Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sana"

Nazm MATCHES FOR "sana"

Nazm

muhasara

tum ahl-e-harf ki pindaar ke sanaa-gar the
vo aasmaan-e-hunar ke nujuum saamne hai.n
bas ik musaahib-e-darbaar ke ishaare par
gadaa-garaan-e-suKHan ke hujuum saamne hai.n

Ahmad Faraz
Nazm

zulmat ko ziya sarsar ko saba bande ko KHuda kya likhna

zulmat ko ziyaa sarsar ko sabaa bande ko KHudaa kyaa likhnaa
patthar ko guhar diivaar ko dar kargas ko humaa kyaa likhnaa
ik hashr bapaa hai ghar me.n dam ghuTtaa hai gumbad-e-be-dar me.n
ik shaKHs ke haatho.n muddat se rusvaa hai vatan duniyaa-bhar me.n
ai diida-varo is zillat ko qismat kaa likhaa kyaa likhnaa
zulmat ko ziyaa sarsar ko sabaa bande ko KHudaa kyaa likhnaa

Habib Jalib
Nazm

chakle

kahaa.n hai.n kahaa.n hai.n muhaafiz KHudii ke
sanaa-KHvaan-e-taqdiis-e-mashriq kahaa.n hai.n

Sahir Ludhianvi
Nazm

zabta

jo miTne vaale hai.n un ke liye davaam likhuu.n
sanaa yaziid kii aur shimr par salaam likhuu.n

Habib Jalib
Nazm

hamari gay

rab kaa shukr adaa kar bhaa.ii
jis ne hamaarii gaay banaa.ii
us maalik ko kyuu.n na pukaare.n
jis ne pilaa.ii.n duudh kii dhaare.n
KHaak ko us ne sabza banaayaa
sabze ko phir gaay ne khaayaa
kal jo ghaas charii thii ban me.n
duudh banii ab gaay ke than me.n
sub.haan-allaah duudh hai kaisaa
taaza garm safed aur miiThaa
duudh me.n bhiigii roTii merii
us ke karam ne baKHshii serii
duudh dahii aur miiThaa maskaa
de na KHudaa to kis ke bas kaa
gaay ko dii kyaa achchhii suurat
KHuubii kii hai goyaa muurat
daana dunkaa bhuusii chokar
khaa letii hai sab KHush ho kar
khaa kar tinke aur ThaThre
duudh hai detii shaam savere
kyaa hii Gariib aur kaisii pyaarii
sub.h hu.ii jangal ko sidhaarii
sabze se maidaan haraa hai
jhiil me.n paanii saaf bharaa hai
paanii mauje.n maar rahaa hai
charvaahaa chumkaar rahaa hai
paanii pii kar chaaraa char kar
shaam ko aa.ii apne ghar par
duurii me.n jo din hai kaaTaa
bachche ko kis pyaar se chaaTaa
gaay hamaare haq me.n hai ne.amat
duudh hai detii khaa ke banaspat
bachh.De us ke bail banaa.e
jo khetii ke kaam me.n aa.e
rab kii hamd-o-sanaa kar bhaa.ii
jis ne aisii gaay banaa.ii

Ismail Merathi
Nazm

shahr-e-zulmat ko sabaat nahin

shahr-e-zulmaat ke sanaa-KHvaano
shahr-e-zulmaat ko sabaat nahii.n

Habib Jalib
Nazm

begam aur shaeri

mujh ko rahtii hai sadaa bachcho.n ke mustaqbil kii dhun
aap baiThe kar rahe hai.n faa.elaatun faa.elun

