Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "tarkash"

Nazm MATCHES FOR "tarkash"

Nazm

wo lamha jo mera tha

ik din
tum ne mujh se kahaa thaa
dhuup ka.Dii hai
apnaa saaya saath hii rakhnaa
vaqt ke tarkash me.n jo tiir the khul kar barse hai.n
zard havaa ke pathriile jho.nko.n se
jism kaa panchhii ghaayal hai
dhuup kaa jangal pyaas kaa dariyaa
aise me.n aa.nsuu kii ik ik buu.nd ko
insaa.n tarse hai.n
tum ne mujh se kahaa thaa
samay kii bahtii naddii me.n
lamhe kii pahchaan bhii rakhnaa
mere dil me.n jhaa.nk ke dekho
dekho saato.n rang kaa phuul khilaa hai
vo lamha jo meraa thaa vo meraa hai
vaqt ke paikaa.n be-shak tan par aan lage
dekho us lamhe se kitnaa gahraa rishta hai

Ada Jafarey
Nazm

zindan ki ek subh

sar paTakne lagaa rah rah ke dariicha ko.ii
goyaa phir KHvaab se bedaar hu.e dushman-e-jaa.n
sang-o-faulaad se Dhaale hu.e jinaat-e-giraa.n
jin ke changul me.n shab o roz hai.n fariyaad-kunaa.n
mere bekaar shab o roz kii naazuk pariyaa.n
apne shahpuur kii rah dekh rahii hai.n ye asiir
jis ke tarkash me.n hai.n ummiid ke jalte hu.e tiir

Faiz Ahmad Faiz
Nazm

major-ishaq ki yaad mein

lo tum bhii ga.e ham ne to samjhaa thaa ki tum ne
baa.ndhaa thaa ko.ii yaaro.n se paimaan-e-vafaa aur
ye ahd ki taa-umr ravaa.n saath rahoge
raste me.n bichha.D jaa.e.nge jab ahl-e-safaa aur
ham samjhe the sayyaad kaa tarkash hu.aa KHaalii
baaqii thaa magar us me.n abhii tiir-e-qazaa aur
har KHaar rah-e-dasht-e-vatan kaa hai savaalii
kab dekhiye aataa hai ko.ii aabla-paa aur
aane me.n ta.ammul thaa agar roz-e-jazaa ko
achchhaa thaa Thahar jaate agar tum bhii zaraa aur

Faiz Ahmad Faiz
Nazm

an-paDh gunge ka rajaz

meraa shikaar bijliyaa.n haa.nktii hai.n
maut meraa tarkash uThaa kar chaltii hai
aur meraa rath aa.ndhiyaa.n khii.nchtii hai.n
lafzo.n ke maktuub jangal itne ghane nahii.n hai.n
ki tumhe.n aag kii baarish se tar-ba-tar na hone de.n
sarf-o-nahv kaa saa.ebaan itnaa ba.Daa nahii.n hai
ki sitaara-e-ajal tum se ojhal rah jaa.e
kitaabo.n se itnii uu.nchii diivaar nahii.n bantii
ki qitaal sannaaTaa phalaa.ng na sake

