Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "shafaq-ra.ng"

Nazm MATCHES FOR "shafaq-ra.ng"

Nazm

bujhti hui sard sham

aaKHirii din kaa Duubtaa suuraj
terii chaukhaT pe sajda-rez
apnii kirno.n ke KHaalii kashkol ulaT kar
thakii hu.ii yaKH-basta nigaaho.n se
merii duniyaa kii taariik raahdaariyo.n me.n
guzre hu.e pal kii kisii pur-afshaa.n
saa.at kii talaash me.n hai
magar taa-hadd-e-nigaah phailii hu.ii maKHluuq
KHaaliq-e-lam-yazal se ummiid-e-nau ke kaase phailaa.e
apnii palko.n kii mu.nDero.n pe shafaq-rang liye
na.e ujaalo.n na.e suuraj kii talabgaar banii hai
bujhtii hu.ii sard shaam ke tanhaa suuraj
ai piir-e-falak paikar-e-kohna suuraj
alvidaa.a alvidaa.a alvidaa.a

Nayyar Rani Shafaq
Nazm

ai zohra-jabin nach

mahkii hu.ii saa.nse.n mirii saa.nso.n me.n samo de
sahbaa-e-shafaq-rang kii mastii me.n Dubo de

Abul Mujahid Zahid
Nazm

zindagi se guftugu

apsaraa
terii aa.nkho.n me.n phaile shafaq-rang dhaago.n kii saugand hai
saa.ns ke saaz bas apsaraa apsaraa kii sadaa.o.n se maa'muur hai.n
tujh me.n nudrat khanak imbisaat aashtii rang mastuur hai.n
tere kuuche ke baasii mohabbat ke ehsaas se chuur hai.n
tere daaman me.n sarsabz alfaaz ke baur hai.n

Abdurrahman Wasif
Nazm

rang laega shahidon ka lahu

ye lahuu surKHii hai aazaadii ke afsaane kii
ye shafaq-rang lahuu
rang laa.egaa shahiido.n kaa lahuu
jis ke har qatre me.n KHurshiid ka.ii
jis kii har buu.nd me.n ik sub.h na.ii
duur jis sub.h-e-daraKHshaa.n se a.ndheraa hogaa
raat kaT jaa.egii gul-rang saveraa hogaa
rang laa.egaa shahiido.n kaa lahuu
apnii raftaar ko ab aur zaraa tez karo
apne jazbaat ko ab aur junuu.n-KHez karo
ek do gaam pe ab manzil-e-aazaadii hai
aag aur KHuu.n ke udhar amn kii aabaadii hai
KHud-baKHud TuuT ke girtii nahii.n zanjiir kabhii
badlii jaatii hai badaltii nahii.n taqdiir kabhii
rang laa.egaa shahiido.n kaa lahuu
ye lahuu surKHii hai aazaadii ke afsaane kii
ye shafaq-rang lahuu
rang laa.egaa shahiido.n kaa lahuu

Tanveer Naqvi
Nazm

ajnabi

duur us paar shafaq rang guphaa.o.n se pare
zer-e-mehraab-e-falak qaafila-e-umr-e-ravaa.n
taan u.Daate hu.e sarmast o javaa.n guzraa thaa
mah-nishaa.n najm-chakaa.n mehr-inaa.n guzraa thaa
KHuu.n rulaataa hai subuk-gaami-e-mahmil kaa samaa.n
ab bhii kau.ndaa saa lapaktaa hai ghaTaa.o.n se pare

Shaz Tamkanat
Nazm

drawing-room

duudhiyaa rang ke qumqume
duudhiyaa raushnii
jaamunii rang shiisho.n pe ye raushnii kaa dhu.aa.n
zehn kii dhiimii dhiimii sulagtii hu.ii aag kaa imtihaa.n
kuchh gray rang ke suiT
kuchh champa.ii saariyaa.n
dast-e-naazuk me.n dast-e-sabaa adh-khilii
KHvaab-aalud aa.nkho.n me.n afsaane
naa-KHvaasta guftuguu
ham-nashiinii se a.ng.Daa.ii ke saath pahluu tahii
jazb kartii pasiine ko barqii havaa
sarsaraate hu.e aa.nchalo.n se
shafaq rang jismo.n kii uThtii mahak
aur lataa ek maanuus aavaaz kii dhaar
classici lahro.n se uTh kar dilo.n me.n utartii hu.ii
naGmagii shahd aaha.ng hai
naGmagii nik.hat-o-ra.ng hai
mez par sho.ala-e-tuur hai
sartre self me.n band hai
kaag u.Daatii hu.ii botalo.n kaa suruur
aagahii ke liye zahr hai

