Search result for "tuk-ba.ndii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "tuk-ba.ndii"

Nazm MATCHES FOR "tuk-ba.ndii"

Nazm

zindagi

duniyaa me.n tujh ko hai agar armaan-e-zindagii
tadbiir se tuu baa.ndh le paimaan-e-zindagii

Amjad Najmi

Nazm

banjara-nama

har aan naf.a aur ToTe me.n kyuu.n martaa phirtaa hai ban ban
Tak Gaafil dil me.n soch zaraa hai saath lagaa tere dushman
kyaa lau.nDii baa.ndii daa.ii davaa kyaa bandaa chelaa nek-chalan
kyaa mandar masjid taal ku.aa.n kyaa khetii baa.Dii phuul chaman
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi

Nazm

maut meri jaan maut

maut merii jaan maut
tuu ba.Dii muddat se merii taak me.n hai
zindagii mamtaa bharii maa.n
aur tuu ai maut ik maashuuqa vaa-aaGosh

Ameeq Hanafi

Nazm

dagh

chhalaktii thii.n tire dil kii adaa.e.n bhii nigaaho.n se
balaa kaa dard hotaa thaa tirii KHaamosh aaho.n me.n
tuu banda thaa mohabbat kaa mohabbat thii tire dil me.n
samundar maujzan rahtaa thaa is chhoTe se saahil me.n

Maikash Akbarabadi

Nazm

band dariche

mai.n bhii in se kahtaa huu.n
jab jab khologe
tum band dariiche
suukhne na do ye tasviire.n
chaahte ho to aa.nsuu le lo
dil kaa dard
KHuun kaa qatra qatra le lo
ye sab merii yaade.n hai.n
in ke bal par jiitaa huu.n
jii kar phir mar jaataa huu.n

Noor Parkar

Nazm

barsat ki bahaaren

ye sun ke un se ha.ns ha.ns kahtii hai shoKH ranDii
ma.amuulii ab to le kar bandii bhii hai ghamanDii
ham pahne.n laal jo.Daa tum pahno KHaasii ba.nDii
KHandii ho jo tumhaarii chhaatii kare na ThanDii
kyaa kyaa machii hai.n yaaro barsaat kii bahaare.n

Nazeer Akbarabadi

Nazm

aazadi

zabaa.n tum kaaT lo yaa phir lagaa do ho.nTh par taale
mirii aavaaz par ko.ii bhii pahra ho nahii.n saktaa
mujhe tum band kar do tiirgii me.n yaa salaaKHo.n me.n
parinda soch kaa lekin ye Thahraa ho nahii.n saktaa
agar tum phuu.nk kar suuraj bujhaa doge to sun lo phir
jalaa kar zehn ye apnaa ujaalaa chhaa.nT luu.ngaa mai.n
siyaahii KHatm ho.egii qalam jab TuuT jaa.egaa
to apne KHuun me.n u.nglii Dubaa kar sach likhuu.ngaa mai.n

Tripurari

Nazm

bedari

jis banda-e-haq-bii.n kii KHudii ho ga.ii bedaar
shamshiir kii maanind hai burinda-o-burraaq
us kii nigah-e-shoKH pe hotii hai numuudaar
har zarre me.n poshiida hai jo quvvat-e-ishraaq
us mard-e-KHudaa se ko.ii nisbat nahii.n tujh ko
tuu banda-e-aafaaq hai vo saahib-e-aafaaq
tujh me.n abhii paidaa nahii.n saahil kii talab bhii
vo paakii-e-fitrat se hu.aa mahram-e-aamaaq

Allama Iqbal

Nazm

KHabar

bail ne gaa.e kaa mu.nh chuumaa KHabar ban na sakii
dekhne vaalo.n ko irfaan-e-nazar ho na sakaa
gho.De ne gho.Dii kaa mu.nh chuumaa KHabar ban na sakii
hinhinaayaa pe ko.ii ahl-e-KHabar ho na sakaa
ye KHabar hai ki sar-e-raah kisii la.Dkii ko
chuumtaa pak.Daa gayaa ek sharaabii la.Dkaa
vahii.n qaanuun kii zanjiir-e-giraa.n tauq banii
vahii.n aKHbaar kii surKHii ne unhe.n jaa pak.Daa