Ahmad Javaid
Nazm

aatish-e-KHamosh

sar-chashma-e-aKHlaaq vafaa-kesh-o-vafaa-kosh
ai mashriq-e-ishraaq-e-safaa abr-e-KHataa-posh
yuu.n tere dil-e-saaf me.n ishraaq-e-mohabbat
jis tarah ki lau sub.h ko de durr-e-nayaa-gosh
mai.n kaun huu.n ik dil huu.n jise zabt ne maaraa
kar degii fanaa mujh ko mirii koshish-e-KHaamosh
vo dil huu.n ibaarat jo hai nazm-e-abadii se
ik KHuun kaa nuqta huu.n mai.n pur-ma.anii-o-pur-josh
jibriil mire saath rahe roz-e-azal se
mai-KHaan-e-irfaa.n me.n shab-o-roz qadah-nosh
kuchh mu.nh se nikal jaa.e.n na samjhii hu.ii baate.n
rahne do mujhe majlis-e-mai me.n yuu.nhii mad.hosh
sarsabz huu.n zaahir me.n magar ai dil-e-KHuu.n-garm
jis tarah hinaa me.n hai nihaa.n aatish-e-KHaamosh
dil par ye sitam kyuu.n na ho ham-jins pe taasiir
ka.aba isii Gam me.n nazar aataa hai siyah-posh
ayyuub nahii.n huu.n ko.ii ma.asuum nahii.n huu.n
taa-chand mazaalim pe rahuu.n saakit-o-KHamosh
hai.n jitne aqaarib vo aqaarib se hai.n bad-tar
ahbaab hai.n vo KHud-Garaz-o-zuud-faraamosh
dil saaf nahii.n sab hai.n suKHan-saaz-o-suKHan-chii.n
ye mehr to hai zahr agar niish me.n ho nosh
kahte hai.n jise dost vo is daur me.n anqaa
samjhe hai.n jise mehr vo is ahd me.n ruu-posh
kis daur me.n aa.e hai.n ham ai majlis-e-saaqii
jab ri.nd-e-KHaraabaat-nashii.n ho ga.e mad.hosh
dil kyaa mirii aa.nkho.n kaa hai TuuTaa hu.aa sotaa
tuufaan uThaa de.nge yahii chashma-e-KHas-posh
Thokar se jilaataa huu.n mazaamiin-e-kuhan ko
hai fitna-e-mahshar mirii utrii hu.ii paa-posh
ham-sa.ng javaahir kabhii patthar nahii.n hotaa
har chand taraashe ko.ii sannaa-e-safaa-kosh
go mujh ko KHudaa-daad tabii.at ne sa.nvaaraa
mujrim huu.n agar huu.n kabhii ehsaan-faraamosh
tarkash me.n mire tiir bahut kam hai.n magar hai.n
aise ki u.Daa de.n qadar-andaaz ke jo hosh
pindaar-e-KHudii hai aziiz un ko to hame.n kiyaa
ham ishq ke bande hai.n vafaa-kesh-o-vafaa-kosh

Mirza Mohammad Hadi Aziz Lakhnavi
Nazm

patthar

mai.n ik ma.asuum shahrii thaa
sharaafat se sabhii ke saath rahtaa thaa
mohazzab taur se jiitaa thaa
sab ke kaam aataa thaa
kabhii mai.n ne kisii kaa dil nahii.n to.Daa
kisii kaa sar nahii.n pho.Daa
kisii tarkash se ko.ii tiir kyaa tinkaa nahii.n chho.Daa
kisii kii piiTh me.n KHanjar nahii.n bho.nkaa
kisii ke jism par baaruud kaa golaa nahii.n phe.nkaa
kisii ko aag me.n mai.n ne nahii.n jho.nkaa
kisii kaa haq nahii.n maaraa
kisii kaa zar nahii.n luuTaa
ko.ii KHirman nahii.n phuu.nkaa
kisii building kisii gaa.Dii kisii mahfil me.n ko.ii bam nahii.n rakkhaa
mire haatho.n kisii kaa ghar nahii.n uj.Daa
kisii kaa dar nahii.n ukh.Daa
ko.ii kumba nahii.n bikhraa
ko.ii maathaa nahii.n siku.Daa
kisii kii raah me.n ro.Daa nahii.n aTkaa
kisii ke kaam me.n mai.n ne kabhii raKHna nahii.n Daalaa
kisii ke vaaste dil me.n kabhii kiina nahii.n paalaa
ko.ii farmaan haakim kaa kabhii mai.n ne nahii.n Taalaa
ko.ii gheraa nahii.n laa.nghaa
ko.ii aa.ngan nahii.n phaa.ndaa
magar phir bhii qayaamat mujh pe TuuTii hai
ajab Gaarat-garii kaa qahr barsaa hai
ajab saffaak KHanjar dil me.n utraa hai
ki merii ruuh ab tak tilmilaatii hai
ki meraa zehn ab bhii jhunjhunaataa hai
ki merii saa.ns ab bhii la.Dkha.Daatii hai
samajh me.n kuchh nahii.n aataa
ki mai.n ne kyaa bigaa.Daa hai
mire kis jurm kii mujh ko milii hai
ye sazaa aaKHir
ye gutthii kis tarah kholuu.n
sabab kis se yahaa.n puuchhuu.n
kidhar jaa.uu.n
kise rokuu.n
sabhii chehre yahaa.n patthar
sabhii aa.nkhe.n yahaa.n patthar
basaarat me.n bharaa patthar
samaa.at me.n basaa patthar
zabaano.n me.n ga.Daa patthar
adaalat me.n kha.Daa patthar
har ik qaanuun me.n patthar
har ik aa.iin me.n patthar
har ik insaaf me.n patthar
har ik aavaaz me.n patthar
har ik ehsaas me.n patthar
ye patthar yug ke patthar se bhii bhaarii hai
nagiine kii tarah tarshaa hu.aa hai
aur hiire kii anii kii tarah us kii tez noke.n hai.n
bahut shaffaaf hai ye aur is me.n ik tamaddun hai
mai.n is patthar se sar pho.Duu.n
ki apnii zindagii chho.Duu.n
ki apnaa raasta mo.Duu.n
ki ban jaa.uu.n mai.n KHud patthar
samajh me.n kuchh nahii.n aataa

