Search result for "shahr-e-kuufa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "shahr-e-kuufa"

Nazm MATCHES FOR "shahr-e-kuufa"

Nazm

rabta

mai.n ka.Dii huu.n ga.e zamaano.n kii
shahr-e-maazii ke KHaak daano.n kii
raakh hote hu.e jahaano.n kii
bhuule-bisre hu.e fasaano.n kii

Noor -e-Shama Noor

Nazm

dil-ashob

ham ahl-e-vafaa ranjuur sahii, majbuur nahii.n
aur shahr-e-vafaa se dasht-e-junuu.n kuchh duur nahii.n
ham KHush na sahii, par tere sar kaa vabaal gayaa

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha

Nazm

jhulsi si ek basti mein

soch rahaa huu.n ja.ng se pahle, jhulsii sii is bastii me.n
kaisaa kaisaa ghar kaa maalik, kaisaa kaisaa mehmaa.n thaa
sab galiyo.n me.n taranjan the aur har taranjan me.n sakhiyaa.n thii.n
sab ke jii me.n aane vaalii kal kaa shauq-e-faraavaa.n thaa
melo.n Thelo.n baajo.n gaajo.n baaraato.n kii dhuume.n thii.n
aaj ko.ii dekhe to samjhe, ye to sadaa bayaabaa.n thaa
chaaro.n jaanib ThanDe chuulhe, uj.De uj.De aa.ngan hai.n
varna har ghar me.n the kamre, har kamre me.n saamaa.n thaa
ujlii aur pur-nuur shabiihe.n roz namaaz ko aatii thii.n
masjid ke in taaqo.n me.n bhii kyaa kyaa diyaa farozaa.n thaa
uj.Dii manDii, laaGar kutte, TuuTe khambe KHaalii khet
kyaa is nahr ke pul ke aage aisaa shahr-e-KHamoshaa.n thaa

Ibn۔e۔Insha

Nazm

lab par nam kisi ka bhi ho

be-tere kyaa vahshat ham ko, tujh bin kaisaa sabr o sukuu.n
tuu hii apnaa shahr hai jaanii tuu hii apnaa sahraa hai

Ibn۔e۔Insha

Nazm

darwaza khula rakhna

dil dard kii shiddat se KHuu.n-gashta o sii-paara
is shahr me.n phirtaa hai ik vahshii-o-aavaara
shaa.er hai ki aashiiq hai, jogii hai ki banjaara
darvaaza khulaa rakhnaa

Ibn۔e۔Insha

Nazm

katik ka chand

ye ba.Daa chaa.nd chamaktaa hu.aa chehra khole
baiThaa rahtaa hai sar-e-baam-e-shabistaa.n shab ko
ham to is shahr me.n tanhaa hai.n, hamii.n se bole
kaun is husn ko dekhegaa ye is se puuchho
sone lagtii hai sar-e-shaam ye saarii duniyaa
in ke hujro.n me.n na dar hai na dariicha ko.ii
in kii qismat me.n shab-e-maah ko ronaa kaisaa
in ke siine me.n na hasrat na tamannaa ko.ii

Ibn۔e۔Insha

Nazm

phir sham hui

phailtaa phailtaa shaam-e-Gam kaa dhu.aa.n
ik udaasii kaa tantaa hu.aa saa.ebaa.n
uu.nche uu.nche minaaro.n ke sar pe ravaa.n
dekh pahu.nchaa hai aaKHir kahaa.n se kahaa.n
jhaa.nktaa suurat-e-KHail-e-aavaargaa.n
Gurfa Gurfa bahr kaaKH-o-kuu shahr me.n

Ibn۔e۔Insha

Nazm

KHat ka jawab

jab tire shahr-o-kuucha-o-dar se
zindagii sargiraa.n rahii tuu ne
ko.ii ahd-e-vafaa kii baat na kii

Daur Afridi

Nazm

mere ham-nafas

tire shahr-e-KHaana-KHaraab me.n
hame.n phir mile.n na vo fursate.n

Basit Jaleeli

Nazm

shahr-e-zulmat ko sabaat nahin

shahr-e-zulmaat ke sanaa-KHvaano
shahr-e-zulmaat ko sabaat nahii.n

Habib Jalib

Nazm

subhash-chandr-bos bahadur-shah-zafar ke mazar par

laal-qile ke zavaal o shahr-e-dehlii kii qasam
mohsin-e-dehlii ma.aal-e-shahr-e-dehlii kii qasam