Yusuf Zafar

Nazm

band haweli

ek havelii band pa.Dii thii
jaane kab se band pa.Dii thii
jaane kab tak band rahegii
is ke saare darvaazo.n par
baTvaare ke qufl pa.De the
sannaaTe kaa shor uThaa.e
viiraanii sii guu.nj rahii thii
biich havelii ke aa.ngan ke
buu.Dhe bargad kii shaaKHo.n par
KHaalii jhuulaa jhuul rahaa thaa
duur ufuq pe KHushbuu baiThii
TuuTe bartan jo.D rahii thii
ghar kii saarii diivaaro.n ke
vahshat ke saaziine the
baa.ns kii jhaa.Duu giit sunaatii
aa.ngan aa.ngan ghuum rahii thii
shaaKH se TuuTe saare patte
piile rang ko dhaare patte
saath havaa ke naach rahe the
ghar aangan me.n basne vaale
ik duuje ko Daste Daste
zahriile naago.n kii maanind
phan phulaa.e aa kha.De the
mere kamre kii khi.Dkii se
do aa.nkhe.n bhii jhaa.nk rahii thii.n

Sameena Gul

Nazm

iltija

ye aurat hai
ise tum saat pardo.n me.n chhupaa.o
ise tum baa.ndh kar rakkho
ye bakrii se zyaada qiimtii hai
ki bakrii duudh detii hai
magar jab kaaT kar khaa lo
to phir kuchh bhii nahii rahtaa
ye aurat hai use kachchaa chabaa lo
phir bhii ye zinda rahegii
aur tumhaare kaam aa.egii
tum is ke zehn o dil par
aur is ke jism ke
ek ek hisse par
KHalaa me.n palne vaale KHauf kaa
pahra biThaa do
ye maa.n ho yaa bahan
biivii ho mahbuuba ho beTii ho
tumhaarii KHaadima ho yaa tavaa.if ho
tumhaare kaam aa.egii

Harris Khalique

Nazm

KHargoshon ki ghazal

ko.ii shikaarii baar baar ban me.n hamaare aa.e kyo.n
chauke.nge ham hazaar baar ko.ii hame.n Daraa.e kyo.n
ghar nahii.n jho.npa.Dii nahii.n kuTiyaa nahii.n makaa.n nahii.n
baiThe hai.n ja.ngalo.n me.n ham ko.ii hame.n bhagaa.e kyo.n
kaan kha.De na kyo.n kare.n ghaas me.n kyo.n na ham chhupe.n
khaTkaa zaraa bhii ho agar ko.ii ThiThuk na jaa.e kyo.n
ban me.n hamaare jo bhii aa.e sair maze se vo kare
aa.e hazaar baar KHud kutto.n ko saath laa.e kyo.n
ammii se maar khaa ke bhii KHush ko.ii kis tarah rahe
paanii maze se kyo.n piye ghaas maze se khaa.e kyo.n
kahtaa thaa ik shikaarii ye aa.e.nge ham zaruur yaa.n
jis ko ho apnii jaa.n aziiz ban me.n vo ghar banaa.e kyo.n
chi.Diyaa.n na chahchahaa.e.n kal so.e.n ham dopahar tak
band hai ban kaa madrasa ko.ii hame.n jagaa.e kyo.n

Raja Mehdi Ali Khan

Nazm

kangan

kaash mai.n tere hasii.n haath kaa ka.ngan hotaa
tuu ba.De pyaar se chaav se ba.De maan ke saath
apnii naazuk sii kalaa.ii me.n cha.Dhaatii mujh ko
aur betaabii se furqat ke KHizaa.n lamho.n me.n
tuu kisii soch me.n Duubii jo ghumaatii mujh ko
mai.n tire haath kii KHushbuu se mahak saa jaataa
jab kabhii mood me.n aa kar mujhe chuumaa kartii
tere ho.nTo.n kii me.n hiddat se dahak saa jaataa
raat ko jab bhii tuu nii.ndo.n ke safar par jaatii
marmarii.n haath kaa ik takiya banaayaa kartii
mai.n tire kaan se lag kar ka.ii baate.n kartaa
terii zulfo.n ko tire gaal ko chuumaa kartaa
jab bhii tuu band-e-qabaa kholne lagtii jaanaa.n
apnii aa.nkho.n ko tire husn se KHiira kartaa
mujh ko betaab saa rakhtaa tirii chaahat kaa nasha
mai.n tirii ruuh ke gulshan me.n mahaktaa rahtaa
mai.n tire jism ke aa.ngan me.n khanaktaa hotaa
kuchh nahii.n to yahii be-naam saa bandhan hotaa
kaash mai.n tere hasii.n haath kaa ka.ngan hotaa