Ghazanfar
Nazm

koi zindagi thi guman si

kyaa ko.ii KHabar aa.e
zindagii ke tarkash me.n
jitne tiir baaqii the
merii be-dhyaanii se
dil kii KHush-gumaanii se
saaz baaz karte hii
ruuh me.n utar aa.e
dhund itnii gahrii hai
kuchh pataa nahii.n chaltaa
KHvaab ke ta.aaqub me.n
kaun se zamaano.n se
kitne aasmaano.n se
ham guzar ke ghar aa.e
fasl-e-gul kii baate.n bhii
ab kahaa.n rahe.n mumkin
umr kii kahaanii me.n
aisii be-zamiinii me.n
aisii laa-makaanii me.n
sirf itnaa mumkin hai
dha.Dkano.n kii gintii me.n
aglaa mo.D mu.Dte hii
aaKHirii safar aa.e

Nahid Qamar
Nazm

minar-e-sukut

saa.e
biitii sadiyaa.n jaise par phailaa.e uThii.n gol gol
apnii laashe.n chho.D kar merii taraf aa.ii.n
ki jaise noch khaa.e.ngii mujhe
aur phir murda laashe.n yak-ba-yak vahshii baguulo.n kii tarah
raqs kartii chaar-suu
Dhol-taasho.n aur naqqaaro.n kii haibat-naak aavaazo.n pe raqs
kha.Dkha.Daatii haDDiyaa.n KHud sho.ale ban kar naachtii hai.n chaar-suu
aur ik zartusht sajda rez ho kar
un kii haibat un kii azmat un kii be-rahmii ko kartaa ho salaam
aur vo
us ko apnii gul-fishaa.n aaGosh me.n le kar uThii.n
jaise maa.n
apne bachche ko uThaa.e
aur mai.n
vaqt ke be-rahm haatho.n me.n ho.n jaise gidh ke changul me.n ko.ii zinda parind
biitii sadiyaa.n shab ke sannaaTe mai.n shab-KHuu.n maar kar
is tarah yalGaar kartii hai.n ki jaise mai.n nihattaa huu.n
mire tarkash ke tiir
mere hii siine me.n hai.n paivast
mai.n zinda nahii.n
zinda nahii.n
2
dekh ai chashm-e-KHayaal
saar ke taaro.n pe iThlaatii hu.ii vo juu-e-naGma buu-e-gul
vo uruus-e-aarzuu vo chaa.ndnii ke pairahan me.n husn-e-raqsaa.n mauj-e-mai
vo bahaaro.n kaa tabassum vo javaanii kaa Guruur
titliyo.n kii KHaamushii gungunaatii raagnii
aa rahii hai merii jaanib haath phailaa.e hu.e
husn jis ke loch se hai sa.ng-e-marmar me.n gudaaz
husn jis ke ruup se aahan hu.aa aa.iina-saaz
husn a.ng.Daa.ii me.n jis kii saik.Do.n qaumo.n kaa raaz
husn jis ke abruu.o.n kaa jalva mehraab-e-namaaz
husn jis kaa ras-bharaa siina hazaaro.n gumbado.n par sarfaraaz
kyaa hu.aa vo husn vo doshiiza vo mere
KHayaalo.n kii dulhan
kho ga.ii apnii numuu ke parda-e-ra.ngii.n ke piichhe kho ga.ii
vaqt ke sahraa me.n aivaano.n kii azmat sa.ng-saazo.n kii taraash
hajla-e-siimii.n kii ra.anaa.ii kaa afsuu.n ho ga.ii
husn patthar ban gayaa fan kii rago.n kaa garm KHuu.n
murda sadiyo.n ke shabistaano.n me.n apnii aarzuu se jii uThaa
aur suuraj kii tarah raushan hu.aa

