Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "silaa"

Nazm MATCHES FOR "silaa"

Nazm

shikwa

kyuu.n ziyaa.n-kaar banuu.n suud-faraamosh rahuu.n
fikr-e-fardaa na karuu.n mahv-e-Gam-e-dosh rahuu.n
naale bulbul ke sunuu.n aur hama-tan gosh rahuu.n
ham-navaa mai.n bhii ko.ii gul huu.n ki KHaamosh rahuu.n
jur.at-aamoz mirii taab-e-suKHan hai mujh ko
shikva allaah se KHaakam-ba-dahan hai mujh ko
hai bajaa sheva-e-tasliim me.n mash.huur hai.n ham
qissa-e-dard sunaate hai.n ki majbuur hai.n ham
saaz KHaamosh hai.n fariyaad se maamuur hai.n ham
naala aataa hai agar lab pe to ma.azuur hai.n ham
ai KHudaa shikva-e-arbaab-e-vafaa bhii sun le
KHuugar-e-hamd se tho.Daa saa gila bhii sun le
thii to maujuud azal se hii tirii zaat-e-qadiim
phuul thaa zeb-e-chaman par na pareshaa.n thii shamiim
shart insaaf hai ai saahib-e-altaaf-e-amiim
buu-e-gul phailtii kis tarah jo hotii na nasiim
ham ko jam.iiyat-e-KHaatir ye pareshaanii thii
varna ummat tire mahbuub kii diivaanii thii
ham se pahle thaa ajab tere jahaa.n kaa manzar
kahii.n masjuud the patthar kahii.n ma.abuud shajar
KHuugar-e-paikar-e-mahsuus thii insaa.n kii nazar
maantaa phir ko.ii an-dekhe KHudaa ko kyuu.nkar
tujh ko ma.aluum hai letaa thaa ko.ii naam tiraa
quvvat-e-baazu-e-muslim ne kiyaa kaam tiraa
bas rahe the yahii.n saljuuq bhii tuuraanii bhii
ahl-e-chii.n chiin me.n iiraan me.n saasaanii bhii
isii maamuure me.n aabaad the yuunaanii bhii
isii duniyaa me.n yahuudii bhii the nasraanii bhii
par tire naam pe talvaar uThaa.ii kis ne
baat jo big.Dii hu.ii thii vo banaa.ii kis ne
the hamii.n ek tire maarka-aaraa.o.n me.n
KHushkiyo.n me.n kabhii la.Dte kabhii dariyaa.o.n me.n
dii.n azaane.n kabhii europe ke kaliisaa.o.n me.n
kabhii africa ke tapte hu.e sahraa.o.n me.n
shaan aa.nkho.n me.n na jachtii thii jahaa.n-daaro.n kii
kalma pa.Dhte the hamii.n chhaa.nv me.n talvaaro.n kii
ham jo jiite the to jango.n kii musiibat ke liye
aur marte the tire naam kii azmat ke liye
thii na kuchh teGzanii apnii hukuumat ke liye
sar-ba-kaf phirte the kyaa dahr me.n daulat ke liye
qaum apnii jo zar-o-maal-e-jahaa.n par martii
but-faroshii ke evaz but-shikanii kyuu.n kartii
Tal na sakte the agar jang me.n a.D jaate the
paa.nv shero.n ke bhii maidaa.n se ukha.D jaate the
tujh se sarkash hu.aa ko.ii to biga.D jaate the
teG kyaa chiiz hai ham top se la.D jaate the
naqsh-e-tauhiid kaa har dil pe biThaayaa ham ne
zer-e-KHanjar bhii ye paiGaam sunaayaa ham ne
tuu hii kah de ki ukhaa.Daa dar-e-KHaibar kis ne
shahr qaisar kaa jo thaa us ko kiyaa sar kis ne
to.De maKHluuq KHudaa-vando.n ke paikar kis ne
kaaT kar rakh diye kuffaar ke lashkar kis ne
kis ne ThanDaa kiyaa aatish-kada-e-iiraa.n ko
kis ne phir zinda kiyaa tazkira-e-yazdaa.n ko
kaun sii qaum faqat terii talabgaar hu.ii
aur tere liye zahmat-kash-e-paikaar hu.ii
kis kii shamshiir jahaa.ngiir jahaa.n-daar hu.ii
kis kii takbiir se duniyaa tirii bedaar hu.ii
kis kii haibat se sanam sahme hu.e rahte the
mu.nh ke bal gir ke huu-allahu-ahad kahte the
aa gayaa ain la.Daa.ii me.n agar vaqt-e-namaaz