Nashtar Amrohvi
Nazm

saDak

sa.Dak masaafat kii ujlato.n me.n
ghire hu.e sab musaafiro.n ko
ba-Gaur fursat se dekhtii hai
kisii ke chehre pe surKH vahshat chamak rahii hai
kisii ke chehre se zard hairat chhalak rahii hai
kisii kii aa.nkhe.n harii-bharii hai.n
kabiir had se ubhar rahaa hai
saGiir qad se guzar rahaa hai
kisii kaa tyre kisii ke pahiye ko khaa rahaa hai
kisii kaa juutaa kisii kii chappal chabaa rahaa hai
kisii ke pairo.n me.n aa rahaa hai kisii kaa bachcha
kisii kaa bachcha kisii ke shaane pe jaa rahaa hai
ko.ii Thikaane pe ko.ii khaane pe jaa rahaa hai
habiib dast-e-raqiib thaame
Gariib-KHaane pe jaa rahaa hai
amiir pi.njra banaa rahaa hai
Gulaam kartab dikhaa rahaa hai
aur apne beTe ke saath chhat par
amiin kunDaa lagaa rahaa hai
nizaam Taa.nga chalaa rahaa hai
kisii kalaa.ii pe jagmagaatii hu.ii gha.Dii hai
magar abhii vo rukii hu.ii hai
kisii ke chehre pe baara bajne me.n paa.nch second rah ga.e hai.n
kisii kii haathii-numaa prado
sa.Dak se aise guzar rahii hai
sivaa.e is ke kahii.n bhii jaise ko.ii nahii.n ho
kisii kii mo.nchhe.n jhukii hu.ii hai.n
kisii kii baa.nchhe.n khilii hu.ii hai.n
kisii kii taxi kisii kii foksii milii hu.ii hai.n
kisii ke lab aur kisii kii aa.nkhe.n silii hu.ii hai.n
kisii ke kap.De phaTe hu.e hai.n
kisii kii pag.Dii chamak rahii hai
kisii kii ra.ngat kisii kii Topii u.Dii hu.ii hai
shariif nazre.n uThaa uThaa kar
kamaan jismo.n pe apnii vahshat ke tiir kab se chalaa rahaa hai
naziir nazre.n churaa rahaa hai
nafiis apne cluff kii shikno.n ko ro rahaa hai
hakiim apne matab ke shiisho.n ko dho rahaa hai
kisii kii aa.nkho.n ke dhu.ndle shiisho.n me.n us ke maazii kii jhalkiyaa.n hai.n
kisii kii aa.nkho.n me.n aane vaale hasiin lamho.n kii mastiyaa.n hai.n
kisii kii aa.nkho.n me.n rat-jago.n kii kuchh arGavaanii sii Doriyaa.n hai.n
kisii ke kaa.ndhe pe us ke KHvaabo.n kii boriyaa.n hai.n
kabaa.D-KHaane pe baasii Tuk.Do.n kii or kitaabo.n kii boriyaa.n hai.n
buzurg bargad ke niiche buu.Dhaa kha.Daa hu.aa hai
aur us ke haatho.n me.n tape lipTii hu.ii chha.Dii hai
police kii gaa.Dii pikiT lagaa kar
sa.Dak pe tirchhii kha.Dii hu.ii hai
aur ek mazduur apnaa daaman uThaa.e be-bas kha.Daa hu.aa hai
aur ik sipaahii ki us ke nefe me.n u.ngliyo.n ko ghumaa rahaa hai
vahii.n pe shaahid siyaah chashma lagaa ke KHud ko chhupaa rahaa hai
news channel kii chhoTii gaa.Dii ba.Dii KHabar kii talaash me.n hai
do sabzii vaale bhii apnii pherii lagaa rahe hai.n
to phuul vaale ke sar pe phuulo.n kii Tokarii hai
kisii kii aa.nkho.n me.n naukrii hai
kisii kii aa.nkho.n me.n chhokrii hai
vaqaar sar ko jhukaa rahaa hai
faraaz khaa.ii me.n jaa rahaa hai
to giilii cigarette ke kash lagaa kar
navaab rickshaw chalaa rahaa hai
saliim kannii ghumaa rahaa hai
vakiil vardii me.n jaa rahaa hai
zamiir baGle.n bajaa rahaa hai
aur ek vaa.iz bataa rahaa hai
KHudaa ko naaraaz karne vaale jahannamii hai.n
KHudaa ko raazii karo KHudaaraa
KHudaa ko raazii karo KHudaaraa
aur us ke aage nasiir akmal kamaal shaadaab Gulaam saare
nazar jhukaa.e kha.De hu.e hai.n
ki chashm-e-biinaa agar kahii.n hai
to samjho paataal tak ga.Dhii hai
kisii ko a-c KHariidnaa hai
kisii ko pii sii KHariidnaa hai
kisii kii bas aur kisii kii bii-sii nikal rahii hai
aqiila KHaala ke dono.n haatho.n me.n aaTh thaile laTak rahe hai.n
aur aate jaate sabhii musaafir
unhe.n musalsal khaTak rahe hai.n
ziyaa a.ndhere me.n jaa rahaa hai
gulaab kachraa jalaa rahaa hai
aziim makkhii a.Daa rahaa hai
kaliim guTkaa chabaa rahaa hai
to ghanTa-package pe jaane kab se
fahiim gappe.n la.Daa rahaa hai
sabaq musaavaat kaa sikhaane
vaziir gaa.Dii me.n jaa rahaa hai
sanaa nidaa ko na.e latiife sunaa rahii hai
hinaa hathelii ko takte takte puraane raste se aa rahii hai
aur apnii bhaavaj kaa haath thaame
zubaida check-up ko jaa rahii hai
vo apnii nazre.n kabhii idhar ko kabhii adhar ko gumaa rahii hai
magar ko.ii shai use musalsal bulaa rahii rahii hai
ajiib ujlat ajiib vahshat ajiib Gaflat kaa maajraa hai
kahuu.n mai.n kis se mire KHudaayaa ye kaisii KHilqat kaa maajraa hai
ki apnii mastii me.n mast ho kar
ye sab musaafir guzar rahe
na.e musaafir ubhar rahe hai.n
sa.Dak jahaa.n thii vahii.n kha.Dii hai
magar haqiiqat bahut ba.Dii hai
sa.Dak pe billii marii pa.Dii hai