Yusuf Zafar
Nazm

shaffafiyan(2)

agar tum tiir chho.Doge
to ham ne apnii aa.nkho.n ke sivaa
saaraa badan pighle hu.e lohe ke paanii me.n Duboyaa hai
hamaaraa haath
tarkash ke khule mu.nh par dharaa hai
kamaa.n kii KHushk aur ak.Dii zabaa.n to
muddato.n se tiir chakhne ke liye bechain hai
tumhe.n ye ilm honaa chaahiye
ki ham jab apne tiir pe
dushman kii baa.e.n aa.nkh likhte hai.n
to baa.e.n aa.nkh hotii hai
kabhii abruu nahii.n hotaa
ye tum par hai
agar tum ham ko siine se lagaane ke liye
saahil pe aa kar apne baazuu khol doge
to ham bhii
pha.D.pha.Daate baadbaa.n kii rassiyo.n ko khol de.nge
agar tum tiir andaazo.n kii Tolii ko pahaa.Dii se utaaroge
to ham bhii
jism se lipTaa hu.aa lohaa giraa de.nge

Waheed Ahmad
Nazm

kahani

ba.Dii lambii kahaanii hai sunoge?
sahar kii aa.nkh khulne bhii na paa.ii thii
mire tarkash ne laakho.n tiir barsaa.e shu.aa.o.n ke
kisii ne aaftaabaana har ik zarre ko chamkaayaa
kisii ne maahtaabii chaadare.n har samt phailaa.ii.n
ko.ii jugnuu kii suurat jhilmilaayaa
inhii.n bikhre hu.e tiiro.n ke zer-e-saaya
mai.n chaltaa rahaa
har mo.D pe ko.ii na ko.ii vaaqi.a
ko.ii na ko.ii haadsa
mere ujaale ko lipaT kar chaaT kar
diimak-zada kartaa rahaa lekin
safar kii dhun salaamat
jumbish-e-paa aage ba.Dhtii hii rahii
koh-e-giraa.n piste rahe
saagar kii lahre.n dam-ba-KHud hotii rahii.n
mai.n ba.Dhte ba.Dhte sarhad-e-imroz tak aa pahu.nchaa

Aziz Tamannai
Nazm

may yaum-ul-hisab

vo daaman kaa har ik KHaar-e-muGiilaa.n se ulajhnaa
tuul-o-arz dasht-o-dariyaa paar kar jaanaa
vo har zarre me.n dhartii kii sadaa sun.naa
vo har qatre ke aa.iine me.n
nuur-e-husn-e-mutlaq kaa larazna
dil-e-nazar harf-o-hunar kaa ek ho jaanaa
takallum justujuu raftaar-o-Gam kaa mudda.aa paanaa
ko.ii iisaa-nafas detaa thaa naam-e-ziist nazraana
laraztaa iltihaab aagahii se thaa mirii nazro.n kaa paimaana
gurezaa.n saa.ato.n ke kaarvaa.n ko kis ne pak.Daa hai
nazar mahv-e-ma.aal-e-dosh-o-fardaa hai
ka.ii diivaar-o-saqaf-o-saa.iba.n ke munjamid chehre
ka.ii uu.nchii fasiile.n raah me.n haa.il
ka.ii be-faiz kaavish-haa-e-tanhaa.ii
ka.ii be-mehriyaa.n paikaar be-mafhum pur-maa.il
ka.ii tiiro.n ne merii KHema-gaah-e-shaq ko chedaa
ka.ii tarkash hu.e is jism par KHaalii
hu.ii jaatii hai razm-e-zindagaanii muzmahil ghaayal