qibla-ruu ho ke zamii.n-bos hu.ii qaum-e-hijaaz
ek hii saf me.n kha.De ho ga.e mahmuud o ayaaz
na ko.ii banda rahaa aur na ko.ii banda-navaaz
banda o saahab o mohtaaj o Ganii ek hu.e
terii sarkaar me.n pahu.nche to sabhii ek hu.e
mahfil-e-kaun-o-makaa.n me.n sahar o shaam phire
mai-e-tauhiid ko le kar sifat-e-jaam phire
koh me.n dasht me.n le kar tiraa paiGaam phire
aur ma.aluum hai tujh ko kabhii naakaam phire
dasht to dasht hai.n dariyaa bhii na chho.De ham ne
bahr-e-zulmaat me.n dau.Daa diye gho.De ham ne
safha-e-dahr se baatil ko miTaayaa ham ne
nau-e-insaa.n ko Gulaamii se chhu.Daayaa ham ne
tere ka.abe ko jabiino.n se basaayaa ham ne
tere qur.aan ko siino.n se lagaayaa ham ne
phir bhii ham se ye gila hai ki vafaadaar nahii.n
ham vafaadaar nahii.n tuu bhii to dildaar nahii.n
ummate.n aur bhii hai.n un me.n gunahgaar bhii hai.n
ijz vaale bhii hai.n mast-e-mai-e-pindaar bhii hai.n
un me.n kaahil bhii hai.n Gaafil bhii hai.n hushyaar bhii hai.n
saik.Do.n hai.n ki tire naam se be-zaar bhii hai.n
rahmate.n hai.n tirii aGyaar ke kaashaano.n par
barq girtii hai to bechaare musalmaano.n par
but sanam-KHaano.n me.n kahte hai.n musalmaan ga.e
hai KHushii un ko ki ka.abe ke nigahbaan ga.e
manzil-e-dahr se uu.nTo.n ke hudii-KHvaan ga.e
apnii baGlo.n me.n dabaa.e hu.e qur.aan ga.e
KHanda-zan kufr hai ehsaas tujhe hai ki nahii.n
apnii tauhiid kaa kuchh paas tujhe hai ki nahii.n
ye shikaayat nahii.n hai.n un ke KHazaane maamuur
nahii.n mahfil me.n jinhe.n baat bhii karne kaa shu.uur
qahr to ye hai ki kaafir ko mile.n huur o qusuur
aur bechaare musalmaa.n ko faqat vaada-e-huur
ab vo altaaf nahii.n ham pe inaayaat nahii.n
baat ye kyaa hai ki pahlii sii mudaaraat nahii.n
kyuu.n musalmaano.n me.n hai daulat-e-duniyaa naayaab
terii qudrat to hai vo jis kii na had hai na hisaab
tuu jo chaahe to uThe siina-e-sahraa se habaab
rah-rav-e-dasht ho sailii-zada-e-mauj-e-saraab
taan-e-aGyaar hai rusvaa.ii hai naadaarii hai
kyaa tire naam pe marne kaa evaz KHvaarii hai
banii aGyaar kii ab chaahne vaalii duniyaa
rah ga.ii apne liye ek KHayaalii duniyaa
ham to ruKHsat hu.e auro.n ne sa.nbhaalii duniyaa
phir na kahnaa hu.ii tauhiid se KHaalii duniyaa
ham to jiite hai.n ki duniyaa me.n tiraa naam rahe
kahii.n mumkin hai ki saaqii na rahe jaam rahe
terii mahfil bhii ga.ii chaahne vaale bhii ga.e
shab kii aahe.n bhii ga.ii.n sub.h ke naale bhii ga.e
dil tujhe de bhii ga.e apnaa sila le bhii ga.e
aa ke baiThe bhii na the aur nikaale bhii ga.e
aa.e ushshaaq ga.e vaada-e-fardaa le kar
ab unhe.n Dhuu.nD charaaG-e-ruKH-e-zebaa le kar
dard-e-lailaa bhii vahii qais kaa pahluu bhii vahii
najd ke dasht o jabal me.n ram-e-aahuu bhii vahii
ishq kaa dil bhii vahii husn kaa jaaduu bhii vahii
ummat-e-ahmad-e-mursil bhii vahii tuu bhii vahii
phir ye aazurdagi-e-Gair sabab kyaa ma.anii
apne shaidaa.o.n pe ye chashm-e-Gazab kyaa ma.anii
tujh ko chho.Daa ki rasuul-e-arabii ko chho.Daa
but-garii pesha kiyaa but-shikanii ko chho.Daa
ishq ko ishq kii aashufta-sarii ko chho.Daa