Imran Shamshad Narmi
Nazm

main kuchh bhi kah na paya

taa.nge kaa ek gho.Daa
la.ngDaa thaa tho.Daa tho.Daa
puuchhaa jo mai.n ne us se
kyaa paa.nv me.n hai pho.Daa
bolaa ye zulm mujh par
ik aadmii ne to.Daa
pahle to us ne mujh ko
taa.nge me.n laa ke jo.Daa
phir us ko KHuub bhar kar
bolaa ki chal mano.Daa
jab mai.n khisak na paayaa
lahraayaa us ne ko.Daa
maaraa mujhe ta.Daata.D
phir dum ko bhii maro.Daa
mai.n bilbilaa ke bhaagaa
bas ban gayaa bhago.Daa
KHud bhii giraa phisal kar
ek ik kaa sar bhii pho.Daa
us din se aaj tak mai.n
la.ngDaa huu.n tho.Daa tho.Daa
ye daastaa.n sunaa kar
bolaa vo hinhinaa kar
mai.n ne to munnuu bhaa.ii
tabii.at hai saada paa.ii
KHud apne mu.nh se apnii
kartaa nahii.n ba.Daa.ii
qur.aan-e-paak ne bhii
merii qasam hai khaa.ii
gar tiisvaa.n sipaarah
tum ne pa.Dhaa ho bhaa.ii
val-aadiyaat zabhan me.n
baat hai ye aa.ii
insaa.n to apne rab se
kartaa he bevafaa.ii
bas maal-o-zar ke piichhe
hai zindagii ga.nvaa.ii
gho.Do.n ne maaliko.n par
hai jaan bhii luTaa.ii
ham log ha.nste gaate
har bojh hai.n uThaate
hai.n jaanvar hamesha
insaa.n ke kaam aate
maahaul kii kashish bhii
ham log hai.n ba.Dhaate
dilkash parind pyaare
shaaKHo.n pe chahchahaate
saare namaaziyo.n ko
har sub.h hai.n jagaate
phir KHud bhii apne rab kii
hamd-o-sanaa hai.n gaate
sau sau tarah tumhaaraa
ham dil bhii hai.n lubhaate
kuchh aise hai.n ki jin se
tum ho davaa banaate
kuchh uun tum ko de kar
sardii se hai.n bachaate
kuchh duudh tum ko dete
kuchh gosht hai.n khilaate
gar jaanvar na hote
tum ghii kidhar se laate
makkhan paniir anDe
aaKHir kahaa.n se khaate
bas kyaa kahuu.n ki kyaa kyaa
hai.n faa.ede uThaate
phir bhii hai.n log ham ko
har tarah se sataate
ye baat kahte kahte
dukh.Daa ye sab sunaate
aisaa vo bilbilaayaa
mai.n kuchh bhii kah na paayaa

