Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "vird-e-zabaan"

Nazm MATCHES FOR "vird-e-zabaan"

Nazm

yaad

merii mahbuub tujhe
yaad bhii hai.n vo lamhe
vo shab-e-vasl
ki jab KHvaab sa.nvar aa.e the
ism-e-aazam kii tarah
vird-e-zabaa.n thaa ko.ii
jaise aabid ho musalle pe zabaa.n khole hu.e
KHaamushii aisii ki jug biit ga.e bole hu.e
ek ne ek ko paiGaam diyaa ho jaise
ek ne ek se paiGaam liyaa ho jaise

Asad Rizvi
Nazm

soz-e-dil

dil hai faulaad kaa patthar kaa jigar rakhte hai.n
jaan jokho.n me.n kaf-e-dast pe sar rakhte hai.n
KHuu.n rulaa.egaa tujhe bhii meraa afsaana-e-Gam
ham-qafas puuchh na kyo.n diida-e-tar rakhte hai.n
kyo.n na ta.Dpaa.e hame.n apne vatan kii haalat
soz-e-dil rakhte hai.n ham dard-e-jigar rakhte hai.n
ai jafaa-kaar tuu mazluum kii fariyaad se Dar
ye vo bande hai.n ki aaho.n me.n sharar rakhte hai.n
vo tahii-dast hai.n jo zor na zar rakhte hai.n
jazba-e-hubb-e-vatan dil me.n magar rakhte hai.n
kis ko dete hai.n bhalaa daar-o-rasan kii dhamkii
kyaa Daraate ho ki ham tiir-o-tabar rakhte hai.n
ham ko pistaul kaa Dar hai na mashiino.n kaa KHatar
mard-e-maidaan hai.n ham siina-sipar rakhte hai.n
ko.ii bhaalaa hai na KHanjar hai na bam haatho.n me.n
aur na talvaar ko ham zeb-e-kamar rakhte hai.n
tum ko taaqat kaa bharosa hai jo bedaad-garo
ham ko ye naaz ki naalo.n me.n asar rakhte hai.n
rahnumaa.o.n kii tamanna hai na rahzan kaa KHatar
ham vo rah-rau hai.n ki manzil pe nazar rakhte hai.n
ham bhii aazaad vatan ko kabhii dekhe.n 'saabir'
ye du.aa vird-e-zabaa.n shaam-o-sahar rakhte hai.n

Sardar Naubahar Singh Sabir Tohani
Nazm

hindostan

go KHaak ho chukaa hai hindostaa.n hamaaraa
phir bhii hai kul jahaa.n me.n pallaa garaa.n hamaaraa
mu.nh tak rahaa hai ab tak saaraa jahaa.n hamaaraa
hai naam kishvaro.n me.n vird-e-zabaa.n hamaaraa
zarKHez hai saraasar ye gulistaa.n hamaaraa
hai taa.ir-e-tilaa.ii hindostaa.n hamaaraa
bhaarat me.n dekhte the ham san.ate.n jahaa.n kii
mash.huur thii jahaa.n me.n kaariigarii yahaa.n kii
vo baat hindiyo.n ne Gairo.n ke darmiyaa.n kii
jis par jhukii hai gardan amboh-e-sarkashaa.n kii
miltaa thaa ilm-o-fan me.n ham-sar kahaa.n hamaaraa
hai taa.ir-e-talaa.ii hindostaa.n hamaaraa
tasliim kar rahe hai.n espen aur jaapaa.n
sab maante hai.n lohaa german france-o-yuuna.n
america me.n hai charchaa is mulk kaa numaayaa.n
bhaarat kii saltanat par bartaaniya hai naazaa.n
uu.nchaa hai aasmaa.n se ye aastaa.n hamaaraa
hai taa.ir-e-tilaa.ii hindostaa.n hamaaraa
parbat kii choTiyaa.n hai.n darbaa.n hamaare dar kii
daaman me.n jis ke pinhaa.n kaane.n hai.n siim-o-zar kii
ga.ng-o-jaman pe jis dam sayyaad ne nazar kii
sarsabz vaadiyo.n se is kii nazar na sar kii
kyaa Gairat-e-iram hai ye bostaa.n hamaaraa
hai taa.ir-e-tilaa.ii hindostaa.n hamaaraa
paidaa kiye the jis ne arjun kanaad gautam
aaGosh me.n pale the jis kii byaas-o-bikram
godii me.n jis kii khele the bhiim raam bhisham
jin ke sabab se ab tak hai hindiyo.n me.n dam-KHam
vo mulk-e-be-badal hai jannat-nishaa.n hamaaraa
hai taa.ir-e-tilaa.ii hindostaa.n hamaaraa