rasm-e-salmaan o uvais-e-qaranii ko chho.Daa
aag takbiir kii siino.n me.n dabii rakhte hai.n
zindagii misl-e-bilaal-e-habashii rakhte hai.n
ishq kii KHair vo pahlii sii adaa bhii na sahii
jaada-paimaali-e-tasliim-o-razaa bhii na sahii
muztarib dil sifat-e-qibla-numaa bhii na sahii
aur paabandi-e-aa.iin-e-vafaa bhii na sahii
kabhii ham se kabhii Gairo.n se shanaasaa.ii hai
baat kahne kii nahii.n tuu bhii to harjaa.ii hai
sar-e-faaraa.n pe kiyaa diin ko kaamil tuu ne
ik ishaare me.n hazaaro.n ke liye dil tuu ne
aatish-andoz kiyaa ishq kaa haasil tuu ne
phuu.nk dii garmi-e-ruKHsaar se mahfil tuu ne
aaj kyuu.n siine hamaare sharer-aabaad nahii.n
ham vahii soKHta-saamaa.n hai.n tujhe yaad nahii.n
vaadii-e-najd me.n vo shor-e-salaasil na rahaa
qais diivaana-e-nazzaara-e-mahmil na rahaa
hausle vo na rahe ham na rahe dil na rahaa
ghar ye uj.Daa hai ki tuu raunaq-e-mahfil na rahaa
ai KHushaa aa.n roz ki aa.ii o ba-sad naaz aa.ii
be-hijaabaana suu-e-mahfil-e-maa baaz aa.ii
baada-kash Gair hai.n gulshan me.n lab-e-juu baiThe
sunte hai.n jaam-ba-kaf naGma-e-kuu-kuu baiThe
daur ha.ngaama-e-gulzaar se yaksuu baiThe
tere diivaane bhii hai.n muntazir-e-huu baiThe
apne parvaano.n ko phir zauq-e-KHud-afrozii de
barq-e-deriina ko farmaan-e-jigar-sozii de
qaum-e-aavaara inaa.n-taab hai phir suu-e-hijaaz
le u.Daa bulbul-e-be-par ko mazaaq-e-parvaaz
muztarib-e-baaG ke har Gunche me.n hai buu-e-niyaaz
tuu zaraa chhe.D to de tishna-e-mizraab hai saaz
naGme betaab hai.n taaro.n se nikalne ke liye
tuur muztar hai usii aag me.n jalne ke liye
mushkile.n ummat-e-marhuum kii aasaa.n kar de
mor-e-be-maaya ko ham-dosh-e-sulaimaa.n kar de
jins-e-naayaab-e-mohabbat ko phir arzaa.n kar de
hind ke dair-nashiino.n ko musalmaa.n kar de
juu-e-KHuu.n mii chakad az hasrat-e-dairiina-e-maa
mii tapad naala ba-nishtar kada-e-siina-e-maa
buu-e-gul le ga.ii bairuun-e-chaman raaz-e-chaman
kyaa qayaamat hai ki KHud phuul hai.n Gammaaz-e-chaman
ahd-e-gul KHatm hu.aa TuuT gayaa saaz-e-chaman
u.D ga.e Daaliyo.n se zamzama-pardaaz-e-chaman
ek bulbul hai ki mahv-e-tarannum ab tak
us ke siine me.n hai naGmo.n kaa talaatum ab tak
qumriyaa.n shaaKH-e-sanobar se gurezaa.n bhii hu.ii.n
pattiyaa.n phuul kii jha.D jha.D ke pareshaa.n bhii hu.ii.n
vo puraanii raushe.n baaG kii viiraa.n bhii hu.ii.n
Daaliyaa.n pairahan-e-barg se uryaa.n bhii hu.ii.n
qaid-e-mausam se tabii.at rahii aazaad us kii
kaash gulshan me.n samajhtaa ko.ii fariyaad us kii
lutf marne me.n hai baaqii na maza jiine me.n
kuchh maza hai to yahii KHuun-e-jigar piine me.n
kitne betaab hai.n jauhar mire aa.iine me.n
kis qadar jalve ta.Dapte hai.n mire siine me.n
is gulistaa.n me.n magar dekhne vaale hii nahii.n
daaG jo siine me.n rakhte ho.n vo laale hii nahii.n
chaak is bulbul-e-tanhaa kii navaa se dil ho.n
jaagne vaale isii baa.ng-e-daraa se dil ho.n
ya.anii phir zinda na.e ahd-e-vafaa se dil ho.n
phir isii baada-e-dairiina ke pyaase dil ho.n
ajamii KHum hai to kyaa mai to hijaazii hai mirii
naGma hindii hai to kyaa lai to hijaazii hai mirii