Qamar Hashmi
Nazm

aurat

lazzat-e-diid se dekhoge machal jaa.oge
aag huu.n haath lagaa.oge to jal jaa.oge
mom patthar ko banaa duu.n vo asar rakhtii huu.n
paa.nv sho.alo.n pe to talvaar pe sar rakhtii huu.n
ye bahaare.n ye uma.nge.n ye masarrat ye shabaab
ye shafaq-ra.ng manaazir ye shaguufe ye gulaab
ye navaazish ye inaayaat kahaa.n paa.oge
rab se baKHshii hu.ii sauGaat kahaa.n paa.oge
merii zulfo.n hii kii barsaat se sairaab ho tum
phuul kii tarah mire saa.e me.n shaadaab ho tum
ye bhii sach hai ki bayaabaa.n me.n gulistaa.n huu.n mai.n
muztarib ruuh kii taskiin kaa saamaa.n huu.n mai.n
muKHtasar ye ki mujhe pyaar se paa sakte ho
tum mire dil ke gulistaan me.n aa sakte ho
gar mirii zaat kaa irfaan tumhe.n mil jaa.e
ye zamii.n kyaa hai aasmaan tumhe.n mil jaa.e
haisiyat kyaa hai mirii aur haqiiqat kyaa hai
mai.n bataatii huu.n tumhe.n merii faziilat kyaa hai
ek aadam ke alaava ko.ii insaan na thaa
mai.n na hotii to tumhaaraa ko.ii imkaan na thaa

Asad Rizvi
Nazm

sair-e-kashmir ka ek tassur

'aazaad'! zaraa dekh tuu ye aalam-e-arza.ng
mausam ke ye andaaz bahaaro.n ke ye naira.ng
ye husn, ye tartiib, ye taz.iin ye aaha.ng
daamaan-e-KHirad chaak hai daamaan-e-nazar ta.ng
har zarra hai daaman me.n liye tuur kii duniyaa
har baat me.n ik baat hai har rang me.n sau ra.ng
ai ruuh-e-bashar! tujh se hai.n dono.n mutakallim
sabze kii KHamoshii hai ki jharno.n kaa hai aaha.ng
ab chho.D bhii afsurdagii apnii dil-e-naadaa.n
ab phuul bhii ho khil ke tuu ai Guncha-e-dil-ta.ng
har shai se huvaidaa hai jhalak husn-e-azal kii
zarra hai ki taara hai shaguufa hai ki hai sa.ng
sab aks tire aks hai.n ai suurat-e-pinhaa.n
sab rang tire rang hai.n ai hasti-e-be-ra.ng
ai dekhne vaalo! ye zaraa baat to dekho
patte hai.n shafaq-ra.ng to patthar hai.n saman-ra.ng
sab kuchh ye bajaa hai magar ai husn-e-gurezaa.n
ai tuu ki tirii chaal pe qurbaa.n jaman o ga.ng
is raah me.n gar saath tiraa ho na mayassar
liddar faqat aavaaz hai gul-marg faqat ra.ng

Jagan Nath Azad
Nazm

dil-e-pur-KHun

dil bahut dukhtaa hai har baat pe dil dukhtaa hai
sub.h-e-nau-KHez pe suuraj kii jahaa.nbaanii pe
shaam-e-dil-doz pe anjaam-e-gul-andaamii pe
aks-e-maujuud pe
anvaar-e-ruKH-e-zebaa pe
naqsh-e-mauhuum pe aKHaf-e-dil-e-fardaa pe
bast-e-aflaak pe afsaana-e-ra.anaa.ii pe
sharh-e-naira.ngii-e-hastii-o-zuleKHaa.ii pe
raat ke soz pe shaamo.n ke mahak jaane pe
hiddat-e-shauq me.n kaliyo.n ke chaTaKH jaane pe
muzmahil taaro.n pe sahme hu.e aivaano.n pe
qahva-KHaano.n me.n jam.a shahar ke diivaano.n pe
ri.nd-e-maKHmuur-o-balaa-nosh pe parvaano.n me.n
sham-e-kushta pe uj.De hu.e insaano.n pe
aarzuu.o.n kii subuk-saarii pe arzaanii pe
dil shafaq rang pe jazbo.n kii faraavaanii pe
husn-e-KHud-aaraa-o-KHud-bii.n kii dil-aaraa.ii pe
ishq-e-maKHmuur kii jaa.n-sozii-o-tanhaa.ii pe

Ekram Khawar
Nazm

ek KHwahish

shafaq ke rang
saare rang
tum aa.nkho.n me.n bhar lo
sub.h jab suuraj
pahaa.Do.n se udhar
kohre me.n Duubii vaadiyo.n me.n
aa.nkh khole
tum shafaq ke rang
saare rang
us kii nazr kar denaa