Sajida Zaidi
Nazm

aaj ki aurat

are
sindh ke saadhuu suufii
are
hind ke mard-e-momin
kyaa tum ab bhii soch rahe ho
hindii naarii kahlaa.e vo
jo ho apne pii kii daasii
pii kii daasii
pii kii daasii vaalii baataa.n
ho ga.ii.n ab to baasii muurakh
aaj kii naarii aurat ho ga.ii
freedom jhanDaa chait mahiina
kaun DupaTTa kis ne chhiinaa
jhumkaa kaajal gajraa-vajraa
tyaag ke aurat baaGii ho ga.ii
aaj kii aurat baaGii hai re
kyaa tum ab bhii soch rahe ho
baaGii aurat kahlaa.e vo
jo ho pii ke 'ishq me.n baaGii
pii ke 'ishq me.n baaGii muurakh
haa-haa saade shaa'ir muurakh
aaj kii aurat baby ho ga.ii
suTTaa daaruu kamra chaabii
nain sharaabii ho.nT gulaabii
haath me.n Tharraa mu.nh pe gaalii
KHud ke 'ishq me.n baaGii baby
karmaa.n vaalii karmaa.n vaalii
kyaa tum ab bhii soch rahe ho
karmaa.n vaalii kahlaa.e vo
jo ho pii ke man kii saaqii
pii ke man kii saaqii muurakh
haahaa haahaa pii ke haahaa
aaj kii aurat left kii rind hai
aaj kii aurat right kii king hai
KHud-sar 'aaqil baaliG sarkash
huur haraamii zahr kii tarkash
khaa jaa.egii kachchaa chabaa kar
aaj kii hindii hinda ho ga.ii
havvaa kii beTii zinda ho ga.ii
are
sindh ke saadhuu suufii
are
hind ke mard-e-momin
kyaa tum ab ye soch rahe ho
havvaa kii beTii mar ga.ii yaa phir zinda ho ga.ii

Komal Raja
Nazm

pir-e-mughan-e-urdu

aaKHirii tiir bhii tarkash kaa hu.aa raah-e-sipaar
TuuT kar rah ga.ii lo aaj kamaan-e-urdu