Allama Iqbal
Nazm

daraKHt-e-zard

kuchh aisaa hai ye mai.n jo huu.n ye mai.n apne sivaa huu.n ''mai.n''
so apne aap me.n shaayad nahii.n vaaq.e hu.aa huu.n mai.n
jo hone me.n ho vo har lamha apnaa Gair hotaa hai
ki hone ko to hone se ajab kuchh bair hotaa hai
yuu.nhii bas yuu.nhii 'zenuu' ne yakaayak KHud-kushii kar lii
ajab hiss-e-zaraafat ke the maalik ye ravaaqii bhii

Jaun Eliya
Nazm

farar

mere maazii ko andhere me.n dabaa rahne do
meraa maazii mirii zillat ke sivaa kuchh bhii nahii.n
merii ummiido.n kaa haasil mirii kaavish kaa sila
ek be-naam aziyyat ke sivaa kuchh bhii nahii.n

Sahir Ludhianvi
Nazm

self made logon ka alamiya

self made logo.n kaa alamiya
raushnii mizaajo.n kaa kyaa ajab muqaddar hai
zindagii ke raste me.n bichhne vaale kaa.nTo.n ko
raah se haTaane me.n
ek ek tinke se aashiyaa.n banaane me.n
KHushbu.e.n paka.Dne me.n gulistaa.n sajaane me.n
umr kaaT dete hai.n
umr kaaT dete hai.n
aur apne hisse ke phuul baa.nT dete hai.n
kaisii kaisii KHvaahish ko qatl karte jaate hai.n
darguzar ke gulshan me.n abr ban ke rahte hai.n
sabr ke samundar me.n kashtiyaa.n chalaate hai.n
ye nahii.n ki un ko is roz-o-shab kii kaahish kaa
kuchh sila nahii.n miltaa
marne vaalii aaso.n kaa KHuu.n-bahaa nahii.n miltaa
zindagii ke daaman me.n jis qadar bhii KHushiyaa.n hai.n
sab hii haath aatii hai.n
sab hii mil bhii jaatii hai.n
vaqt par nahii.n miltii.n vaqt par nahii.n aatii.n
yaanii un ko mehnat kaa ajr mil to jaataa hai
lekin is tarah jaise
qarz kii raqam ko.ii qist qist ho jaa.e
asl jo ibaarat ho pas navisht ho jaa.e
fasl-e-gul ke aaKHir me.n phuul un ke khulte hai.n
un ke sahn me.n suuraj der me.n nikalte hai.n

