Search result for "saeed" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "saeed"

Nazm MATCHES FOR "saeed"

Nazm

zarqa

to kyaa vo jhuuT thaa
tuu ne jo us la.Dkii se bolaa thaa
mai.n terii jhiil jaisii
niilii aa.nkho.n par Gazal ke sher likkhuu.ngaa
mai.n terii reshmii zulfo.n me.n
apnii nazm ke motii piro.uu.ngaa
mai.n terii duudhiyaa ra.ngat kalaa.ii me.n
tilaa.ii chuu.Diyo.n aise
khanakte giit pahnaane kaa KHvaahaa.n huu.n
mujhe ma.aluum hai fursat nahii.n miltii
bahut se aur mauzuaat bhii
maanaa zaruurii hai.n
magar us se kiyaa va.ada
bhalaa kyaa kam zaruurii hai
tuu aisaa kar
ko.ii apnii puraanii nazm us ke naam kar de
yaa
Gazal ke sher me.n radd-o-badal kar ke
kisii suurat bhii us kaa tazkira kar de
jo terii shaa.irii ke aa.ine ke saamne
si.nghaar karne baiTh jaatii hai
nahii.n
mujh se to aisaa bhii nahii.n mumkin
use merii sabhii nazme.n
sabhii Gazle.n
zabaanii yaad hotii hai.n
use to merii vo Gazle.n bhii azbar hai.n
jo mai.n ne
jaa ke sadiyo.n baa'd kahnii hai.n
mai.n un yaaquut ho.nTo.n par
faqat
KHaamoshiyaa.n hii sabt kartaa huu.n

Rana Saeed Doshi

Nazm

udas chehre wali KHub-surat laDki ke liye ek nazm

restaurant kii ra.ngaa-ra.ng raushniyo.n me.n
Duubaa samar ke KHuub-suurat giit kii maddham lai me.n
mere saamne baiThii udaas chehre vaalii ai KHuub-suurat la.Dkii
ab piichhe mu.D ke mat dekho
dekho to hamaare saamne raasta kitnaa KHuub-suurat hai
hamaare saro.n par sukh aur shaa.ntii kaa kitnaa gahraa baadal hai

Salman Saeed

Nazm

intizar

aur tum nahii.n aate
chaa.nd Duub jaataa hai
umr biit jaatii hai
intizaar kii baazii
raat jiit jaatii hai
jabr kaa ka.Daa lamha
aas kaa bujhaa taaraa
shaam-e-hijr kaa dariyaa
mujh me.n Duub jaataa hai
aur tum nahii.n aate

Saeed Qais

Nazm

nisf hijr ke dayar se

havaa ke haatho.n me.n haath de kar
judaa.iyo.n ke safar pe nikle the tum
magar kyuu.n
ruke hu.e ho
yaqiin-e-KHufta gumaan-e-puKHta ke paaniyo.n par
jahaa.n pe avval mohabbato.n ke ka.nval khile the
abhii vahii.n ho!
judaa.iyo.n ke safar pe jaa kar bhii ab talak tum
ga.e nahii.n ho!
chale bhii jaa.o
chale bhii jaa.o
ki gum-shuda zaat ke KHaziine kii kunjiyaa.n Dhuu.nDnii hai.n mai.n ne
sukuut-e-saut-o-sadaa ke parde me.n tarz-e-guftaar siikhnii hai
nikal ke maujuuda vaqt ke be-dariicha be-dar haveliyo.n se
mujhe mulaaqaat sochnii hai
bahut sii be-naam Gair mahduud saa.ato.n kii saheliyo.n se