Masud Husain Khan
Nazm

ek tir apne liye

is kaun-o-makaa.n kii dahliiz ubuur karne se pahle
sharaabor badan ko po.nchhe baGair apnii musiibato.n kaa zamii.n aisaa bojh utaare baGair
ham apne lahuu kaa mahsuul adaa kar chuke hai.n
ham jo sitaara-shanaas hai.n ham jo parindo.n kii yak u.Daan se mausamo.n
kaa mizaaj bhaa.np lete hai.n ham jo aa.iino.n me.n chaTaKHtii hu.ii tahziibo.n kii tashKHiis kaa raaz
jaante hai.n jo ruk ruk kar chaltii havaa.o.n sisakte samundaro.n ke shor se
galiyo.n me.n hujuumo.n kii aah-o-bukaa se bhayaanak KHvaabo.n se ojhal ta.abiiro.n
se maavaraa muqaddaro.n aur saltanto.n kaa qayaafa lagaate hai.n
lekin apne baare me.n kuchh bhii na jaante hu.e ek maftuuh kii tarah
taariiKH ke ek mafruur kii tarah thake haare dariida kap.Do.n me.n malbuus badan
par zaKHmo.n kii mahr liye shikasta barahna shamshiir kaa sahaaraa liye is dahliiz ko ubuur
karte hai.n
aah ham ne qadiim tahziibo.n me.n na.e tamadduno.n me.n aslahe ke
kaar-KHaano.n me.n rusvaa aurato.n ke shabistaano.n me.n banko.n kii tijoriyo.n me.n
madraso.n ke moallimo.n kii aavaazo.n me.n panaah lii
lekin hamaare liye kahii.n bhii jaa-e-panaah nahii.n thii ki har lamhe hamaare qayaam
kaa raaz duusre ke liye iztiraab ban jaataa
kaun jaantaa hai ki is dahliiz ke paar kitnii tanhaa.iyaa.n hame.n
mismaar karne ke liye hame.n diivaangii kii KHil.at dene ke liye intizaar
me.n hai.n
ham bhes badal chuke hai.n ki bad-nasiibii hamaare ta.aaqub me.n KHaak u.Daatii hu.ii
hamaare naqsh-e-paa kii zanjiir jo.Dte hu.e phir hame.n hisaar me.n na le sake
aur ham lamha bhar ke liye apnii bahaalii kii KHaatir pha.D.pha.Daate naqsha parcha
par iztiraab rakhe hu.e kotaahiyo.n ko quvvat me.n badalne kii soch me.n Galtaa.n hai.n
lekin duusre pattharo.n par gho.Do.n ke sum chi.ngaariyaa.n barsaate
hu.e aage ba.Dh rahe hai.n aur hamaare tarkash me.n sirf ek hii tiir hai
apne liye aur un ke liye

Anees Nagi
Nazm

habil

bujh ga.ii sham-e-nazar miT ga.e aavaaz ke naqsh
buu-e-gul, juu-e-sabaa, najm-e-sahar kuchh na rahaa
larzish-e-mauj-e-tanaffus ke karishme the tamaam
ruu-e-jaanaa.n Gam-e-jaa.n diida-e-tar kuchh na rahaa
nasl-dar-nasl yuu.nhii mere lahuu kaa pyaasaa
naar-e-namruud bhii vo naKHvat-e-fir.aun bhii vo
jaam-e-zahraab bhii vo tesha bhii vo daar bhii vo
KHanjar-e-shimr bhii vo tarkash-e-cha.ngez bhii vo
asia me.n kabhii africa me.n KHuu.n-rez bhii vo

Zia Jalandhari
Nazm

nishan aur bhi hain

mohabbat ke raaz-e-nihaa.n aur bhii hai.n
fasaane pas-e-daastaa.n aur bhii hai.n
tujhe dard-e-dil me.n chhupaa.uu.n to kaise
mire haal ke tarjumaa.n aur bhii hai.n
tirii bazm se to hai KHalvat hii behtar
yahaa.n mai.n huu.n tuu hai vahaa.n aur bhii hai.n
kahaa.n hai hade.n aalam-e-rang-o-buu kii
yahii ik nahii.n gulsitaa.n aur bhii hai.n
zaraa kah to dete bulaane se pahle
ki is bazm me.n mehmaa.n aur bhii hai.n
tuu maqsuud par raah-rau ruk na jaanaa
ki manzil se aage nishaa.n aur bhii hai.n
idhar bhii nazar tarkash-o-tiir vaale
tire bismil-e-niim-jaa.n aur bhii hai.n
jahaa.n kho gayaa hosh un manzilo.n me.n
junuu.n ke abhii kaarvaa.n aur bhii hai.n
salaamat jabii.n shauq-e-sajda salaamat
haram ke sivaa aastaa.n aur bhii hai.n
ye suniye salaasil kii jhankaar suniye
junuu.n me.n mire ham-zabaa.n aur bhii hai.n
mubaarak tujhe barq-e-aatish-mizaajii
miraa dam hai to aashiyaa.n aur bhii hai.n

Ram Lal Varma Hindi
Nazm

naghma-e-dil-e-soz

kitnaa dard-aamez thaa naGma dil-e-naashaad kaa
tiir tarkash me.n ta.Dap uTThaa sitam iijaad kaa