Amjad Islam Amjad
Nazm

bad-shuguni

ajab gha.Dii thii
kitaab kiicha.D me.n gir pa.Dii thii
chamakte lafzo.n kii mailii aa.nkho.n me.n uljhe aa.nsuu bulaa rahe the
magar mujhe hosh hii kahaa.n thaa
nazar me.n ik aur hii jahaa.n thaa
na.e na.e manzaro.n kii KHvaahish me.n apne manzar se kaT gayaa huu.n
na.e na.e daa.ero.n kii gardish me.n apne mehvar se haT gayaa huu.n
sila jazaa KHauf naa-umiidii
umiid imkaan be-yaqiinii
hazaar KHaano.n me.n baT gayaa huu.n
ab is se pahle ki raat apnii kamand Daale ye chaahtaa huu.n ki lauT jaa.uu.n
ajab nahii.n vo kitaab ab bhii vahii.n pa.Dii ho
ajab nahii.n aaj bhii mirii raah dekhtii ho
chamakte lafzo.n kii mailii aa.nkho.n me.n uljhe aa.nsuu
ajab nahii.n mere lafz mujh ko mu.aaf kar de.n
havaa-o-hirs-o-havas kii sab gard saaf kar de.n
ajab gha.Dii thii
kitaab kiicha.D me.n gir pa.Dii thii

Iftikhar Arif
Nazm

jawab-e-shikwa

aah jab dil se nikaltii hai asar rakhtii hai
gulshan-e-ziist jalaane ko sharar rakhtii hai
top talvaar na ye teG-o-tabar rakhtii hai
bint-e-havvaa kii tarah tiir-e-nazar rakhtii hai
itnaa pur-soz hu.aa naala-e-saffaak miraa
kar gayaa dil pe asar shikva-e-bebaak miraa
ye kahaa sun ke sasur ne ki kahii.n hai ko.ii
saas chupke se ye bolii.n ki yahii.n hai ko.ii
saaliyaa.n kahne lagii.n qurb-o-qarii.n hai ko.ii
saale ye bole ki marduud-o-la.ii.n hai ko.ii
kuchh jo samjhaa hai to ham-zulf ke behtar samjhaa
mujh ko begam kaa sataayaa hu.aa shauhar samjhaa
apne haalaat pe tum Gaur zaraa kar lo agar
jald khul jaa.egii phir saarii haqiiqat tum par
mai.n ne ugne na diyaa zehn me.n nafrat kaa shajar
tum pe Daalii hai sadaa mai.n ne mohabbat kii nazar
kah ke sartaaj tumhe.n sar pe biThaayaa mai.n ne
tum to beTe the faqat baap banaayaa mai.n ne
mai.n ne sasuraal me.n har shaKHs kii izzat kii hai
saas sasure nahii.n nando.n kii bhii KHidmat kii hai
jeTh devar se jeThaanii se mohabbat kii hai
mai.n ne din raat mashaqqat hii mashaqqat kii hai
phir bhii ho.nTo.n pe ko.ii shikva gila kuchh bhii nahii.n
mere din raat kii mehnat kaa sila kuchh bhii nahii.n
sub.h-dam bachcho.n ko tayyaar karaatii huu.n mai.n
naashta sab ke liye roz banaatii huu.n mai.n
baasii tum khaate nahii.n taaza pakaatii huu.n mai.n
chho.Dne bachcho.n ko school bhii jaatii huu.n mai.n
mai.n ki insaan huu.n insaan nahii.n jin ko.ii
merii taqdiir me.n chhuTTii kaa nahii.n din ko.ii
vo bhii din the ki dulhan ban ke mai.n jab aa.ii thii
saath me.n jiine kii marne kii qasam khaa.ii thii
pyaar aa.ankho.n me.n thaa aavaaz me.n shahnaa.ii thii
kabhii mahbuub tumhaarii yahii harjaa.ii thii
apne ghar ke liye ye hastii miTaa dii mai.n ne
zindagii raah-e-mohabbat me.n luTaa dii mai.n ne
kis qadar tum pe giraa.n ek faqat naarii hai
daal roTii jise denaa bhii tumhe.n bhaarii hai
mujh se kab pyaar hai aulaad tumhe.n pyaarii hai
tum hii kah do yahii aa.iin-e-vafaadaarii hai
ghar to biivii se hai biivii jo nahii.n ghar bhii nahii.n
ye double bed ye takiya nahii.n chaadar bhii nahii.n
mai.n ne maanaa ki vo pahlii sii javaanii na rahii
har shab-e-vasl na.ii ko.ii kahaanii na rahii
qulzum-e-husn me.n pahlii sii ravaanii na rahii
ab mai.n pahle kii tarah raat kii raanii na rahii
apnii aulaad kii KHaatir mai.n javaa.n huu.n ab bhii
jis ke qadmo.n me.n hai jannat vahii maa.n huu.n ab bhii
the jo ajdaad tumhaare na thaa un kaa ye shi.aar
tum ho biivii se pareshaan vo biivii pe nisaar
tum kyaa karte ho har vaqt ye jo tum bezaar
tum ho guftaar ke Gaazii vo saraapaa kirdaar
apne ajdaad kaa tum ko to ko.ii paas nahii.n
ham to behis hai.n magar tum bhii to hassaas nahii.n
nahii.n jin mardo.n ko parvaa-e-nasheman tum ho
achchhii lagtii hai jise roz hii uljhan tum ho
ban ga.e apnii grihastii ke jo dushman tum ho
ho ke Gairo.n pe fidaa biivii se bad-zan tum ho
phir se aabaad na.ii ko.ii bhii vaadii kar lo
kisii kalbisnii se ab duusrii shaadii kar lo