Aslam Mirza
Nazm

tabir

duur vaadii me.n kahii.n
naachte gaate bachche
phuul chehro.n pe sajii
kheltii ha.nstii aa.nkhe.n
khilkhilaatii hu.ii shaamo.n me.n
javaanii kii mahak
raqs kartii hu.ii
raato.n me.n
hinaa ke sad-ra.ng
lahlahaate hu.e kheto.n me.n
na.ii fasl kii bhiinii KHushbuu
zindagii ra.ng-e-shafaq
ra.ng-e-sadaa

Syed Qaisar Abbas zaidi
Nazm

shafaq

ho ga.ii shaam aur suuraj Duubaa
pachchhim me.n hai aag kaa golaa
rang shafaq se aisaa barsaa
surKH hu.e jangal aur dariyaa
rang tiraa hai shaam kaa daaman
phuul banaa hai shaam kaa daaman
vaah shafaq kyaa rang bharii hai
surKH parii hai surKH parii hai
shaam kii godii me.n baiThii hai
laal cha.ndariyaa o.Dh rahii hai
is ko apne paas bulaa luu.n
apnii sahelii us ko banaa luu.n
aa merii rangiin shafaq aa
aa jaa merii god me.n aa jaa
rang tiraa hai kitnaa pyaaraa
jaise ho ammaa.n kaa dupaTTa
ai malika ai shaam kii beTii
rango.n kii tuu hai shahzaadii
tub me.n paanii KHuub bharaa hai
abbaa ne ye bharvaayaa hai
is me.n teraa rath utraa hai
chaa.nd tiraa rath khii.nch rahaa hai
rok le rath ko aur utar aa
aaj sahelii merii ban jaa

Saghar Nizami
Nazm

shafaq

shafaq phuulne kii bhii dekho bahaar
havaa me.n khilaa hai ajab laala-zaar
hu.ii shaam baadal badalte hai.n ra.ng
jinhe.n dekh kar aql hotii hai da.ng
nayaa rang hai aur nayaa ruup hai
har ik ruup me.n ye vahii dhuup hai
tabii.at hai baadal kii ra.ngat pe loT
sunahrii lagaa.ii hai qudrat ne goT
zaraa dair me.n rang badle ka.ii
banafshii o naaranjii o champa.ii
ye kyaa bhed hai kyaa karaamaat hai
har ik rang me.n ik na.ii baat hai
ye maGrib me.n jo baadalo.n kii hai baa.D
bane sone chaa.ndnii ke goyaa pahaa.D
falak niil-guu.n is me.n surKHii kii laag
hare ban me.n goyaa lagaa dii hai aag
ab aasaar zaahir hu.e raat ke
ki parde chhaTe laal baanaat ke

Ismail Merathi
Nazm

numu

KHizaa.n ke daur me.n phailii barahna shaaKHo.n ne
ja.Do.n kii tarah se ra.ng-e-shafaq ko chuusaa thaa
sunahrii dhuup kii taabaaniyo.n ko jazb kiyaa
safed barf kii narmii ko yuu.n samoyaa thaa
ki ab bahaar ke aane pe vo gulaabii shafaq
gulo.n ke ruup me.n shaaKHo.n pe phuuT aa.ii hai
safed barf ne phuulo.n kii pa.nkhu.Dii kaa badan
sunahrii dhuup ne piile gulo.n ko Dhaalaa hai
bahaar kaa ye tasavvur javaan rakhtaa hai
KHizaa.n-o-yaas ke phailaa.e yaKH nazaaro.n me.n
KHayaal-e-ziist KHushii kaamraaniyo.n ko mirii

Shehla H. Naqvi
Nazm

urdu

zau-fishaa.n tuu rahe ai sham.a-e-zabaan-e-urdu
teraa har zarra chamak kar mah-e-kaamil ho jaa.e
bol-baalaa ho tiraa mulk ke har goshe me.n
terii lau zeb-dah-e-anjuman-e-dil ho jaa.e
terii har satr bane zulf-e-hasiinaan-e-jahaa.n
ik zamaana tiraa paaband-e-salaasil ho jaa.e
jaan de husn-e-fasaahat pe masiihaa-nafasii
saamrii bhii tire e.ajaaz kaa qaa.il ho jaa.e
tere har lafz me.n ho dard-e-mohabbat kii ta.Dap
har suKHan sharh-e-bayaan-e-KHalish-e-dil ho jaa.e
ho gayaa me.n tire parvaano.n kaa har saal hujuum
roz-afzuu.n tiraa hangaama-e-mahfil ho jaa.e
ho kuchh is tarah gul-afshaanii-e-arbaab-e-suKHan
jis se paamaalii-e-gulbaa.ng-e-anaadil ho jaa.e
mai-e-gul-rang-e-shafaq se rahe rangii.n tiraa jaam
terii har bazm-e-adab mai-kada-e-dil ho jaa.e
hazrat-e-nuuh kaa uThtaa rahe tuufaa.n yuu.nhii
Garq-e-sailaab-e-suKHan daaman-e-saahil ho jaa.e
har nau-aamoz sila paa.e tirii KHidmat kaa
har mah-e-nau tire sadqe mah-e-kaamil ho jaa.e
zahe taqdiir zahe baKHt ki naachiiz 'sariir'
tire KHuddaam kii fihrist me.n shaamil ho jaa.e