Wasi Shah

Nazm

bachchon ke liye KHususi nazm

KHvaab-e-KHargosh to.D denaa hai
tum ko pa.Dhnaa hai KHuub pa.Dhnaa hai
mai.n tumhe.n titliyo.n se bahlaa.uu.n
yaa pata.nge.n u.Daa ke phuslaa.uu.n
aur carrom kii goTiio.n ke saath
vaqt barbaad karnaa sikhlaa.uu.n
ek hii kaam kar guzarnaa hai
tum ko pa.Dhnaa hai KHuub pa.Dhnaa hai
naanii daadii se loriyaa.n bhii sun
kaun kahtaa hai tujh se motii chun
itnaa naadaan ho gayaa hai tuu
band aa.nkho.n se gaa rahaa hai gun
aasmaano.n kii baat karnaa hai
tum ko pa.Dhnaa hai KHuub pa.Dhnaa hai
pa.Dhne likhne se jii churaataa hai
gullii DanDe me.n jii lagaataa hai
ge.nd balle kaa tuu hai shaidaa.ii
umr yuu.n hii guzaar detaa hai
ab na.e raaste pe chalnaa hai
tum ko pa.Dhnaa hai KHuub pa.Dhnaa hai
niiche darjo.n me.n paas ho jaanaa
nanhe munno.n kaa sii.Dhii cha.Dh jaanaa
hai safar ilm kaa zaraa lambaa
hauslo.n se magar simaT jaanaa
band zehno.n kaa ab to khulnaa hai
tum ko pa.Dhnaa hai KHuub pa.Dhnaa hai
ek ne.amat kitaab hai terii
yuu.nhii Taltii nahii.n pareshaanii
is se milte hai.n faa.ede saare
is kii barakat karegii sultaanii
chaa.nd taaro.n me.n jaa ke rahnaa hai
tum ko pa.Dhnaa hai KHuub pa.Dhnaa hai

Qayyum Asar

Nazm

shafaq-gun sabza

ba.Dii takliif thii tahriir ko manzil pe laane me.n
tanaav kaa ajab ik jaal saa phailaa thaa chehre par
khi.nche the abruu.o.n me.n siidhe KHat
peshaanii par aa.Dii lakiire.n thii.n
KHamiida hote gaahe lab
kabhii mizhgaa.n ulajh pa.Dtii thii.n baaham
giraa kar parda-e-chashm apnii aa.nkho.n par
Garq ho jaatii socho.n me.n
ki afsaane me.n diivaane kaa kyaa anjaam likkhuu.n
aur usii me.n dopahar Dhal ga.ii
nazar khi.Dkii kii jaanib jab uThii to
dekhaa shaam aatii hai azmat se
shajar patte ajab se nuur me.n raushan hai.n
shaamil hai.n bahut se rang jis me.n
qurmuzii kirno.n ne
sabze ko shafaq-guu.n saa mun.akis kar ke
malaakuutii fazaa me.n Dhaal kar
merii nigaaho.n tak ba.Dii ujlat se laayaa hai
mai.n us ko dekhne me.n gar na kuchh pal KHud ko gum kartii
to maathe ke shikan chehre pe chhaayaa ye tanaav
be-sukuu.n aa.nkhe.n
sabhii mil kar mire dil ko bujhaa dete

Tarannum Riyaz

Nazm

abhi waqt hai lauT jao

suno kasrat-e-KHaak me.n basne vaalo
suno tausan-e-barq-raftaar par kaThiyaa.n kasne vaalo
ye phir kaun se ma.arke kaa iraada
tumhaarii naso.n me.n ye kis KHvaab-e-faateh kaa phir baab-e-vahshat khulaa hai
fasiilo.n pe ik parcham-e-KHuu.n-chakaa.n gaa.D dene kii niyyat
ka.ii laakh maftuuh jismo.n ko phir haalat-e-siina-kuubii me.n rote hu.e dekhne kii tamannaa
ye kis aab-e-diivaangii se badan kaa subuu bhar rahe ho
suno tum ba.Dii bad-numaa raat kii dhund me.n faisla kar rahe ho
udhar sai.nka.Do.n kos par ik pahaa.Dii hai jis par ko.ii shai nahii.n hai
vahaa.n har taraf se tumhe.n aag ke Gol ghere me.n lene kii KHaatir kha.De hai.n
abhii vaqt hai luuT jaa.o
suno ujlat-e-fikr me.n ko.ii bhii kaam anjaam paataa nahii.n
phir kisii saa.at-e-shab-girafta me.n ko.ii sitaaraa bulaataa nahii.n