Nashtar Amrohvi
Nazm

dast-e-tah-e-sang-amada

bezaar fazaa darpa-e-aazaar sabaa hai
yuu.n hai ki har ik hamdam-e-deriina KHafaa hai
haa.n baada-kasho aayaa hai ab rang pe mausam
ab sair ke qaabil ravish-e-aab-o-havaa hai
umDii hai har ik samt se ilzaam kii barsaat
chhaa.ii hu.ii har daa.ng malaamat kii ghaTaa hai
vo chiiz bharii hai ki sulagtii hai suraahii
har kaasa-e-mai zahr-e-halaahal se sivaa hai
haa.n jaam uThaa.o ki ba-yaad-e-lab-e-shiirii.n
ye zahr to yaaro.n ne ka.ii baar piyaa hai
is jazba-e-dil kii na sazaa hai na jazaa hai
maqsuud-e-rah-e-shauq vafaa hai na jafaa hai
ehsaas-e-Gam-e-dil jo Gam-e-dil kaa sila hai
us husn kaa ehsaas hai jo terii ataa hai
har sub.h-e-gulistaa.n hai tiraa ruu-e-bahaarii.n
har phuul tirii yaad kaa naqsh-e-kaf-e-paa hai
har bhiigii hu.ii raat tirii zulf kii shabnam
Dhaltaa hu.aa suuraj tire ho.nTo.n kii fazaa hai
har raah pahu.nchtii hai tirii chaah ke dar tak
har harf-e-tamannaa tire qadmo.n kii sadaa hai
ta.aziir-e-siyaasat hai na Gairo.n kii KHataa hai
vo zulm jo ham ne dil-e-vahshii pe kiyaa hai
zindaan-e-rah-e-yaar me.n paaband hu.e ham
zanjiir-ba-kaf hai na ko.ii band-bapaa hai
''majbuurii o davaa-e-giraftaarii-e-ulfat
dast-e-tah-e-sa.ng-aamada paimaan-e-vafaa hai''

Faiz Ahmad Faiz
Nazm

imtihan mein kaamyabi

natiija sun ke ka.ii log bad-havaas hu.e
KHudaa kaa shukr hai ham imtihaa.n me.n paas hu.e
sila milaa hai hame.n saal bhar kii mehnat kaa
chamak rahaa hai sitaara hamaarii qismat kaa
yahii to vaqt milaa hai hame.n masarrat kaa
jo fail ho ga.e vo kis qadar udaas hu.e
KHudaa kaa shukr hai ham imtihaa.n me.n paas hu.e
vo imtihaan me.n raato.n ko jaag kar pa.Dhnaa
vo nii.nd aa.nkho.n me.n chhaa.ii hu.ii magar pa.Dhnaa
vo aadhii raat se bistar pe taa-sahar pa.Dhnaa
zahe-nasiib vo lamhaat ham ko raas hu.e
KHudaa kaa shukr hai ham imtihaa.n me.n paas hu.e
jo khel-kuud me.n din-raat chuur rahte the
har ek khel me.n shaamil zaruur rahte the
jo sub.h-o-shaam kitaabo.n se duur rahte the
jahaa.n me.n aaj vahii mubtalaa-e-yaas hu.e
KHudaa kaa shukr hai ham imtihaa.n me.n paas hu.e
jinhe.n thaa apnii liyaaqat pe e'tibaar bahut
jinhe.n KHud apne qalam par thaa iKHtiyaar bahut
jo apne aap ko samjhe the hoshiyaar bahut
unhii.n ke hosh u.De aur gum havaas hu.e
KHudaa kaa shukr hai ham imtihaa.n me.n paas hu.e