Ahmad Hatib Siddiqi
Nazm

KHak-e-hind

anjum se ba.Dh ke teraa har zarra zau-fishaa.n hai
jalvo.n se tere ab tak husn-e-azal ayaa.n hai
andaaz-e-dil-farebii jo tujh me.n hai kahaa.n hai
faKHr-e-zamaana tuu hai aur naazish-e-jahaa.n hai
uftaadgii me.n bhii to ham-auj-e-aasmaa.n hai
''ai KHaak-e-hind terii azmat me.n kyaa gumaa.n hai''
vo kaj-kulaah tere vo suurviir tere
vo teG-zan kamaa.n-kash vo qil.a-giir tere
naapaid aaj hai.n go taaj-o-sariir tere
shaaho.n se hai.n ziyaada lekin faqiir tere
pastii me.n sar-bulandii sab par tirii ayaa.n hai
''ai KHaak-e-hind terii azmat me.n kyaa gumaa.n hai''
manzar vo jaa.n-fazaa hai.n aur dil-paziir tere
jaane.n hai.n tujh pe shaidaa aur dil asiir tere
shiirii.n o saaf dariyaa hai.n juu-e-shiir tere
hai.n dasht-o-koh-o-sahraa jannat-naziir tere
aa.nkhe.n jidhar uThaa.o firdaus kaa samaa.n hai
''ai KHaak-e-hind terii azmat me.n kyaa gumaa.n hai''
tujh ko miTaa diyaa hai har-chand aasmaa.n ne
phuu.nkaa hai aah dil ko soz-e-Gam-e-nihaa.n ne
chho.Dii na taab apnii par husn-e-dil-sitaa.n ne
jauhar bhare hai.n tujh me.n sannaa-e-do-jahaa.n ne
fasl-e-KHizaa.n hai terii phir bhii tuu gul-fishaa.n hai
''ai KHaak-e-hind terii azmat me.n kyaa gumaa.n hai''
go had se ba.Dh gayaa hai ra.nj-o-malaal teraa
ab tak miTaa nahii.n hai naqsh-e-jamaal teraa
aaKHir kabhii to hogaa zaahir kamaal teraa
hogaa kabhii to aaKHir daur-e-zavaal teraa
kab ik ravish pe qaa.em ye daur-e-aasmaa.n hai
''ai KHaak-e-hind terii azmat me.n kyaa gumaa.n hai''

Tilok Chand Mahroom
Nazm

meri holi

taazgii vaj.h-e-shaguft-e-KHaatir-e-aalam rahe
merii duniyaa me.n hamesha ek hii mausam rahe
shaa.ir-o-sannaa.a ho fikr-o-KHalish se be-niyaaz
KHvaaja-o-mazduur me.n baaqii na ho kuchh imtiyaaz

Seemab Akbarabadi
Nazm

aatish-e-KHamosh

sar-chashma-e-aKHlaaq vafaa-kesh-o-vafaa-kosh
ai mashriq-e-ishraaq-e-safaa abr-e-KHataa-posh
yuu.n tere dil-e-saaf me.n ishraaq-e-mohabbat
jis tarah ki lau sub.h ko de durr-e-nayaa-gosh
mai.n kaun huu.n ik dil huu.n jise zabt ne maaraa
kar degii fanaa mujh ko mirii koshish-e-KHaamosh
vo dil huu.n ibaarat jo hai nazm-e-abadii se
ik KHuun kaa nuqta huu.n mai.n pur-ma.anii-o-pur-josh
jibriil mire saath rahe roz-e-azal se
mai-KHaan-e-irfaa.n me.n shab-o-roz qadah-nosh
kuchh mu.nh se nikal jaa.e.n na samjhii hu.ii baate.n
rahne do mujhe majlis-e-mai me.n yuu.nhii mad.hosh
sarsabz huu.n zaahir me.n magar ai dil-e-KHuu.n-garm
jis tarah hinaa me.n hai nihaa.n aatish-e-KHaamosh
dil par ye sitam kyuu.n na ho ham-jins pe taasiir
ka.aba isii Gam me.n nazar aataa hai siyah-posh
ayyuub nahii.n huu.n ko.ii ma.asuum nahii.n huu.n
taa-chand mazaalim pe rahuu.n saakit-o-KHamosh
hai.n jitne aqaarib vo aqaarib se hai.n bad-tar
ahbaab hai.n vo KHud-Garaz-o-zuud-faraamosh
dil saaf nahii.n sab hai.n suKHan-saaz-o-suKHan-chii.n
ye mehr to hai zahr agar niish me.n ho nosh
kahte hai.n jise dost vo is daur me.n anqaa
samjhe hai.n jise mehr vo is ahd me.n ruu-posh
kis daur me.n aa.e hai.n ham ai majlis-e-saaqii
jab ri.nd-e-KHaraabaat-nashii.n ho ga.e mad.hosh
dil kyaa mirii aa.nkho.n kaa hai TuuTaa hu.aa sotaa
tuufaan uThaa de.nge yahii chashma-e-KHas-posh
Thokar se jilaataa huu.n mazaamiin-e-kuhan ko
hai fitna-e-mahshar mirii utrii hu.ii paa-posh
ham-sa.ng javaahir kabhii patthar nahii.n hotaa
har chand taraashe ko.ii sannaa-e-safaa-kosh
go mujh ko KHudaa-daad tabii.at ne sa.nvaaraa
mujrim huu.n agar huu.n kabhii ehsaan-faraamosh
tarkash me.n mire tiir bahut kam hai.n magar hai.n
aise ki u.Daa de.n qadar-andaaz ke jo hosh
pindaar-e-KHudii hai aziiz un ko to hame.n kiyaa
ham ishq ke bande hai.n vafaa-kesh-o-vafaa-kosh