Sareer Kabiri
Nazm

usne mujhse kaha tha

malgajii arz-e-Gam zard saa aasmaa.n
aur ufuq-taa-ufuq aur shafaq-dar-shafaq
surma.ii baadalo.n me.n udaasii ke ra.ng
us ke kamre ke maahaul me.n
ik malaal-aafrii.n kaifiyat
us kii nargis sii aa.nkho.n me.n larzaa.n hinaa.ii
nishaa.n
al-amaa.n

Yaseen Qudrat
Nazm

zindagi

zamii.n ghuumtii jaa rahii hai
aasmaa.n badaltaa jaa rahaa hai
rang-e-shafaq rang-e-hinaa rang-e-lahuu
sab ek jaise ho ga.e hai.n
duniyaa ke ek kone se duusre kone tak
lahuu kii baarish ho rahii hai
uja.Dte ghar uchhalte sar
umaDte aa.nsuu ubalte naale
be-gor-o-kafan laashe.n
suunii maa.nge.n uja.Dtii kokhe.n
kahii.n amal kahii.n radd-e-amal
ye hangaama ai KHudaa kyaa hai
terii KHuubsuurat kaa.enaat ko
aaKHir kis kii nazar lagii hai
ye aag kab bujhegii
ye raqs-e-junuu.n kab tak rahegaa
mere maalik
apnii daanish-varii ke zo'm me.n bahakte achchhe logo.n ko
aur un se nabard-aazmaa nek bando.n ko
amn kii siidhii raah bataa
un ko dil ke daaG dikhaa
jiine kaa andaaz sikhaa

Mohammad Zahid
Nazm

aane wali subh ki baaten

go mere dil me.n
aur ufuq kii laalii me.n
hai rishta pyaar kaa
phir bhii ham
reg-e-bayaabaa.n me.n is se
maqtal ke sivaa kyaa apnaa.e.n
ye ret jigar goshe suuraj ke
jaane kab
kis aane vaale aalam me.n
phir laala-o-gul ban kar nikhre.n
aur duur ufuq kii laalii ke ham-rang bane.n
aaj to mere dil kaa bas itnaa rishta hai
rang-e-shafaq se
dono.n raushan ruup talab ke
dono.n hii qaatil hai.n shab ke
phir bhii un me.n farq ba.Daa hai
dil naadaa.n hai
dil-e-naadaa.n
takmiil-e-tamannaa kii baate.n
aaGaaz-e-safar ke lamho.n se
hai aaKHir-e-shab bhii duur bahut
is baar sahar ke lamho.n se

Salahuddin Mohammad
Nazm

nairang-e-tasawwur

kisii kii aah-e-sozaa.n kaa dhu.aa.n garduu.n pe raqsaa.n hai
kisii kaa KHuun-e-dil ra.ng-e-shafaq me.n jalva-afshaa.n hai

Takht Singh
Nazm

na ek patte ko ro baba

shafaq jab phuul kar ra.ng-e-hinaa thii
aur havaa ke lab sile the
ek buu.Dhaa pe.D bargad kaa
kha.Daa ga.ngaa-kinaare
dil-girafta
KHud se mahv-e-guftuguu thaa
''vo mirii ik shaaKH kaa patta
mire hii jism kaa hissa
giraa
gir kar sitaaraa ho gayaa
paanii kaa pyaaraa ho gayaa
mujh se kinaara ho gayaa''
vahii.n sargoshiyo.n me.n
ik pati.ngaa
gungunaayaa kaan me.n us ke
''niraashaa tum me.n kyuu.n jaagii
mire baabaa?
tumhaare a.ng ke kitne hii patte
ab bhii gun gaate tumhaaraa hai.n
sahaaraa tum bano un kaa
tumhaaraa vo sahaaraa hai.n
na ik patte ko ro baabaa!''

Jafar Sahni
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now