Jagan Nath Azad

Nazm

swayamwar

vo shahr-e-ulfat kii shaahzaadii
tumhe.n dikhaa kar tumhaare hote
faqiir raajaa ko apnii chaahat kaa haar pahnaa.e aur
tumhaarii ye KHushk aa.nkhe.n
savaal karnaa bhii bhuul jaa.e.n

Ishrat Afreen

Nazm

ahmad-faraaz marhum ki nazr

zabaan-saaz hai gung aur naGmagii chup hai
fazaa-e-shahr-e-KHamoshaa.n me.n zindagii chup hai

Shadab Razi

Nazm

DugDugi wale

tum ho DugDugii vaale
DugDugii bajaate ho
aur chaahte ho ye
DugDugii ke bajte hii
KHalaq-e-shahr-e-be-parvaa
naachne me.n lag jaa.e
tum ho DugDugii vaale
par ye log jin ko tum
DugDugii ke parde me.n
naachnaa sikhaate ho
aa.nkh bhii to rakhte hai.n
soch bhii to sakte hai.n
tum ho DugDugii vaale
ko.ii aane vaalaa din
is tarah bhii aa.egaa
DugDugii ke bajte hii
KHalaq-e-shahr-e-be-parvaa
Gaflato.n se jaagegii
aur tumhaare haatho.n me.n
DugDugii ke badle ik
aa.ina thamaa degii
tum ho DugDugii vaale
DugDugii bajaate ho

Khalid Moin

Nazm

alaw

ham ajnabii the musaafir the KHaana-viiraa.n the
aur is alaav ke raqsaa.n hinaa.ii baato.n ne
bulaa liyaa hame.n apne hasii.n ishaaro.n se
to is kii raushnii-e-ahmarii.n kii taabish me.n
KHud apne aap ko ik duusre se pahchaanaa
ki ham vo KHaana-badoshaan-e-ziist hai.n jin ko
azal se apne hii jaise musaafiro.n kii talaash
kiye hu.e hai inhii dasht-o-dar me.n sar-gardaa.n
hamaarii apnii sadaa ajnabii thii apne liye
dilo.n ne pahle-pahal zer-e-lab kahaa ham se
ki ahl-e-zarf-o-Gariibaan-e-shahr-e-ehsaasaat
taras rahe hai.n suKHan-haa-e-guftanii ke liye
aur is alaav ke sho.alo.n ne ham se baate.n kii.n
hamaarii gu.ng zabaano.n ko phir zabaane.n dii.n
aur apnii apnii sunaa.ii.n kahaaniyaa.n ham ne
kahaaniyaa.n jo haqiiqat me.n ek jaisii thii.n

Sahar Ansari

Nazm

aaj bhi

aaj bhii hai likhii hu.ii surKH huruuf me.n 'majaaz'
daftar-e-shahr-e-yaar me.n mere junuu.n kii daastaa.n

Asrarul Haq Majaz

Nazm

ye shahr-e-dilli hai

bahut na Thokare.n khaa.o ye shahr-e-dillii hai
qadam sa.nbhal ke uThaa.o ye shahr-e-dillii hai
yahaa.n kii KHaak ibaarat hai 'miir'-o-'Gaalib' se
yahaa.n na KHaak u.Daa.o ye shahr-e-dillii hai
ye baadshaaho.n kaa maskan nagar hai valiyo.n kaa
yahaa.n to hosh me.n aa.o ye shahr-e-dillii hai
kahii.n javaab nahii.n jis kaa naaznii.n hai ye vo
tum is ke naaz uThaa.o ye shahr-e-dillii hai
na hogaa is ke dar-o-baam par zaraa bhii asar
hazaar shor machaa.o ye shahr-e-dillii hai
Garaz baGair yahaa.n dostii kii rasm nahii.n
samajh ke dost banaa.o ye shahr-e-dillii hai
bahut hai ko.ii shanaasaa jo raah me.n mil jaa.e
kisii ke ghar bhii na jaa.o ye shahr-e-dillii hai
kise KHabar hai ki kab kis se pher le nazre.n
yahaa.n na pyaar ba.Dhaa.o ye shahr-e-dillii hai
har ik chamaktii hu.ii shai guhar nahii.n hotii
fareb aur na khaa.o ye shahr-e-dillii hai
kahaa.n chalii ho kise de rahii ho yuu.n aavaaz
Gariib dil kii sadaa.o ye shahr-e-dillii hai
hayaat itnii pareshaan kyo.n hu.ii 'iqbaal'
savaal hii na uThaa.o ye shahr-e-dillii hai

Iqbal Umar

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now