Aaftab Rais Panipati
Nazm

hindostan

go KHaak ho chukaa hai hindostaa.n hamaaraa
phir bhii hai kul jahaa.n me.n pallaa garaa.n hamaaraa
mu.nh tak rahaa hai ab tak saaraa jahaa.n hamaaraa
hai naam kishvaro.n me.n vird-e-zabaa.n hamaaraa
zarKHez hai saraasar ye gulsitaa.n hamaaraa
hai taa.ir-e-tilaa.ii hindostaa.n hamaaraa
bhaarat me.n dekhte the ham san'ate.n jahaa.n kii
mash.huur thii jahaa.n me.n kaariigarii yahaa.n kii
vo baat hindiyo.n ne Gairo.n ke darmiyaa.n kii
jis par jhukii hai gardan amboh-e-sarkashaa.n kii
miltaa thaa 'ilm-o-fan me.n ham-sar kahaa.n hamaaraa
hai taa.ir-e-tilaa.ii hindostaa.n hamaaraa
tasliim kar rahe hai.n Spain aur jaapaan
sab maante hai.n lohaa german france-o-yuunaan
america me.n hai charchaa is mulk kaa numaayaa.n
bhaarat kii saltanat par bartaaniya hai naazaa.n
uu.nchaa hai aasmaa.n se ye aastaa.n hamaaraa
hai taa.ir-e-tilaa.ii hindostaa.n hamaaraa
parbat kii choTiyaa.n hai.n darbaa.n hamaare dar kii
daaman me.n jis ke pinhaa.n kaane.n hai.n siim-o-zar kii
gang-o-jaman pe jis dam sayyaad ne nazar kii
sarsabz vaadiyo.n se us kii nazar na sarkii
kyaa Gairat-e-iram hai ye bostaa.n hamaaraa
hai taa.ir-e-tilaa.ii hindostaa.n hamaaraa
paidaa kiye the jis ne arjun kanaad gautam
aaGosh me.n pale the jis kii biyaas-o-bikram
godii me.n jis kii khele the bhiim raam bhisham
jin ke sabab se ab tak hai hindiyo.n me.n dam-KHam
vo mulk-e-be-badal hai jannat-nishaa.n hamaaraa
hai taa.ir-e-tilaa.ii hindostaa.n hamaaraa

Babu Murli Dhar
Nazm

yakum may

qatl-e-gul qatl-e-sabaa qatl-e-sahar kii taqriib
mun.aqid hotii rahii baarhaa aivaano.n me.n
qila-e-jabr-o-tashaddud me.n
qasr-e-zulmat me.n
KHalvat-e-shab me.n
gaahe-gaahe sar-e-raahe
aur is baar ye taqriib ba.Dii shaan ke saath
mun.aqid ahl-e-havas ke haatho.n
rahguzaaro.n pe hu.ii
bar-sar-e-baazaar hu.ii
kuucha-e-shahr-e-nigaaraa.n me.n hu.ii
dasht-o-sahraa me.n hu.ii
kohsaaro.n me.n hu.ii
naam-e-gul naam-e-sabaa naam-e-sahar vird-e-zabaa.n
har-nafas gaam-ba-gaam
mohtaram hai ravish-e-makr-o-fareb-e-paiham
sheva-e-raahzanii kii KHair
pesha-e-qatl kii azmat kii duhaa.ii diije
dast-e-qaatil ke taqaddus kii qasam khaa.ii ga.ii
saathiyo chalte raho
ham rivaayaat-e-chicago ke amii.n
KHuun-e-fučík ke taqaddus ke amii.n
azmat-e-KHuun-e-lumumba ke amii.n
KHuun-e-naasir ke amii.n
nazr-e-KHuu.n dete rahe hai.n
sar-e-mahfil sar-e-zindaa.n sar-e-maqtal sar-e-daar
nazr-e-KHuu.n dete rahe.nge ham log