Saeed Ahmad

Nazm

agar aurat kama sakti to

kharii baato.n kaa zaa.iqa tursh hotaa hai
ba-hasiyat insaan
aurat kii zaruurat
kisii mard ko nahii.n
vo girvii rakhii jaa.e
yaa bech dii jaa.e
kiraa.e pe lii jaa.e
yaa yak-musht KHariid lii jaa.e
us ke KHayaalaat kii
bandar-baa.nT mumkin nahii.n
hukm kii paabandii kaa tauq pahan kar
jiivan kii kuTiyaa kaa
kiraaya adaa karte hu.e
agar aurat kamaa saktii to
laatii mard ke liye KHariid kar
vo hausla
ki jis se vo apnaa chehra
us ke KHayaal aa.iine me.n dekh saktaa
naa-KHush tamaam baato.n ko
insaaf ke pal.De me.n taul saktaa
adam-e-tahaffuz ke pinjre me.n
tiisre darje ke qaidii kii haisiyat se
agar aurat kamaa saktii to
laatii mard ke liye KHariid kar
vo mohabbat
jo us kii fitrii zaruurat se maavaraa hotii
agar aurat kamaa saktii to

Bushra Saeed

Nazm

zindagi

zindagii is tarah guzartii hai
jis tarah june ke mahiine me.n
ko.ii buu.Dhaa Gariib pardesii
laakh armaa.n dabaa.e siine me.n
bojh se chuur aur thakan se niDhaal
haa.nptaa-kaa.nptaa pasiine me.n
uu.nche mahlo.n tale guzartaa ho
aur har-gaam aah bhartaa ho

Saeed Ahmad Akhtar

Nazm

mazdur

ek mazduur
ki jis ke badan ne
ka.ii dino.n kii an-thak riyaazat
cement ret aur bajrii ke biich kaTii thii
ek pyaalii chaa.e kii talab
belche kii miTTii ke saath uchhaalii thii
fikr-e-ayaal ko
lohe kii re.Dhii pe
ii.nTo.n ke saath dhakelaa thaa
chand lamhe
sustaane kii KHvaahish ko
sabr ke hathau.De se kuuT Daalaa thaa
tab jaa kar kahii.n
aaKHir kaar
aaj apnii daavat manaanii thii
ghar me.n murGii pakaanii thii
magar chamaktii kirolaa kii
damaktii maKHluuq ko kyaa KHabar
beach sa.Dak me.n
jis kaa shaper phaTaa thaa
jo laa-vaaris laash kii suurat pa.Daa thaa
aaj us ne
apnii daavat manaanii thii
ghar me.n murGii pakaanii thii

Bushra Saeed

Nazm

mohabbat

'sa.iid' lekin usii ko chaahuu.n
jise du.aa-e-KHaliil maa.nge

Saeed Warsi

Nazm

dard harf chunne lage

us kii mardaangii ko
mere aa.nsu.o.n kii haajat thii
vo merii ruuh ko
is vaqt tak daaGtaa rahaa
jab tak us kii poro.n me.n
mard hone kaa ehsaas nahii.n itraayaa
us ke miTTii vajuud ko
mai.n ne khaare paanii se guu.ndh kar
be-hisii kii bhaTTii me.n Daal diyaa
vo patthar kaa ho gayaa
mai.n bain karne lagii
hosh aayaa to
usii but ke aage
bachii-khuchii tamannaa.e.n bhe.nT kii.n
aur sajda-rez ho ga.ii
tapasyaa amar hu.ii to
dard harf chun.ne lage
aur mai.n nazme.n gungunaane lagii

Bushra Saeed

Nazm

anjam

ek sub.h kaa taaraa
sar pe aasmaa.n o.Dhe
raushnii ke ziine se roz utar ke aataa hai
aur is na.e ghar ke
adh-khule dariiche me.n aa ke baiTh jaataa hai
haath ke ishaaro.n se
daa.ere banaataa hai
aur mai.n mohabbat kii buu.nd buu.nd kirno.n me.n
roz Duub jaataa huu.n

