Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "tez-gaam"

Nazm MATCHES FOR "tez-gaam"

Nazm

bebasi

vaqt ke tez gaam dariyaa me.n
tuu kisii mauj kii tarah ubhrii
aa.nkho.n aa.nkho.n me.n ho ga.ii ojhal
aur mai.n ek bulbule kii tarah
isii dariyaa ke ik kinaare par
narkulo.n ke muhiib jhaave me.n
aisaa uljhaa ki ye bhii bhuul gayaa
bulbule kii bisaat hii kyaa thii

Waseem Barelvi
Nazm

shahr-e-nigaran

phir bhii miir-e-kaarvaa.n hai aaj bhii duniyaa me.n tuu
gar tire kahne ko maane.n kaarvaan-e-tez-gaam

Fatima wasia Jayasi
Nazm

sal-e-nau

ehsaas kii nigaah magar dekhtii hai ab
kuchh aur tez-gaam hu.aa kaarvaan-e-shauq

Anjum Azmi
Nazm

aao ki koi KHwab bunen

go ham se bhaagtii rahii ye tez-gaam umar
KHvaabo.n ke aasare pe kaTii hai tamaam umar

Sahir Ludhianvi
Nazm

dar-madh-am

meraa to KHuu.n haraam hai tujh par halaal-KHor
terii rago.n me.n kis kaa lahuu tez-gaam hai

Khalid Mahmood
Nazm

gladiola

sabaa kii sargoshiyaa.n musallam
ye kaise gul hai.n ki in kii KHushbuu se chau.nktaa bhii nahii.n hai ko.ii
magar unhe.n dekh kar ka.ii tez-gaam rahrav
sambhal ke chalne me.n aafiyat kaa sahaaraa le kar
KHayaal kii vaadiyo.n me.n aise utarne lagte hai.n jaise ko.ii utaartaa ho parii ko shiishe me.n KHaamushii se

Ameen Rahat Chugtai
Nazm

tafawut-e-rah

hasiin kafuurii u.ngliyo.n me.n safed cigarette liye
vo la.Dkii kha.Dii kha.Dii apne shangarfii narm ho.nTo.n se yuu.n lagaatii
ki jaise jiivan ke mom-ras ko vo ghuu.nT bhar bhar ke pii rahii ho
magar talab kaa visaal-e-lab kaa
ye lamha tez-gaam o gurez-paa thaa
siyaah e.Dii zamii.n par is ko be-hisii se kuchal rahii thii

Partav Rohila
Nazm

jazba-e-ushshaq kaam aane ko hai

jazba-e-ushshaaq kaam aane ko hai
phir laziiz-o-shiirii.n jaam aane ko hai
mausam-e-sarmaa kii aamad marhabaa
kyuu.nki is mausam me.n aam aane ko hai
KHatm hone ko hai vaqt-e-intizaar
intiKHaab-e-KHaas-o-aam aane ko hai
dhiire dhiire chaltaa la.ng.Daataa hu.aa
KHush-aada-o-KHush-KHiraam aane ko hai
muqtadii tayyaar ho.n saf baa.ndh kar
sab phalo.n kaa ab imaam aane ko hai
qurbato.n kaa hogaa ab aaGaaz phir
furqato.n kaa iKHtitaam aane ko hai
aate hii jaane kii tayyaarii kare
vo savaar-e-tez-gaam aane ko hai
vajd me.n yuu.n gungunaataa hai 'asar'
aam aane ko hai aam aane ko hai

Shaheen Iqbal Asar
Nazm

surmai hashiye

har roz
maqaam-e-intiqaal par
vaqt ke tez-gaam gho.De par savaar
daa.ero.n me.n dau.Dte din aur raat
girye kaa be-sadaa giit gaate hai.n
har raat
aalam-e-supurdagii me.n aa kar
vo
ek duusre se khulne se pahle
yaa phir
ek duusre me.n ghulne se pahle
apnaa apnaa Gam apnaa apnaa nam
surma.ii haashiyo.n par chho.D jaate hai.n

Komal Raja
Nazm

surmai hashiye

har roz
maqaam-e-intiqaal par
vaqt ke tez-gaam gho.De par savaar
daa.ero.n me.n dau.Dte din aur raat
girye kaa be-sadaa giit gaate hai.n
har raat
aalam-e-supurdagii me.n aa kar
vo
ek duusre se khulne se pahle
yaa phir
ek duusre me.n ghulne se pahle
apnaa apnaa Gam apnaa apnaa nam
surma.ii haashiyo.n par chho.D jaate hai.n