Muslim Shameem
Nazm

meri zindagi ke do ruKH

saaz-e-daruu.n se jal na uThe.n jism-o-jaa.n kahii.n
rag rag na merii phuu.nk de qalb-e-tapaa.n kahii.n
gum-sum huu.n aur shashdar-o-hairaa.n kuchh is tarah
jaise ki kho chukaa huu.n mai.n ruuh-e-ravaa.n kahii.n
us naav kii tarah huu.n mai.n maujo.n ke rahm par
la.ngar ho jis ke TuuTe kahii.n baadbaa.n kahii.n
yaa mast naaz sarv saa ko.ii nihaal-e-sabz
aa jaa.e zid me.n barq kii jo naa-gahaa.n kahii.n
yaa jis tarah bahaar me.n murG-e-shikasta par
hasrat se dekhtaa huu.n suu-e-asmaa.n kahii.n
maGluub is qadar huu.n mai.n ehsaas-e-Gam se aaj
kho jaa.e siskiyo.n me.n na ye daastaa.n kahii.n
biite dino.n ke KHvaab hai.n aa.nkho.n ke saamne
fardaa kaa ek KHauf hai dil me.n nihaa.n kahii.n
nikle the jab vatan se ham apne ba-haal-e-zaar
manzil kaa thaa KHayaal na naam-o-nishaa.n kahii.n
kuchh aisii muntashir sii hu.ii dostii kii bazm
patte bikher detii hai jaise KHizaa.n kahii.n
zinda hai yaar sohbate.n baaqii magar kahaa.n
diivaar khi.nch ga.ii hai na.ii darmiyaa.n kahii.n
fardaa pe kyaa yaqiin ho naalaa.n huu.n haal par
maazii kii samt le chale umr-e-ravaa.n kahii.n
baad-e-sabaa ke shaano.n pe amvaaj-e-nuur par
le jaa.o mujh ko dosto.n ke darmiyaa.n kahii.n
yaa sham.a merii yaado.n kii gul kar do ek ek
taariik dil kaa gosha na ho zau-fishaa.n kahii.n
ruudaad-e-Gam sunaate hii yuu.n aa.ii un kii yaad
mai.n huu.n kahii.n KHayaal kahii.n daastaa.n kahii.n
ojhal hai.n go nigaah se dil se kahii.n hai.n duur
zikr-e-habiib ab bhii hai vird-e-zabaa.n kahii.n