Kaif Ahmed Siddiqui
Nazm

jagir

haa.e vo garm o dil-aavez ubalte siine
jin se ham satvat-e-aabaa kaa sila lete hai.n
jaane un marmarii.n jismo.n ko ye mariyal dahqaa.n
kaise in tiira gharo.ndo.n me.n janam dete hai.n

Sahir Ludhianvi
Nazm

aurat

jab chaahaa mujh ko ek tavaa.if banaa diyaa
maqsad hii mere janm kaa dil se bhulaa diyaa
phuulo.n kii sej dii kabhii mujh ko jalaa diyaa
siitaa banaa ke sho.alo.n me.n mujh ko biThaa diyaa

Meena Naqvi
Nazm

dard-e-dil

aur ho.nge jinhe.n rahtaa hai muqaddar se gilaa
aur ho.nge jinhe.n miltaa nahii.n mehnat kaa silaa

Chakbast Braj Narayan
Nazm

rahguzar

zindagii tuufaan thii sailaab thii bhau.nchaal thii
vaqt phir bhii karvaTo.n par karvaTe.n letaa rahaa
qaafile is raah par aate rahe jaate rahe
raahbar sab ko masaafat kaa sila detaa rahaa

Qateel Shifai
Nazm

hum bure log hain

tum hii achchhe the kisii se kabhii takraar na kii
tum ki takraar ke KHuugar bhii na the
tum hii achchhe the
jo min-jumla-e-arbaab-e-nazar rahte the
shahar-e-pur-hausla me.n
sheva-e-ahal-e-hunar par kabhii tanqiid na kii
itne bebas the ki jab vaqt pa.Daa
apnii bhii taa.iid na kii
ham bure log hai.n sach kahte hai.n
ham bure log hai.n KHush-nuudii-e-arbaab-e-asar ke baaGii
kabhii qatre ko samundar na likhaa
kisii zarre ko bhii sahraa na kahaa
qarz-e-aa.iina chukaane ke liye aks se mahruum hu.e
aur insaa.n se mohabbat kaa sila
ik sazaa yaafta mujrim kii tarah zinda hai.n

Saleem Kausar
Nazm

koi KHwab KHwab sa fasla

la-e-zard par
ko.ii hamd hai ki gila
kaho
mirii piilii aa.nkh me.n
bujhte KHuu.n kaa
alaav hai ki tilaa
kaho
mire dast-o-baazuu
me.n aaj bhii
ko.ii lams qaid hai
aur siine kii
be-vaqaarii
ke andaruu.n
ko.ii harf apnaa hii said hai
ki jise rasaa.ii
na mil sakii
ye mirii jhijhak kii
buriid hai ki sila
kaho
kabhii ek baat na kah sakuu.n
kabhii ab ki chiiKH
mujhe chaahiye vahii
duud duud saa
ek qurb ke darmiyaa.n
ko.ii KHvaab KHvaab saa
faasla
ko.ii aaj mujh se
vo baat puuchhe
ki jis ke ma.anii-e-duur
jaantaa huu.n mai.n ab
ki hazaar sho.alo.n
kii raakh par
kisii buu.nd aa.nsuu
ke sail me.n
ye ga.nvaa.e rishto.n
kaa sard phuul khilaa
kaho
lab-e-zard par
ko.ii hamd hai ki gila
kaho!