Komal Raja
Nazm

dil-e-fasana-gar

fasaana-gar hai dil miraa
azal se muntazir hai
kab saje phir ek baar
dasht-e-kahkashaa.n me.n vo suKHan-saraa.iyo.n kii shab
safar se pahle maahtaab chhe.D de ko.ii Gazal
Gazal jo gungunaane par na puurii yaad aa sake
ye hijr-e-tez-gaam hai
badan kii silk Dhal rahii hai ret sii
ye raushnii pighal rahii hai ret sii
sitaare reg reg hai.n
ye sabz niile zard taare ghuurte hai.n mujh ko yuu.n
ki jaise mere qurmuzii firaaq ne kiyaa unhe.n ravaa.n ravaa.n
KHalaa.e.n mere har taraf
KHalaa.e.n saat jihat ghuumtii hu.ii
KHalaa.e.n baarisho.n kii lai pe jhuumtii hu.ii
magar KHalaa me.n baarishe.n kahaa.n
to phir ye kyaa hai baarisho.n ke shor saa
KHalaa ke ban me.n naachtaa hai mor saa
vo mujh ko mere aa.ine me.n chhup ke dekhtaa hai kyaa
dil-e-fasaana-gar bataa du.ii kii ektaa hai kyaa

Saima Zaidi
Nazm

mere watan ki chand sar-zamin

ba-har qadam manaazir-e-hasii.n
sunahrii sub.h shaam surmagii.n
ye KHaak-e-zar ye aab-e-aatashii.n
jhukii hai ehtiraam se jabii.n
mire vatan kii chaa.nd sar-zamii.n
ba ii.n mizaaj-e-aab-o-gil avaam
pahaa.D jaise mustaqil avaam
karo.Do.n jism ek dil avaam
bataa.iye nazar me.n hai.n kahii.n
mire vatan kii chaa.nd sar-zamii.n
zamaane bhar ko amn kaa payaam
pilaa rahii hai shaa.ntii ke jaam
bulandiyo.n kii samt tez-gaam
magar kisii se dushmanii nahii.n
mire vatan kii chaa.nd sar-zamii.n
sipaah ek Toliyaa.n ka.ii
mahal vahii ra.ngoliyaa.n ka.ii
payaam ek boliyaa.n ka.ii
misaal is kii duusrii nahii.n
mire vatan kii chaa.nd sar-zamii.n

Muzaffar Hanfi
Nazm

mahatma gandhi

musaafir-e-abadii kii nahii.n ko.ii manzil
yahaa.n qayaam kiyaa yaa vahaa.n qayaam kiyaa
tirii vafaa ne ba.De marhale kiye aasaa.n
faroG-e-sub.h ko tuu ne faroG-e-kaam kiyaa
sanam-kado.n me.n ba.Dhaa e'tibaar-e-ahl-e-haram
haram ne dair-nashiino.n kaa ehtiraam kiyaa
hayaat kyaa hai mohabbat kii aag me.n jalnaa
ye raaz bhii tire soz-e-vafaa ne 'aam kiyaa
uThaa uThaa ke hijaabaat-e-chehraa-e-manzil
musaafiraan-e-sadaaqat ko tez-gaam kiyaa
guzar ke daanish-e-haazir ke aasmaano.n se
buland saadgi-e-ishq kaa maqaam kiyaa
milaa jo dast-e-havaadis se zahr bhii tujh ko
ba.De KHuluus se tuu ne shariik-e-jaam kiyaa
vo dard terii KHamoshii me.n thaa nihaa.n jis ne
sukuut-e-naaz ko aamaada-e-kalaam kiyaa
sila thaa terii riyaazat kaa sub.h-e-aazaadii
vo sub.h jis ko Gulaamo.n ne na.ng-e-shaam kiyaa
abhii to gosh-bar-aavaaz thii bharii mahfil
kahaa.n ye tuu ne kahaanii kaa iKHtitaam kiyaa
KHayaal-e-dost kaa partav thii kaa.enaat tirii
isii talaash me.n gum ho ga.ii hayaat tirii

Ravish Siddiqi
Nazm

shri lal bahadur shastari wazir-e-azam hind

ai bahaadur-laal ai bhaarat supuut
tuu thaa amn-o-aashtii kaa paasdaar
amn kii KHaatir gayaa thaa taashqand
tuu ne kar dii jaan bhii us par nisaar
amn-o-sul.h-o-ja.ng me.n yaktaa thaa tuu
bhaartii tahziib kaa aa.iina-daar
paikar-e-ijz-o-KHuluus-o-saadgii
tuu thaa tahziib-o-tamaddun kaa nikhaar
tuu ne yak-jihatii ataa kii qaum ko
ektaa kaa daan bhaarat ko diyaa
sar hu.aa uu.nchaa hamaaraa har jagah
tuu ne vo sammaan bhaarat ko diyaa
azm teraa aahanii diivaar thaa
salmiyat mulk kii thii terii jaan
shaan-e-mulk-o-qaum thii pesh-e-nazar
tujh ko apnii jaan se ba.Dh kar thii aan
ho ga.ii gul sham.a de kar raushnii
taaqate.n amn-o-amaa.n kii DaT ga.ii.n
zindagii ke saath vaabasta hai maut
ye haqiiqat hai magar kitnii ajiib
ham ko ye ehsaas hotaa hii nahii.n
zindagii se maut hai utnii qariib
zulmat-e-shab se sahar kii dilkashii
yaas se ummiid kaa raushan hai naam
maut ke roke bhii ruk saktaa nahii.n
zindagii kaa kaarvaa.n tez-gaam
hind hai is qaafile kaa rahnumaa
kaarvaa.n-saalaar miir-e-kaarvaa.n
amn-e-aalam kaa alam-bardaar hai
amn-parvar sulh-juu hindostaa.n