Saeed Qais

Nazm

justuju

kab se qaid huu.n
chalte-phirte zindaa.n me.n
kaa.nTo.n kii ridaa o.Dhe hu.e
pattharo.n kaa pairahan pahne hu.e
kab se Dhuu.nDh rahaa huu.n
des des
ja.ngal ja.ngal
sahraa sahraa
KHud-shanaasii kii be-panaah daulat
KHud ko paa lene kii ye KHvaahish
na jaane kab tak ujaagar rahegii
aur le jaa.egii
safar-dar-safar
manzil-ba-manzil
na jaane
kahaa.n kahaa.n

Saeed Arifi

Nazm

ghaalib

tum ye kahte ho ki qaa.il nahii.n aslaaf kaa mai.n
sach hai ye daur bhii aslaaf parastii kaa nahii.n
aaj har jaam se labrez mai-e-hastii se
jaam-e-diiroz me.n ye baada-e-ra.ngii.n hai kahii.n

Saeed Arifi

Nazm

fasle

qurbato.n ke faasle
jo the vo kam nahii.n hu.e
dilo.n me.n hai.n jo ranjishe.n
vo baras-haa-baras se hai.n usii tarah se maujzan
mohabbato.n kii Daaliyaa.n
kabhii kii KHushk ho chukii.n
munaafiqat kii chaadare.n
dilo.n pe hai.n cha.Dhii hu.ii.n
ye ulfato.n kii rahguzar
hai suunii aaj kis qadar
hai.n saath sab ba-zaahir ab
magar vo pyaar kii sham.a
jo raushnii kaa thii sabab
vo bujh chukii vo gul hu.ii
hai rab se merii ye du.aa
ai mere rab mire KHudaa
mohabbato.n kii Daaliyaa.n
ho.n phir se sab harii-bharii
vo ulfato.n kii rahguzar bane sabhii kii rahguzar
jale vo pyaar kii sham.a
ho chaar suu chamak-damak
ai mere rab
ye chaahato.n kii duuriyaa.n
munaafiqat kii chaadare.n
ye qurbato.n ke faasle
sameT le mire KHudaa
sameT le mire KHudaa

Saeed Saadi

Nazm

apni talash mein nikle

bahut gumaan hai apne vajuud kaa mujh ko
magar ko.ii bhii haqiiqat ayaa.n nahii.n mujh par
KHizaa.n-rasiida kisii barg-e-naa-tavaa.n kii tarah
gumaan ye ki safar mere iKHtiyaar me.n hai
mujhe to ye bhii nahii.n ilm kyaa hai merii zaat
mai.n jis ko Dhuu.nDh rahaa huu.n vo kaun hai kyaa hai
vo chaahtaa hai use Dhuu.nDh luu.n agar mai.n bhii
ko.ii nishaan ko.ii raushnii to laazim hai
to is haqiiqat-e-maKHfii ko jaan.ne ke liye
chalo KHudaa se ko.ii baat kar ke dekhte hai.n
agar ye parda-nashiinii hii baaqii rakhnii hai
agar talaash kaa ye imtihaan jaarii hai
to mere diida-e-shab ke sukuun kii KHaatir
ataa kare ko.ii hikmat ko.ii hunar aisaa
ki jab mai.n jaaguu.n
to as.haab-e-kahf kii maanind
na ko.ii parda na ib.haam ho mire aage
vo vaqt aa.e ki mujh se vo zaat khul jaa.e
mire nasiib se ik aagahii kaa daur mile
mire vajuud se ye kaa.enaat khul jaa.e
chalo usii se pata us kaa puuchh lete hai.n
chalo KHudaa se ko.ii baat kar ke dekhte hai.n

Saeed Naqvi

Nazm

taaqub

phir mire ta.aaqub me.n
ik udaas saa chehra
zaKHm zaKHm yaado.n ke jabr kii ridaa o.Dhe
hijr kii tamaazat me.n
vasl kii masaafat me.n
be-samar mohabbat kii be-nishaan galiyo.n me.n
na.nge paa.nv phirtaa hai