JaiKrishn Chaudhry Habeeb
Nazm

abhi hum KHub-surat hain

abhii ham KHuub-suurat hai.n
hamaare jism auraaq-e-KHizaanii ho ga.e hai.n
aur ridaa-e-zaKHm se aaraasta hai.n
phir bhii dekho to
hamaarii KHush-numaa.ii par ko.ii harf
aur kashiida-qaamtii me.n KHam nahii.n aayaa
hamaare ho.nT zahriilii ruto.n se kaasnii hai.n
aur chehre ratjago.n kii sho.alagii se
aabnuusii ho chuke hai.n
aur zaKHmii KHvaab
naadiida jaziiro.n kii zamii.n par
is tarah bikhre pa.De hai.n
jis tarah tuufaa.n-zada kashtii ke Tuk.Do.n ko
samundar saahilo.n par phe.nk detaa hai
lahuu kii baarishe.n
yaa KHud-kushii kii KHvaahishe.n thii.n
is aziyyat ke safar me.n
kaun saa mausam nahii.n aayaa
magar aa.nkho.n me.n nam
lahje me.n sam
ho.nTo.n pe ko.ii naGma-e-maatam nahii.n aayaa
abhii tak dil hamaare
KHanda-e-tiflaa.n kii suurat be-kuduurat hai.n
abhii ham KHuub-suurat hai.n
zamaane ho ga.e
ham kuu-e-jaanaa.n chho.D aa.e the
magar ab bhii
bahut se aashnaa naa-aashnaa hamdam
aur un kii yaad ke maanuus qaasid
aur un kii chaahato.n ke hijr-naame
duur deso.n se hamaarii or aate hai.n
gulaabii mausamo.n kii dhuup
jab naurasta sabze par qadam rakhtii hu.ii
ma.muura-e-tan me.n dar aatii hai
tuu barfaanii badan me.n
juu-e-KHuu.n aahistagii se gungunaatii hai
udaasii kaa parinda
chup ke jangal me.n
sar-e-shaaKH-e-nihaal-e-Gam chahaktaa hai
ko.ii bhuulaa hu.aa bisraa hu.aa dukh
aabla bin kar Tapaktaa hai
to yuu.n lagtaa hai
jaise harf apne
zinda aavaazo.n kii suurat hai.n
abhii ham KHuub-suurat hai.n
hamaarii KHush-numaa.ii harf-e-haq kii ruu-numaa.ii hai
usii KHaatir to ham aashufta-jaa.n
ushshaaq kii yaado.n me.n rahte hai.n
ki jo un par guzartii hai vo kahte hai.n
hamaarii harf-saazii
ab bhii mahbuub-e-jahaa.n hai
shaa.erii shoriid-gaan-e-ishq ke vird-e-zabaa.n hai
aur gulaabo.n kii tarah shaadaa.n chehre
la.al o marjaa.n kii tarah lab
sandalii.n haatho.n se
chaahat aur aqiidat kii bayaazo.n par
hamaare naam likhte hai.n
sabhii dard-aashnaa
iisaar mashrab
ham-nafas ahl-e-qafas
jab maqtalo.n kii samt jaate hai.n
hamaare bait gaate hai.n
abhii tak naaz karte hai.n sab ahl-e-qaafila
apne hudii-KHvaano.n par aashufta-kalaamo.n par
abhii ham dastaKHat karte hai.n apne qatl-naamo.n par
abhii ham aasmaano.n kii amaanat
aur zamiino.n kii zaruurat hai.n
abhii ham KHuub-suurat hai.n