Talib Chakwali
Nazm

jashn-e-azadi

barq-raftaarii pe apnii rashk kartaa thaa jahaa.n
suu-e-aazaadii hamaaraa qaafila thaa tez-gaam
siikhnaa hai lekin ab mai-KHaana-e-ta.amiir me.n
jumbish-e-nabz-e-tamannaa o KHiraam-e-daur-e-jaam
manzil-e-maqsuud tak ye qaum jaa saktii nahii.n
jis ke qabze me.n nahii.n asp-e-siyaasat kii lagaam
ham ko bachnaa chaahiye har us bure iqdaam se
jis se ho matuun duniyaa me.n vatan kaa nek naam
ittihaad o aashtii har dam rahe.n pesh-e-nazar
jaa-guzii.n dil me.n rahe zauq-e-amal bil-iltizaam
daur-e-aazaadii kaa gauhar aish hai aish-e-halaal
dil ye kahtaa hai ki yuu.n paaband honaa hai haraam
dil kii talqiinaat par pahle amal farmaa.iye
shauq se phir jashn-e-aazaadii manaate jaa.iye
aish ke saamaa.n bhii ho.n aur farz kaa ehsaas bhii
jashn bhii ho Gam-zado.n kii naaz-bardaarii bhii ho
daaKHil-e-aadaab-e-mai-noshii ho saaqii kaa adab
mastiyaa.n ho.n mastiyo.n ke saath hushyaarii bhii ho
kuchh piye.n aur kuchh bachaa.e.n tishna-kaamo.n ke liye
saadgii kaa naaz bhii andaaz-e-purkaarii bhii ho
haal kii KHaatir KHirad-koshii hai mustahsan magar
bahr-e-mustaqbil junuun-e-zauq-e-bedaarii bhii ho
narm-raftaarii ho vaqt-e-sair-e-gulzaar-e-tarab
raah-e-pur-KHaar-e-amal me.n garm-raftaarii bhii ho
is KHushii ke vaqt kitne dil hai.n Gam se paa.emaal
lutf aa jaa.e agar in sab kii Gam-KHvaarii bhii ho
rone vaalo.n kii ha.nsii ko pahle vaapas laa.iye
shauq se phir jashn-e-aazaadii manaate jaa.iye

Arsh Malsiyani
Nazm

ye raat

sitaare chup hai.n ki chaltii hai tez tez havaa
ye raat apnii mohabbat kii raat bhii to nahii.n
fazaa me.n yaado.n ke jugnuu chamak rahe hai.n abhii
hasiin yaado.n ko lekin sabaat bhii to nahii.n
Gam-e-hayaat se maanuus ho chalaa hai dil
na.e na.e hii sahii saanehaat bhii to nahii.n
badal ke rakh de.n jo lail-o-nahaar duniyaa ke
abhii hayaat ke vo haadsaat bhii to nahii.n
vahii hai KHuun-e-tamannaa vahii hai hasrat-e-Gam
ye maut bhii to nahii.n hai hayaat bhii to nahii.n

Baqar Mehdi
Nazm

khichDi

zamaana tez dhaar hai
jo chal gayaa so paar hai
usii se ko.ii siikh le
aur apnaa kund tiikh le
nahii.n to kaT
vo ishq kyaa hai dostaa
jo Gam nahii.n parostaa
ye zaa.iqa to chakh zaraa
zabaa.n pe is ko rakh zaraa
maza to le
badan pe jo libaas hai
dhunii hu.ii kapaas hai
to ye fanaa me.n hai baqaa
ki is kaa naam hai qazaa

Neelam Malik
Nazm

aaj bhi

mai.n huu.n 'majaaz' aaj bhii zamzama-e-sanj-o-naGma-KHvaa.n
shaa.ir-e-mahfil-e-vafaa mutrib-e-bazm-e-dil-baraa.n

Asrarul Haq Majaz
Nazm

nazm

zindagii duur hu.ii jaatii hai
aur kuchh mere qariib aa jaa.o
jalva-e-husn ko kuchh aur ziyaa-rez karo
apne siine se ubharne vaale
aatishii.n saa.ns kii lau tez karo
merii is piiri-e-darmaa.ndaa kii
KHushk aur KHasta sii KHaakistar afsurda me.n
soz-e-Gam ko sharar-a.ngez karo
yuu.n hii pal bhar hii sahii
mere qariib aa jaa.o
zindagii duur hu.ii jaatii hai

Sufi Ghulam Mustafa Tabassum
Nazm

gham-e-jaanan

pindaar jaag uThaa hai mohabbat ke dard kaa
ye raushnii bhii KHaana-e-dil me.n hu.ii hai aaj

Anjum Azmi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now