Rafiq Sandelvi

Nazm

dua

bayaaz-e-shab-o-roz par dastaKHat tere qadmo.n ke ho.n
badan ke pasiine se qarno.n ke auraaq mahke.n
sabaa tere raste se kankar haTaa.e
falak par garajtaa hu.aa garm baadal
tire tan kii qaus-e-quzah kaa
laraztaa damaktaa hu.aa ko.ii manzar dikhaa.e
tujhe har qadam par mile.n manzile.n
havaa ek baariik se tez chaabuk kii suurat
tirii band muTThii me.n dubkii rahe
sadaa tujh ko hairat se dekhe zamaana
tuu bahte hu.e tez dhaaro.n kii manzil bane
baadbaa.n saare terii hii jaanib khule.n
aur ufuq kii mu.nDero.n pe kuu.njo.n kii lambii qataare.n
tirii muntazir ho.n
agar mai.n zamii.n ke siyah tang paataal me.n gir bhii jaa.uu.n to kyaa hai
tujhe to zamii.n kore kaaGaz kii suurat mile
bayaaz-e-shab-o-roz par dastaKHat tire qadmo.n ke ho.n
chahakte hu.e tiino.n naTkhaT zamaane
tire gird naache.n
tuu bansii kii taano.n se har shai ko paagal kare nazr-e-aatish kare
to.D Daale
magar KHud na TuuTe
magar KHud na TuuTe
kabhii tuu na TuuTe

Wazir Agha

Nazm

dua

bayaaz-e-shab-o-roz par dastaKHat tere qadmo.n ke ho.n
badan ke pasiine se qarno.n ke auraaq mahke.n
sabaa tere raste se kankar haTaa.e
falak par garajtaa hu.aa garm baadal
tire tan kii qaus-e-quzah kaa
laraztaa damaktaa hu.aa ko.ii manzar dikhaa.e
tujhe har qadam par mile.n manzile.n
havaa ek baariik se tez chaabuk kii suurat
tirii band muTThii me.n dubkii rahe
sadaa tujh ko hairat se dekhe zamaana
to bahte hu.e tez dhaaro.n kii manzil bane
baadbaa.n saare terii hii jaanib khule.n
aur ufuq kii mu.nDero.n pe kuuzo.n kii lambii qataare.n
tirii muntazir ho.n
agar mai.n zamii.n ke siyah-rang paataal me.n gir bhii jaa.uu.n to kyaa hai
tujhe to zamii.n kore kaaGaz kii suurat mile
bayaaz-e-shab-o-roz par dastaKHat tere qadmo.n ke ho.n
chahakte hu.e tiino.n naTkhaT zamaane
tire gird naache.n
tuu bansii kii taano.n se har shai ko paagal kare nazr-e-aatish kare to.D Daale
magar KHud na TuuTe
kabhii tuu na TuuTe