Rajinder Manchanda Bani
Nazm

mahatma gandhi

musaafir-e-abadii kii nahii.n ko.ii manzil
yahaa.n qayaam kiyaa yaa vahaa.n qayaam kiyaa
tirii vafaa ne ba.De marhale kiye aasaa.n
faroG-e-sub.h ko tuu ne faroG-e-kaam kiyaa
sanam-kado.n me.n ba.Dhaa e'tibaar-e-ahl-e-haram
haram ne dair-nashiino.n kaa ehtiraam kiyaa
hayaat kyaa hai mohabbat kii aag me.n jalnaa
ye raaz bhii tire soz-e-vafaa ne 'aam kiyaa
uThaa uThaa ke hijaabaat-e-chehraa-e-manzil
musaafiraan-e-sadaaqat ko tez-gaam kiyaa
guzar ke daanish-e-haazir ke aasmaano.n se
buland saadgi-e-ishq kaa maqaam kiyaa
milaa jo dast-e-havaadis se zahr bhii tujh ko
ba.De KHuluus se tuu ne shariik-e-jaam kiyaa
vo dard terii KHamoshii me.n thaa nihaa.n jis ne
sukuut-e-naaz ko aamaada-e-kalaam kiyaa
sila thaa terii riyaazat kaa sub.h-e-aazaadii
vo sub.h jis ko Gulaamo.n ne na.ng-e-shaam kiyaa
abhii to gosh-bar-aavaaz thii bharii mahfil
kahaa.n ye tuu ne kahaanii kaa iKHtitaam kiyaa
KHayaal-e-dost kaa partav thii kaa.enaat tirii
isii talaash me.n gum ho ga.ii hayaat tirii

Ravish Siddiqi
Nazm

maut ka git

naala-e-be-asar allaah ke bando.n ke liye
sila-e-daar-o-rasan haq ke rasuulo.n ke liye
qasr-e-shaddaad ke dar band hai.n bhuuko.n ke liye
phuu.nk do qasr ko gar kun kaa tamaashaa hai yahii
zindagii chhiin lo duniyaa se jo duniyaa hai yahii

Makhdoom Mohiuddin
Nazm

aazar

terii KHaamosh vafaa.o.n kaa sila kyaa hogaa
mere naa-karda gunaaho.n kii sazaa kyaa hogii
qahqahe ho.nge ki ashko.n kii tarannum-rezii
dil-e-vahshii tire jiine kii adaa kyaa hogii
ko.ii uljhaa hu.aa naGma ko.ii suljhaa hu.aa giit
kaun jaane lab-e-shaa.er kii navaa kyaa hogii
haa.n magar dil hai ki dha.Dke hii chalaa jaataa hai
is se ba.Dh kar ko.ii tauhiin-e-vafaa kyaa hogii

Moin Ahsan Jazbi
Nazm

maulwi jannat mein

taish me.n aakar farishto.n se kiyaa tab yuu.n KHitaab
zindagii bhar kii riyaazat kaa sila ye hai janaab

Syed Hashmat Sohail
Nazm

hamare liye subh ke honT par bad-dua hai

bad-du.aa hai
hamaare liye sub.h ke ho.nT par bad-du.aa hai
gharo.n me.n utartii azaano.n me.n
hukm-e-sazaa hai
suno bad-du.aa hai
hamaare liye sub.h ke ho.nT par bad-du.aa hai
suno ham ne shab bhar
use yaad rakkhaa
a.ndhere kii diivaar ke sard siine se lag kar
use apne dil ke ufuq se sadaa dii
kabhii apnii saa.nso.n ke dukh me.n pukaaraa
dilaaso.n kii dahliiz par
TuuTe KHvaabo.n kii dhajjiyaa.n
raat bhar jaagne kaa sila hai
suno bad-du.aa hai
hamaare liye sub.h ke ho.nT par bad-du.aa hai
suno shahr vaalo
kahaa.n hai hamaare lahuu kii bashaarat
hamaare pur-asraar KHvaabo.n kaa mausam
jise ham ne bachcho.n kii palko.n se sii.nchaa
jise maa.o.n kii iltijaa.o.n se maa.ngaa
hamaaraa muqaddar
havaa.o.n me.n u.Dtaa hu.aa
maut kaa zaa.iqa hai
suno ba-du.aa hai

Sarmad Sahbai
Nazm

rah-o-rasm-e-ashnai

musaafirat ne pukaaraa na.e ufuq kii taraf
agar vafaa kii sharii.at kaa ye sila hogaa
na.e ufuq se ta.aaruf ke baa'd kyaa hogaa

Mustafa Zaidi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now