Search result for "visaal-e-sanam" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "visaal-e-sanam"

Nazm MATCHES FOR "visaal-e-sanam"

Nazm

ahl-e-junun

ham hai.n siimaab-sifat haqq-o-sadaaqat kii naviid
maa'bad-e-zulm me.n nekii ke sanam Dhalte hai.n
jabr se zulm se ham Dar nahii.n sakte hargiz
saa'at-e-jehd me.n sho'lo.n kii tarah jalte hai.n

Noor -e-Shama Noor

Nazm

lauh-o-qalam

baaqii hai lahuu dil me.n to har ashk se paidaa
ra.ng-e-lab-o-ruKHsaar-e-sanam karte rahe.nge

Faiz Ahmad Faiz

Nazm

bhali si ek shakl thi

sunaa hai ek umr hai
mu.aamalaat-e-dil kii bhii
visaal-e-jaa.n-fazaa,n to kyaa
firaaq-e-jaa.ngusil kii bhii

Ahmad Faraz

Nazm

waqt ki qadr

nashaat-e-umr ko ummiid par nisaar na kar
visaal-e-sub.h-e-qayaamat kaa intizaar na kar
riyaaz-e-KHuld kii baato.n kaa e'tibaar na kar
fareb vaada-e-fardaa miTaa bhii jaa salmaa
bahaar biitne vaalii hai aa bhii jaa salmaa

Akhtar Shirani

Nazm

shartiya laDka

kaise kaise vahm palte hai.n bashar ke zehn me.n bhii
chand jur.e sher kaa KHuu.n-nosh karnaa raat ko maithan se pahle
yaa kushaada chaa.ndnii me.n kaif-e-andoz-e-visaal-e-shauq honaa
vaj.h-e-aulaad-e-nariina
aur phir buqraat ne bhii ye kahaa thaa
mard apne daa.e.n KHusiye par jo rassii baa.ndh le milne se pahle
us kii aurat shartya la.Dkaa janegii
lekin is andaaz kii harza-saraa.ii
kab kisii ke kaam aa.ii
kaise kaise vahm palte hai.n bashar ke zehn me.n bhii

Krishna Mohan

Nazm

hilal-e-eid

aaj Gorabaa bhii amiiro.n ke gale mil jaa.e.nge
kuchh nahii.n tafriiq hogii ye visaal-e-eid hai

Nisar Kubra Azimabadi

Nazm

devdas

ruuh kaa Gam ma-e-gulfaam se kam kyaa hotaa
ko.ii tiryaak ba-juz vasl-e-sanam kyaa hotaa

Anjum Azmi

Nazm

waqt-e-murawwat

Garaz ki aate hii vaqt-e-sahar KHayaal-e-namaaz
jabii.n thii paa-e-sanam par zabaa.n pe ''yaa-ma.abuud!''

Josh Malihabadi

Nazm

afkar-e-pareshan

ye zamaana kaisaa badal gayaa na vo valvale na vo hausle
kisii vaqt the jo sanam-shikan vo hai.n aaj vaqf-e-sanam-girii

Amjad Najmi

Nazm

lekin baDi der ho chuki thi

aa.nkho.n me.n savaal the hazaaro.n
ho.nTo.n pe magar vahii tabassum!
chehre pe likhii hu.ii udaasii
lahje me.n magar balaa kaa Thahraa.o
aavaaz me.n guu.njtii judaa.ii
baa.nhe.n thii.n magar visaal-e-saamaa.n!

Parveen Shakir

Nazm

husn

husn sabaa ke ram me.n hai
taal me.n zer-o-bam me.n hai
kaifiyat-e-alam me.n hai
sham.a ke soz-e-Gam me.n hai
but-kada-e-sanam me.n hai
saaqii-o-jaam-e-jam me.n hai
jor me.n sitam me.n hai
ranj-o-mehan me.n husn hai
ranj-o-mehan me.n husn hai
lutf me.n hai karam me.n hai

Asghar Hasan Mujibi

Nazm

main jinsi khel ko sirf ek tan-asani samajhta hun

ibaadat kaa tariiqa harkate.n hai.n tishna o mub.ham
kabhii ruuh-e-sanam bedaar KHvaab-e-marg-e-muhmal se
kisii indar-sabhaa kii laakh pariyaa.n aa ke bahlaa.e.n

Meeraji

Nazm

subh-e-azadi (August-47)

sunaa hai ho bhii chukaa hai firaaq-e-zulmat-o-nuur
sunaa hai ho bhii chukaa hai visaal-e-manzil-o-gaam
badal chukaa hai bahut ahl-e-dard kaa dastuur
nashaat-e-vasl halaal o azaab-e-hijr haraam
jigar kii aag nazar kii uma.ng dil kii jalan
kisii pe chaara-e-hijraa.n kaa kuchh asar hii nahii.n
kahaa.n se aa.ii nigaar-e-sabaa kidhar ko ga.ii
abhii charaaG-e-sar-e-rah ko kuchh KHabar hii nahii.n
abhii giraanii-e-shab me.n kamii nahii.n aa.ii
najaat-e-diida-o-dil kii gha.Dii nahii.n aa.ii
chale-chalo ki vo manzil abhii nahii.n aa.ii

Faiz Ahmad Faiz

Nazm

nai tahzib

na KHaatuuno.n me.n rah jaa.egii parde kii ye paabandii
na ghuu.nghaT is tarah se haajib-e-ruu-e-sanam ho.nge