Ahmad Faraz
Nazm

basti ki laDkiyon ke nam

chal ai nasiim-e-sahraa ruuh-o-ravaan-e-sahraa
meraa payaam le jaa suu-e-butaan-e-sahraa
sahraa.ii mahvasho.n kii KHidmat me.n jaa ke kahnaa
bhuule nahii.n tumhe.n ham ai duKHtaraan-e-sahraa
gar bas chale to aa.e.n aur dard-e-dil sunaa.e.n
tum ko gale lagaa.e.n ham phir miyaan-e-sahraa
tum najd me.n pareshaa.n shahro.n me.n ham hai.n hairaa.n
allaah kii amaa.n ho tum par butaan-e-sahraa
tum is tarah Gamo.n se behaal ho rahii ho
ham is taraf hai.n muztar daaman-kushaan-e-sahraa
ham paas aa.e.n kyuu.n kar tum ko bulaa.e.n kyuu.n kar
ye dukh miTaa.e.n kyuu.n kar vaamaa.ndgaan-e-sahraa
betaab hai.n alam se be-KHvaab ranj-o-Gam se
kyaa puuchhtii ho ham se ai dil-baraan-e-sahraa
tum yaad kar rahii ho bedaad kar rahii ho
barbaad kar rahii ho ai gul-ruKHaan-e-sahraa
ye kyaa kahaa ki tum ho ra.ngiiniyo.n ke KHuugar
Gamgii.n hai.n tum se ba.Dh kar ai Gam-kushaan-e-sahraa
ye raat ye ghaTaa.e.n ye shor ye havaa.e.n
bichh.De hu.e mile.nge kyuu.nkar miyaan-e-sahraa
shahro.n kii zindagii se ham ta.ng aa chuke hai.n
sahraa me.n phir bulaa lo ai sakinaan-e-sahraa
yaad-e-sumuum ho yaa sarsar ke tund tuufaa.n
Darte nahii.n kisii se dil-daadgaan-e-sahraa
aabaadiyo.n me.n haasil aazaadiyaa.n nahii.n hai.n
aa jaa.o tum hii u.D kar o taa.iraan-e-sahraa
sahraa kii vus.ato.n me.n ham ko na bhuul jaanaa
o duKHtaraan-e-sahraa o aahuvaan-e-sahraa
ai abr chup na rahnaa meraa fasaana kahnaa
mil jaa.e gar kahii.n vo sarv-e-ravaan-e-sahraa
dashtii kii dhun me.n saaqii ik naGma-e-iiraaqii
haa.n phir sunaa ba-yaad-e-gul-chehargaan-e-sahraa
aa.nkho.n me.n bas rahaa hai naqsh-e-butaan-e-sahraa
o daastaa.n-saraa chhe.D ik daastaan-e-sahraa
mastaana jaa rahaa hai phir karvaan-e-sahraa
haa.n jhuum kar hudii-KHvaa.n ik daastaan-e-sahraa
dehaat kii fazaa.e.n aa.nkho.n me.n phir rahii hai.n
dil me.n samaa rahii hai yaad-e-butaan-e-sahraa
nazro.n pe chhaa rahaa hai vo chaa.ndnii kaa manzar
sahraa me.n kheltii thii.n jab huuryaan-e-sahraa
vo chaa.ndnii kaa mausam vo be-KHudii kaa aalam
vo nuur kaa samundar reg-e-ravaan-e-sahraa
jalve mah-e-javaa.n ke vo ra.ng-e-kaarvaa.n ke
vo naGme saarbaa.n ke raqsaa.n miyaan-e-sahraa
kyuu.nkar na yaad aa.e.n vo siim-guu.n fazaa.e.n
vo aasmaan-e-sahraa maah-e-ravaan-e-sahraa
vo kam-sino.n ke gaane vo khel vo taraane
be-fikrii ke fasaane vird-e-zabaan-e-sahraa
kheto.n me.n ghuumte the har gul ko chuumte the
mastii me.n jhuumte the jab mai-kashaan-e-sahraa
vo gaa.nv vo fazaa.e.n vo fasl vo havaa.e.n
vo khet vo ghaTaa.e.n vo aasmaan-e-sahraa
phir yaad aa rahii hai.n phir dil dukhaa rahii hai.n
majnuu.n banaa rahii hai.n lailaa-vashaan-e-sahraa
raato.n ko chhup ke aanaa aur shaane ko hilaanaa
hai yaad vo jagaanaa ham ko miyaan-e-sahraa
vo un kii shoKH aa.nkhe.n vo un kii saada nazre.n
be-KHud banaa rahii hai.n doshiizgaan-e-sahraa
vo ishq-pesha huu.n mai.n jis ke javaan naGme
gaataa hai chaa.ndnii me.n har naujavaan-e-sahraa
ik badviyat kaa aashiq sahraa.iyat se be-KHud
'aKHtar' bhii apnii dhun me.n hai ik javaan-e-sahraa

Akhtar Shirani
Nazm

nazm

chup rahuu.ngaa to zabaa.n yuu.n bhii rahegii bekaar
aur bolo.n to zabaa.n kaaT hii lii jaa.egii
kyuu.n na kuchh bol hii luu.n mai.n ki pas-e-qatl-e-zabaa.n
ye to afsos na hogaa ki zabaa.n rahte hu.e
mujh ko iz.haar-e-KHayaalaat kii jur.at na hu.ii
mujh se is zulm-o-sitam kii bhii shikaayat na hu.ii

Sarfaraz Khalid
Nazm

siri kirshn

dilo.n me.n rang-e-mohabbat ko ustuvaar kiyaa
savaad-e-hind ko giitaa se naGma-baar kiyaa
jo raaz koshish-e-nutq-o-zabaa.n se khul na sakaa
vo raaz apnii nigaaho.n se aashkaar kiyaa
udaasiyo.n ko na.ii zindagii ataa kar dii
har ek zarre ko dil de ke be-qaraar kiyaa
jo mashrab us kaa na is tarah aam ho jaataa
jahaa.n se mahv mohabbat kaa naam ho jaataa

Seemab Akbarabadi
Nazm

shri-krishn

dilo.n me.n rang-e-mohabbat ko ustuvaar kiyaa
savaad-e-hind ko giitaa se naGma-baar kiyaa
jo raaz koshish-e-nutq-o-zabaa.n se khul na sakaa
vo raaz apnii nigaaho.n se aashkaar kiyaa
udaasiyo.n ko na.ii zindagii ataa kar dii
har ek zarre ko dil de ke be-qaraar kiyaa
jo mashrab us kaa na is tarah aam ho jaataa
jahaa.n se mahv mohabbat kaa naam ho jaataa