Wazir Agha

Nazm

dastur sazi ki koshish

yuu.n to har shaa.ir kii fitrat me.n hai kuchh diivaangii
Gair zimmedaariyaa.n hai.n us kii juzv-e-zindagii
arz-e-sheristaan me.n ye shaa.iraana KHaasiyat
cancer kii tarah se jab phailne ba.Dhne lagii
muKHtalif school jab ja.ngii akhaa.De ban ga.e
fikr-o-fan me.n jab niraajii kaifiyat paidaa hu.ii
mumlikat me.n zaabta ko.ii na jab baaqii rahaa
har jagah qaanuun kii hone lagii be-hurmatii
ek ik tuk-band ustaado.n ke mu.nh aane lagaa
likh ke sub.h-o-shaam nazme.n be-tukii se be-tukii
kuu.De-karkaT kii tarah har suu nazar aane lage.n
Dheriyaa.n hii Dheriyaa.n diivaan-e-KHaas-o-aam kii
had to ye hai ahl-e-machhlii-shahr bhii karne lage
maahii-giirii chho.D kar din raat fikr-e-shaa.irii
jin se bohraan-e-Gizaa state me.n paidaa hu.aa
qaht-e-maahii se ba.Dhii har chaar jaanib bhuk-marii
chand qaumii dard rakhne vaale ahlurraa.e se
qaum kii naa-gufta-ba-haalat na jab dekhii ga.ii
ek dastuur-ul-amal tayyaar karne ke liye
ik kametii 'amn'-saahab kii sadaarat me.n banii
taaki is par chal ke nazm-o-zabt aa.e qaum me.n
taaki kuchh to mo.atadil ho shaa.iro.n kii zindagii
duusre kaamo.n me.n bhii qaumii energy sarf ho
tuk faroshii ke alaava bhii to maqsad ho ko.ii
daur-e-'aflaatuun'-o-'tulsii-das' se 'iqbaal' tak
history kal shaa.iro.n kii is kametii ne pa.Dhii
duusre mulko.n ke aa.iin-o-zavaabit me.n jahaa.n
jo munaasib baat thii vo chhaa.nT kar rakh lii ga.ii
raat din kii saKHt mehnat aur jaa.n-sozii ke ba.ad
is kametii ne report apnii bil-aaKHir pesh kii
KHaaka-e-dastuur-e-qaumii ya.anii vo she.rii report
'amn'-saahab ne raqam kii thii ba-sinf-e-masnavii
is pe raa.e-aamma ma.aluum karne ke liye
shaa.iro.n ko naql dastaavez kii bhejii ga.ii
muKHtalif ahl-e-suKHan ne apne apne taur par
raa.e dii dastuur me.n tarmiim yaa tansiiKH kii
masnavii me.n KHaamiyaa.n Dhuu.nDe.n zabaa.n kii jaa-ba-jaa
ek shaa.ir ne jo the shaagird-e-nuuh-naarvii
saik.Do.n misre badal kar rakh diye kuchh is tarah
nafs-e-mazmuu.n nazr ho kar rah gayaa islaah kii
un kaa kahnaa thaa ki bandish chust honii chaahiye
sher ke andar balaa se ho na fikrii taazgii
na.at-go hazraat kaa kahnaa thaa shaa.ir ke liye
shart avval hai ki ho jaa.e vo kaTTar maz.habii
aaqibat kii baat soche aur munaajaate.n likhe
us ke jan me.n kaar-aamad shaa.irii hai bas vahii
aise shaa.ir jo ki haamii the taraqqii-vaad ke
in kaa kahnaa thaa ki shaa.ir kaa suKHan ho maqsadii
ya.anii pahle se muqarrar-karda mauzuaat par
mumlikat me.n aam kii jaa.e shu.uurii shaa.irii
KHvaah sheristaan me.n is kaa na ho ko.ii vajuud
laaziman dikhlaa.ii jaa.e kashmakash tabqaat kii
ik qabiila jo muKHaalif thaa shu.uurii fikr kaa
thaa taraqqii-vaadiyo.n se jis ko buGz-e-lillaahii
is qabiile kaa ye kahnaa thaa ki shaa.ir kaa kalaam
laaziman ho ik mu.amma qaid-e-ma.anii se barii
jis ko shaa.ir KHud na samjhe nazm kar lene ke ba.ad
jis ko pa.Dh kar gum ho aql-e-maulvii-e-ma.anavii
dekh kar dastuur me.n nazm-o-nasq kaa tazkira
saKHt barham ho ga.e kul shaa.iraan-e-naksalii
in kaa nukta thaa ki shaa.ir fitratan aazaad hai
us pe lag saktii nahii.n paabandiyaa.n tanziim kii
zindagii me.n zaabta laane ke bilkul the KHilaaf
saath naksal-vaadiyo.n ke duusre hazraat bhii
muKHtasar ye hai ki sab ne rad kiyaa dastuur ko
saarii mehnat 'amn'-saahab kii akaarat ho ga.ii
dekh kar naa-aaqibat andeshii-e-ahl-e-suKHan
is tarah goyaa hu.ii un kii mohazzab KHaamushii
me.nDako.n ko taulnaa aasaa.n nahii.n hai jis tarah
shaa.iro.n ko bhii munazzam karnaa mushkil hai yuu.nhii

Raza Naqvi Vahi

Nazm

bhigi palken

tere dar tak
meraa aanaa
sar jhukaanaa
ibtidaa thii
us kaa lahja
sard lahja
dil ye TuuTaa
bhiigii palke.n
Gam kaa dariyaa
ye mohabbat
ik ibaadat
ik riyaazat
banii tamaashaa
intihaa thii

Dua Ali

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now