Raj Bahadur Saxena Auj
Nazm

dajla ke KHwab

ye adaa.e.n raqs ke ha.ngaam kitnii raqs-KHez
vo javaanaan-e-qabiila hosh se baahar chale
kaakulo.n ke sumbulistaa.n aarizo.n par aks-rez
jaise saahil kaa nazaaraa aab-e-dariyaa par chale
ik ta.assur hai ki raqsaa.n ho rahaa hai har taraf
sham.e.n raushan hai.n charaaGaa.n ho rahaa hai har taraf
aag ke atraaf raushan jaise ik faanuus-e-raqs
raqs kartii la.Dkiyaa.n kuchh aag ke atraaf yuu.n
jaise sat.h-e-aab par mahtaab ke haale kaa aks
jis ko jhuule me.n jhulaa.e.n mauj-haa-e-siimguu.n
mil ke jab jhuktii hai.n lagtii hai.n kalii mu.nh-band sii
aur jab tantii hai.n kis darja bhalii dil-band sii
ik taraf vo surKH mish.al haath me.n le kar chale
kuchh hasii.n kuchh naaznii.n kuchh sarv-qad kuchh siim-tan
jaise kuchh phuulo.n ke naazuk narm-rau lashkar chale
narm-raftaarii me.n dajla ke tamavvuj kii phaban
jaise sahraa.o.n ke aahuu mahv-e-gul-gasht-e-chaman
ye hasii.n aahuu-qadam aahuu-nafas aahuu-mizaaj
le rahe hai.n nau-javaanan-e-qabiila se KHiraaj
jalva-pairaa jalva-saamaa.n kitne dilkash maahtaab
kitne afsaano.n ke paikar kitne ra.ng-o-buu ke KHvaab
vo jabiino.n ke araq me.n jaise sho.alo.n ke saraab
jaise sandal me.n sharaaro.n ke tabassum mahv-e-KHvaab
sho.ala-afshaa.n kaakulo.n me.n surKH phuulo.n ke charaaG
jaise taariikii me.n mil jaa.e.n ujaale ke suraaG
aarizo.n kii chaa.ndnii phailii hu.ii sii har taraf
har taraf hai ek tarkash ek aahuu har qadam
kar rahe hai.n raqs daf par mahvishaan-e-jalva-taab
har taraf bikhre hu.e hai.n vaadi-e-dajla ke KHvaab
kuchh ka.nval kuchh nastaran kuchh sumbulistaa.n kuchh gulaab

Qamar Jameel
Nazm

nawa-e-pareshan

mirii navaa-e-pareshaa.n daruun-e-gumbad-e-‘aish
bhaTak rahii hai kisii dil kii aarzuu ban kar
kabhii ye barbat-o-chang-o-rabaab kii suurat
machal rahii hai KHunak u.ngliyo.n kii jumbish me.n
kabhii jaraahat-e-paikaa.n se muztarib ho kar
tamaam tiiro.n ko tarkash se khii.nch laatii hai
kabhii gumaan kii suurat kabhii yaqii.n kii tarah
samaa.ii jaatii hai shaffaaf aabgiino.n me.n
sulag rahii hai jo sham’-e-mashaam-e-jaa.n ban kar
taraaz-e-gul kii javaa.n mushk-bez raato.n me.n
ye chaa.ndnii kii qabaa o.Dh kar bhaTaktii hu.ii
sulagte taaro.n kii mai-guu.n suraahiyaa.n le kar
ye shabnamii sii fazaa os khaa.e Guncha-o-gul
ye phuuTtii hu.ii kirne.n ye dhuup ye kohsaar
ye ba.Dhte ghaTte se saa.e ye haath uThaa.e hu.e
du'aa.e.n maa.ngte paikar hai.n yaa ki hai.n ashjaar
mirii navaa-e-pareshaa.n se muztarib kyo.n hai.n

Anees Sultana
Nazm

ahl-e-hind

teG-o-tarkash ke dhanii the razm-gah me.n fard the
is shujaa'at par ye turra hai saraapaa dard the

Barq Dehlvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now