Seemab Akbarabadi
Nazm

bahut ghuTan hai

sitam ke daur me.n ham ahl-e-dil hii kaam aa.e
zabaa.n pe naaz thaa jin ko vo be-zabaa.n nikle

Sahir Ludhianvi
Nazm

sardar jafri ke nam

aa.ii hai kaisii KHabar ye naa-gahaa.n
duur tak mutlaq na thaa is kaa gumaa.n
ho gayaa KHaamosh vo ahl-e-zabaa.n
thaa jo gulzaar-e-adab kaa paasbaa.n
mo'tarif us ke hai.n sab ahl-e-suKHan
us ke dam se kaarvaa.n thaa gaam-zan

Bismil Aazmi
Nazm

ye dilli

'kaifii'-o-'munavvar' se ka.ii ahl-e-zabaa.n kaa
KHum-KHaana-e-sar-mastii-e-ash.aar hai dillii

Ram Parkash Rahi
Nazm

shab-e-wada shab-e-wada

shab-e-vaa'da
na KHalvat KHaana-e-shab me.n
badan kii dhiimii dhiimii aa.nch se
aatish-kade dahke
na sargoshii ke dhiime dhiime sur me.n
tum ne baate.n kii.n
na madhoshii me.n panjam sur lagaa kar
jism-o-jaa.n harf-o-zabaa.n bahke
har ik pal KHaalii KHaalii
dil kii har dha.Dkan savaalii thii
shab-e-vaa'da

Qamar Raees
Nazm

tisri aankh

so phir yuu.n hu.aa
maqtalo.n kii taraf jab ravaana hu.e ham
to saarii jabiino.n pe na.ngii KHajaalat
barahna nadaamat ke qatre ju.De the
ham andhe saraabo.n ke laa-muntahaa silsilo.n me.n kha.De the
hazar saa.ato.n
thartharaate labo.n par
faqat KHaamushii thii
sitam taaziyaano.n ke qaatil pharere
fasiil-e-zabaan-o-dahan par ga.De the
vo mausam ka.De the

Hasan Abbas Raza
Nazm

miras

mai.n ne apne aabaa kii kitaabo.n ko
kaaTh kii uu.nchii aur mazbuut almaariyo.n se nikaal kar KHuub pa.Dhaa hai
un kii KHushbuu suu.nghii hai
un kii dhuulo.n ko chaaTaa hai
apnii nok-e-zabaa.n se aksar
aur varaq ke baa.e.n aur
niiche kii jaanib
paan kii piik se giilaa kar ke
palTe ga.e safho.n par
un kii shahaadat kii u.ngliyo.n ke nishaa.n paa.e hai.n

Malik Ehsan
Nazm

tumhaara ajnabi

tuluu'-e-aaftaab barg-e-surKH thaa
vo ajnabii tumhaare shahr me.n vo be-zabaan ajnabii
magar fishaar-e-tiirgii kii sard KHaak zard dhund kaa
muhiib marg-aashnaa saa zaa.iqa
na jaane kyo.n lab-o-zabaa.n pe jism-o-jaa.n pe jheltaa rahaa
na jaane kyo.n vo marg-o-zindagii ke zer-o-bam se kheltaa rahaa

Balraj Komal
Nazm

chand taron ka ban

kuchh imaamaan-e-sad-makr-o-fan
un kii saa.nso.n me.n af.ii kii phunkaar thii
un ke siine me.n nafrat kaa kaalaa dhu.aa.n
ik kamii.n-gaah se
phe.nk kar apnii nok-e-zabaa.n
KHuun-e-nuur-e-sahar pii ga.e

Makhdoom Mohiuddin
Nazm

bol

bol ki lab aazaad hai.n tere
bol zabaa.n ab tak terii hai
teraa sutvaa.n jism hai teraa
bol ki jaa.n ab tak terii hai
dekh ki aahan-gar kii dukaa.n me.n
tund hai.n sho.ale surKH hai aahan
khulne lage quflo.n ke dahaane
phailaa har ik zanjiir kaa daaman
bol ye tho.Daa vaqt bahut hai
jism o zabaa.n kii maut se pahle
bol ki sach zinda hai ab tak
bol jo kuchh kahnaa hai kah le

Faiz Ahmad Faiz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now