Mirza Mohammad Hadi Aziz Lakhnavi
Nazm

ek KHayal

taariiKH ke bune hu.e thailo.n me.n hamesha
ko.ii be-had aham chiiz rah jaatii hai
be-shak havaa.e.n aziim-tariin san.na.a hai.n
un KHaraabo.n kii jo naqsh hai.n be-ra.ngii ke saath
ek pur-asraar Gair-maaruuf a.ndhere kii dabiiz diivaaro.n par
lekin aa.nkhe.n
aise pechiida manzar ko
sehhat aur saqaahat ke saath
naql nahii.n kar saktii.n
KHvaah biinaa.ii kii kisii bhii qabiil se
ilaaqa rakhtii ho.n
ab bilkul nayaa tanaazur zaruurii hai
is naa-diidanii se ohda-baraa hone ke liye
varnaa dekhnaa ek ahmaqaana tasavvur hai jise
bas aa.nkhe.n hii maantii hai.n

Ahmad Javaid
Nazm

bhik

saliibe.n bhii sabhii KHaalii mile.ngii
har taraf girjaa-gharo.n me.n
kyuu.n ki sab maasuum-tiinat log
galii ke mo.D par suulii se laTke
du.aa-e-maGfirat me.n har gha.Dii masruuf ho.nge
qaatilo.n ke vaaste
azaano.n me.n
KHudaa-e-paak ke har zikr ke badle
shaayad kisii qahhaar yaa jabbaar kii
hamd o sanaa hogii
ham apnii aaqibat kii bhiik maa.nge.nge
KHudaa ke nek bando.n se

Nomaan Shauque
Nazm

mera dost abul-haul

ye duniyaa to un shola saamaan logo.n ne aapas me.n taqsiim kar lii
jo hathiyaar kii shakl me.n ranj-o-Gam Dhaalte hai.n
yaa gola-baaruud ke kaar-KHaano.n ke maalik hai.n
yaa phir sanaa-KHvaa.n hai.n un ke
hamaare liye sirf naare bache hai.n
san.atii daur ke kaj-kulaaho.n kii daad-o-dahish ruuh-parvar ho yaa jaan-levaa
magar zindaabaad, aafrii.n, marhabaa, ke sivaa kuchh nahii.n paas apne
ye sab jaantaa hai hamaarii shujaa.at kii parvaaz kyaa hai
hamaarii javaa.n-mardii ik suuba-jaatii ta.assub se
yaa firqa-vaarii fasaadaat se aage kuchh bhii nahii.n hai
futuuhaat-e-askandarii ham ne taKHtii pe likh kar miTaa dii hai.n kab kii
hamaare baa'd zamii.n ke tale so rahe hai.n
ajaa.ib-gharo.n me.n laTaktii hai.n talvaare.n un kii
aur un ke zarrii.n libaado.n ko ghun khaa gayaa hai
zira-baktaro.n par clones aa ga.ii hai
ye sab jaantaa hai hamaarii tag-o-taaz kyaa hai
hamaare shikam gar hamaare suro.n pe na hote
aur chehro.n me.n aazaa-e-jinsii
to ham achchhe insaan bante
hamaare gharo.n ke kam o besh sab aqabii darvaaze paiham khule hai.n
hamaare lahuu me.n hare laal piile bahut saare parcham khule hai.n
kahii.n se magar haq kii aavaaz aatii nahii.n hai
hamaarii zabaa.n dil kii saathii nahii.n hai
hamaare liye khokhlaa lafz-e-jamhuuriyat hai, taqaariir hai.n leadero.n kii
hamaare liye roz-naamo.n ke safhaat hai.n, ishtihaaraat hai.n niim-jinsii
hamaare liye devtaa.o.n ke but hai.n, KHudaa ke faraamiin hai.n aur uqbaa
jo bad-ra.ng hai haal kii tarah aur kore laTThe kii buu se bharii hai
hamaare liye sirf roTii kii jidd-o-johd
aurato.n ke barhana badan kii tamannaa se aage kahii.n kuchh nahii.n hai
hamaarii rago.n me.n jo tezaab hai us kii shiddat kabhii kam na hogii!