Akbar Allahabadi

Nazm

mujhe wapas kar de

ai sanam-KHaana-e-maazii ke but-e-pur-e.ajaaz
laa mire lahje kii luknat mujhe vaapas kar de
laa miraa siiGa-e-ulfat mujhe vaapas kar de
laa mirii avvalii.n chaahat mujhe vaapas kar de
laa mirii saarii mohabbat mujhe vaapas kar de

Anwar Abbas

Nazm

KHauf-e-sahra

kyaa hu.aa shauq-e-fuzuul
kyaa hu.ii jur.at-e-rindaana mirii
mujh pe kyuu.n ha.nstii hai taamiir-e-sanam-KHaana mirii
phir ko.ii baad-e-junuu.n tez kare
aagahii hai ki charaaGo.n ko jalaatii hii chalii jaatii hai
duur tak KHauf kaa sahraa nazar aataa hai mujhe

Shaz Tamkanat

Nazm

mansur-hallaj

merii aa.nkhe.n merii jaan
teraa ibaadat-KHaana
aur apne liye ik naar-e-jahiim
meraa dil hirno.n ke liye
maidaan-e-aziim
aur apne liye ik KHaana-e-biim
dekh zaraa hallaaj kaa raqs
jis ne apnii miTTii
apnaa KHuun
na samjhaa apnaa KHuun
jis ke liye laayaa hai ko.ii
ek visaal-e-davaam
ek charaaG-e-mubiin

Qamar Jameel

Nazm

tafawut-e-rah

hasiin kafuurii u.ngliyo.n me.n safed cigarette liye
vo la.Dkii kha.Dii kha.Dii apne shangarfii narm ho.nTo.n se yuu.n lagaatii
ki jaise jiivan ke mom-ras ko vo ghuu.nT bhar bhar ke pii rahii ho
magar talab kaa visaal-e-lab kaa
ye lamha tez-gaam o gurez-paa thaa
siyaah e.Dii zamii.n par is ko be-hisii se kuchal rahii thii

Partav Rohila

Nazm

aaj-kal

harf-e-haq dil se zabaa.n tak laa rahaa huu.n aaj-kal
qissa-e-daar-o-rasan dohraa rahaa huu.n aaj-kal
halqa-e-zulf-e-sanam kii tiirgii se duur huu.n
zindagii ke pech-o-KHam suljhaa rahaa huu.n aaj-kal
shaaKH-e-gul par ab na paa.oge mujhe tum naGma-KHvaa.n
aa.ndhiyo.n ke paalne me.n gaa rahaa huu.n aaj-kal
ho rahegii qa.ar-e-dariyaa kii haqiiqat aashkaar
mauj-o-tuufaa.n ke thape.De khaa rahaa huu.n aaj-kal
apnii duniyaa-e-tag-o-dau apnii kisht-e-ziist par
abr-e-rahmat ban ke mai.n KHud chhaa rahaa huu.n aaj-kal
mere jabr-o-qahr kii hamd-o-sanaa ke baa'd ab
apne istiqlaal ke gun gaa rahaa huu.n aaj-kal
vaadii-e-ishq-o-junuu.n me.n rah-ravaan-e-shauq ko
ma.anii-e-harf-e-vafaa samjhaa rahaa huu.n aaj-kal
taaki anvaar-e-suKHan se jagmagaa jaa.e jahaa.n
sham.a kii maanind jaltaa jaa rahaa huu.n aaj-kal
ab ki yaaraan-e-vatan kii diid kaa imkaa.n nahii.n
'ashk' Gurbat me.n sukuu.n saa paa rahaa huu.n aaj-kal

Masoom Sharqi

Nazm

ruh-e-arzi aadam ka istiqbaal karti hai

khol aa.nkh zamii.n dekh falak dekh fazaa dekh!
mashriq se ubharte hu.e suuraj ko zaraa dekh!
is jalva-e-be-parda ko parda me.n chhupaa dekh!
ayyaam-e-judaa.ii ke sitam dekh jafaa dekh!
betaab na ho maarka-e-biim-o-rajaa dekh!
hai.n tere tasarruf me.n ye baadal ye ghaTaa.e.n
ye gumbad-e-aflaak ye KHaamosh fazaa.e.n
ye koh ye sahraa ye samundar ye havaa.e.n
thii.n pesh-e-nazar kal to farishto.n kii adaa.e.n
aa.iina-e-ayyaam me.n aaj apnii adaa dekh!
samjhegaa zamaana tirii aa.nkho.n ke ishaare!
dekhe.nge tujhe duur se garduu.n ke sitaare!
naapaid tire bahr-e-taKHayyul ke kinaare
pahu.nche.nge falak tak tirii aaho.n ke sharaare
taamiir-e-KHudii kar asar-e-aah-e-rasaa dekh
KHurshiid-e-jahaa.n-taab kii zau tere sharar me.n
aabaad hai ik taaza jahaa.n tere hunar me.n
jachte nahii.n baKHshe hu.e firdaus nazar me.n
jannat tirii pinhaa.n hai tire KHuun-e-jigar me.n
ai paikar-e-gul koshish-e-paiham kii jazaa dekh!
naala.nda tire uud kaa har taar azal se
tuu jins-e-mohabbat kaa KHariidaar azal se
tuu piir-e-sanam-KHaana-e-asraar azal se
mehnat-kash o KHuu.n-rez o kam-aazaar azal se
hai raakib-e-taqdiir-e-jahaa.n terii razaa dekh!

Allama Iqbal

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now