Saeed Qais

Nazm

madd-o-jazr

shaam-e-ha.ngaam to ham hai
tasavvur ke khaTolo.n pe sajii
apne ajdaad ke ayyaam kii
tasviire.n damak uThii hai.n

Saadat Saeed

Nazm

kachre ka Dher

kaa.ndhe par qad se lambii borii laTkaa.e
ek bachcha
kachre ke us Dher kii jaanib lapaktaa hai
jahaa.n se
naak band kar ke guzarnaa bhii dushvaar lagtaa hai
shaam tak
Galaazat ke us pahaa.D se
vo badbuu-daar
Dabbe botale.n aur bosiida kaaGaz chunegaa
din Dhale
apnii KHvaarii kii
sastii mazduurii jab paa.egaa
ghar jaate hu.e vo
KHushii kaa raag gaa.egaa
magar
us kii niilii shaffaaf aa.nkho.n kaa
siyaah KHvaab
taaza kachre kaa Dher
ko.ii nahii.n sochegaa
us kii duudhiyaa jild kii tah me.n
utartii zahriilii mail
ko.ii nahii.n dho.egaa
vo ma.asuum bachcha
kyaa hame.n
kabhii nazar nahii.n aa.egaa

Bushra Saeed

Nazm

muntaKHab-e-rozgar abulkalam-azad

vo ek fikr jo baa-e'tibaar kartii hai
nazar me.n kaabil-sad-iftiKHaar kartii hai

Saeed Arifi

Nazm

chaukidar

ek soft-drink kii qiimat me.n
december kii sardii me.n
jab hame.n apne bistar se
darvaaze tak jaanaa
naa-mumkin lagtaa hai
vo hamaarii chhato.n kii nigahbaanii
haDDiyo.n me.n chhed kartii
yaKH-basta havaa.o.n se
la.D kar kartaa hai
ko.ii nahii.n jaantaa
us kaa apnaa gharaanaa
mahiine kii aaKHirii taariiKHe.n
kis aziyyat se kaaTtaa hai
aur phir
agle mahiine ke pahle hafte
vo apnii KHidmat
bezaar chehro.n se
bhiik kii suurat maa.ngtaa hai

Bushra Saeed

Nazm

marne ka KHauf

sar-zamiin-e-tamannaa kii miTTii salaaKHe.n ugaane lagii hai
giraftaar hone kaa mausam
sar-e-qarya-e-aarzuu
aaftaab-e-halaakat kii suurat chamakne lagaa hai
shu.aa.o.n ke nokiile panjo.n ne jismo.n ko zaKHmii kiyaa hai
bha.nvar dar bha.nvar raushnii ke samundar
tuufaan qaidii hu.e
ye bastii gunaaho.n se ma.amuur aafat-rasiido.n kii bastii hai
nau-zaa.ida aarzuu intihaa.o.n ke imkaa.n sameTe
zamiiro.n me.n luth.Dii jaraa.em-zada KHvaahisho.n ko
miTaa.e to kaise
rago.n ke dariicho.n se lipTii fasiilo.n ko rezo.n kii suurat
havaa me.n uchhaale to kaise
ki us kaa navishta faqat az-sar-e-nau giraftaar honaa
ne daa.ero.n ke tasallut me.n jiinaa
siyaahii ke baatin me.n maujuud Gaaro.n me.n rahnaa
halaakat kii sar-chashma-gaaho.n se
aazaad rahne kii azmat se vaaqif havaa.o
hamaarii fasiilo.n kii jaanib bhii aa.o
hame.n ye bataa.o
giraftaar honaa hamaaraa navishta nahii.n thaa
iraado.n me.n maujuud tauq-o-salaasil
havasnaak dahshat
tamannaa kii miTTii me.n faulaad hote rahe hai.n
KHud apnii tavaanaa haqiiqat
giraftaar karne se qaasir rahe mai.n

Saadat Saeed

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now