Akhtarul Iman
Nazm

mawara

maavaraa.ii saaya jalva jo gurezaa.n hai mirii nazro.n se
merii baa.nho.n kii haraarat me.n kabhii sham.a ke maanind pighal jaataa thaa

Waheed Akhtar
Nazm

kashmir

barf kii dastaar baa.ndhe saf-ba-saf parbat yahaa.n
karte hai.n hamd-o-sanaa allaah kii qudrat hai ye

Jameel Ahmad Jaisi
Nazm

aagahi ki dua

ai KHudaa ai KHudaa
mai.n huu.n masruuf-e-tasbiih-o-hamd-o-sanaa
go ba-zaahir ibaadat kii aadat nahii.n hai
ri.nd-mashrab huu.n zohd-o-riyaazat se raGbat nahii.n hai
magar jab bhii chaltaa hai meraa qalam
jab bhii khultii hai merii zabaa.n
kuchh kahuu.n kuchh likhuu.n
terii taKHliiq kaa zamzama mudda.aa muntahaa
harf ju.D kar bane.n lafz to karte hai.n terii hamd-o-sanaa
yaa KHudaa yaa KHudaa
mere atraaf hai.n peT KHaalii badan-e-niim-jaa.n
ko.ii taktaa hai jab meraa dast-e-tahii
sharm aatii hai mujh ko KHudaa-e-Ganii
sochtaa huu.n mai.n apnii zabaa.n rehn rakh duu.n kahii.n
rizq se KHaalii peTo.n ko bhar duu.n
jo hai.n niim-jaa.n un me.n jaan phuu.nk duu.n
aur apne liye tho.Dii aasaa.ishe.n mol le aa.uu.n baazaar se
apne bachcho.n kii zid puurii kar duu.n
jo vaaqif nahii.n hai.n ma.iishat ke andaaz-o-raftaar se
phir yahii sochtaa huu.n
KHudaa ai KHudaa
kyaa zabaa.n rehn ho kar bhii terii itaa.at karegii
kyaa qalam bik ke bhii naam teraa hii legaa
duusro.n ko KHudaa maan kar
vo na karne lage.n maa-sivaa kii bhii hamd-o-sanaa
ai KHudaa ai KHudaa hai du.aa
aaKHirii saa.ns tak
ye qalam ye zabaa.n
likhte rahte hai.n laa-ilaaha

Waheed Akhtar
Nazm

lafz likhna bhul jata hun

mujhe u.Dte parinde achchhe lagte hai.n
mujhe un kii u.Daano.n se
na.e aate hu.e sab mausamo.n kii aahaTe.n mahsuus hotii hai.n
mujhe un kii u.Daane.n
baarishe.n aur phuul khilne kii bashaarat dene aatii hai.n
mujhe un kii u.Daane.n
zindagii ke raasto.n par hauslo.n kaa dars detii hai.n
mire haatho.n ne harfo.n ke gulaabo.n ko
inhii se likhnaa siikhaa hai

Mahmood Sana
Nazm

chand-raat

raat kii havelii se
chaa.nd jab nikaltaa hai
aa.nkh ke dariiche se
aarzuu mahaktii hai
raushnii mohabbat kii
chaar-suu bikhartii hai
jism ke jaziire par
rat-jagaa utartaa hai
reza reza kartaa hai

Mahmood Sana
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now