kii daastaa.n pahle
niyaaz-o-naaz me.n farq-e-maraatib ko.ii kyaa samjhe
jabii.n pahle jhukii yaa khi.nch ke aaya aastaa.n pahle
vahii hai vaadii-e-aiman vahii tuur-e-tajallii hai
magar mai.n siikh luu.n ahl-e-mohabbat kii zabaa.n pahle
kabhii ik aan me.n soz-e-nazar se jal uThe parde
kabhii barso.n hu.e taab-e-nazar ke imtihaa.n pahle
bas ik do gaam aur aage hai is ke manzil-e-irfaa.n
agar tai ho sake ye manzil-e-vahm-o-gumaa.n se pahle
KHirad bhii rahbar-e-manzil hai lekin mo'atabar kam hai
ye shart-e-avvalii.n hai dil kii ho le ham-inaa.n pahle
'muniir' aasaa.n nahii.n hai raah-e-ulfat se guzarnaa bhii
ye laazim hai ki ho le KHuugar-e-zabt-e-fuGaa.n pahle

Muneer Wahidi

Nazm

kirshn ka KHitab

fanaa hone lagtaa hai jis vaqt dharm
masiihaa-nafas ban ke aataa huu.n mai.n
ataa kar ke us ko na.ii zindagii
tabaahii kii zad se bachaataa huu.n mai.n
miTaa kar zamaane se baatil kaa naam
sadaaqat kaa Dankaa bajaataa huu.n mai.n
kamar-basta hote hai.n jo jang par
unhe.n raah-e-ulfat dikhaataa huu.n mai.n
sune.n jo na phir bhii nasiihat mirii
zamaane se un ko miTaataa huu.n mai.n
jo la.Dte hai.n duniyaa me.n haq ke liye
zafar-yaab un ko banaataa huu.n mai.n
bajaa kar kabhii to madhur bansurii
mohabbat ke naGme sunaataa huu.n mai.n
kabhii garm kartaa huu.n maidaan-e-jang
shujaa.at ke jauhar dikhaataa huu.n mai.n
kabhii jang me.n bahr-e-irfaan-e-haq
fasaahat ke dariyaa bahaataa huu.n mai.n
sikhaa kar bashar ko rumuuz-e-hayaat
farishto.n kaa ham-sar banaataa huu.n mai.n
jo laate hai.n iimaa.n mirii zaat par
gunaaho.n se un ko bachaataa huu.n mai.n
unhe.n baKHshtaa huu.n baqaa-e-davaam
jinhe.n mo'taqid apnaa paataa huu.n mai.n
sharan me.n jo aate hai.n 'saabir' mirii
tanaasuKH se un ko chhu.Daataa huu.n mai.n

Sabir Abuhari

Nazm

etiraf

ai dil-e-zinda sach bataa ki tujhe
KHaar rahnaa hai yuu.nhii raaho.n me.n
zindagii ke jahannamo.n se pare
apnii jannat banaanaa hai ki nahii.n
apne KHuu.n-gashta raah-daaro.n me.n
KHirman-e-dil jalaanaa hai ki nahii.n
apne ehsaas kii kasauTii par
zarb kaarii lagaanaa hai ki nahii.n
apne bujhte hu.e charaaGo.n ko
raah-e-ulfat dikhaanaa hai ki nahii.n
aa.o raushan kare.n charaaG vahii
jin se duniyaa ujaal le.n ik din
apne haatho.n me.n vo ayaaG rahe.n
ra.ng-e-mahfil nikhaar le.n ik din
ai dil-e-zinda sach bataa ki tujhe
aaKHirash intizaar kis kaa hai

Anees Sultana

Nazm

parchhaiyan

kyuu.n na ab tum se tasavvur me.n karuu.n baat suno tum se ye kahnaa hai mujhe
tum kahogii nahii.n mai.n vaj.h-e-suKHan jaan ga.ii
yaad se terii hii ma.amuur hai.n din-raat ye kahnaa hai mujhe
tum kahogii ki mai.n hastii ko kafan maan ga.ii
raah-e-ulfat me.n kabhii hogaa tiraa saath ye kahnaa hai mujhe
tum kahogii mai.n zamaane kaa chalan jaan ga.ii
kaun badlegaa ye haalaat ye kahnaa hai mujhe
tum kahogii mai.n unhe.n daar-o-rasan maan ga.ii
zindagii ye hai to marnaa bhii hai baaraat ye kahnaa hai mujhe
tum kahogii ki ye mai.n soKHta-tan jaan ga.ii
2
mai.n zamaane ke huu.n aa.iin kaa paaband ye kahnaa hai mujhe
tum kaho dekho ki ye marg-e-abad hai ki nahii.n
haa.n mai.n is pe huu.n razaa-mand ye kahnaa hai mujhe
tum kaho jaur-e-zamaa.n kii ko.ii had hai ki nahii.n
mujh pe har raah hu.ii band ye kahnaa hai mujhe
tum kaho zinda giraftaar-e-lahad hai ki nahii.n
haa.n giraftaar huu.n do chand ye kahnaa hai mujhe
tum kaho ne.amat-e-hastii se ye kad hai ki nahii.n
3
tum merii ziist ke viiraane me.n partav ho KHayaabaano.n kaa
mai.n to sarsar huu.n ki viiraano.n se kyaa mel KHayaabano.n ke
tum to ho naGma-e-shab-taab mare uj.De shabistaano.n kaa
mai.n to shevan huu.n ki shevan hai.n nishaa.n aise shabistaano.n ke
tum nayaa ruup rachaa.o nayaa si.ngaar ho mere na.e armaano.n kaa
mai.n to huu.n KHuun-e-tamannaa ki sadaa KHuun hu.aa karte hai.n armaano.n ke
tum to amrit ho malaalo.n ke alaav me.n jalii jaano.n kaa
mai.n nahii.n raakh bhii kyaa aur nishaa.n ho.nge malaalo.n se jalii jaano.n ke

Mukhtar Siddiqui

Nazm

guftugu jo hoti hai sal-e-nau se ambar ki

dil se dil ke milne kii nuqra.ii sadaa.e.n ho.n
ra.ng-e-ishq-o-ulfat kii reshmii havaa.e.n ho.n

Aleena Itrat

Nazm

haweli

haa.n vo naGma chhe.D jis se muskuraa.e zindagii
to bajaa-e-saaz-e-ulfat aur gaa.e zindagii

Makhdoom Mohiuddin

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now