Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "zabaan-e-qaal"

Nazm MATCHES FOR "zabaan-e-qaal"

Nazm

kal humne sapna dekha hai

haa.n kis ke liye sab us ke liye
vo jis ke lab par Tesuu hai.n
vo jis ke nainaa.n aahuu hai.n
jo KHaar bhii hai aur KHushbuu bhii
jo dard bhii hai aur daaruu bhii
vo allha.D sii vo chanchal sii
vo shaa.er sii vo paagal sii
log aap-hii-aap samajh jaa.e.n
ham naam na us kaa batlaa.e.n
ai dekhne vaalo tum ne bhii
us naar kii piit kii aa.ncho.n me.n
is dil kaa tiinaa dekhaa hai?
kal ham ne sapnaa dekhaa hai

Ibn۔e۔Insha
Nazm

pichhle-pahar ke sannaTe mein

maazii kii Dev.Dhii kii chilman
khule dariiche kii jaalii se
chhan chhan aa.e.n
ruup kii jot hinaa kii laalii kal kii yaade.n
sau.ndhii KHushbuu ThanDii buu.nde.n
kal ke baasii aa.nsuu jin se
fardaa ke baalii.n kaa pardaa bhiig rahaa hai
sehr-zada mahbuus hasiina
sapno.n ke shiilaaT kii raanii
aa.iino.n me.n husn-e-shikasta dekh rahii hai
kitne chehre TuuTe TuuTe
pahchaane an-pahchaane se
aage piichhe aage piichhe bhaag rahe hai.n
qil.e ke aaseb kii suurat kis kii siskii kis kaa naala
kamre kii KHaamosh fazaa me.n dar aayaa hai

Ibn۔e۔Insha
Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha
Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha
Nazm

jhulsi si ek basti mein

haa.n dekhaa kal ham ne us ko dekhne kaa jise armaa.n thaa
vo jo apne shahr se aage qarya-e-baaG-o-bahaaraa.n thaa

Ibn۔e۔Insha
Nazm

sarsayyad ke mazar par

jo mere saaz-e-fitrat me.n nayaa ik soz bharnaa hai
tuu 'jauhar' aur 'zafar' kaisii zabaan-e-naGma-KHvaa.n de de

Mohammad Sadiq Zia
Nazm

andhe pujari

zabaan-o-firqa-o-maz.hab ke Gaar me.n ye log
hu.e hai.n Garq kuchh aise ubhar nahii.n sakte
aTe hai.n gard me.n jab tak dilo.n ke aa.iine
na.e nuquush me.n ham rang bhar nahii.n sakte
nigaar-e-hind ke gesuu sa.nvar nahii.n sakte

Qaisarul Jafri
Nazm

ghaalib

zabaa.n us kii zabaan-e-zindagii hai
bayaa.n us kaa bayaan-e-aagahii hai

Rifat Sarosh
Nazm

payam-e-azadi

pukaar yuu.n tirii hargiz sunii na jaa.egii
zabaan-e-teG se kar bas kalaam-e-aazaadii

Ahmaq Phaphoondvi
Nazm

jashn-e-jamhuriyat

javaaniyaa.n hai.n zor par shabaab kaa zuhuur hai
ba-e-faiz-e-qalb-e-mutma.in nazar nazar Gayuur hai
uma.ng hai tara.ng hai nashaat hai suruur hai
nishaan-e-zulmat-e-alam qariib hai na duur hai

Arsh Malsiyani
Nazm

KHatun-e-mashriq

hech hai har chiiz zevar Gaaza afshaa.n rang o KHaal
husn KHud apnii jagah hai sau kamaalo.n kaa kamaal

Josh Malihabadi
Nazm

naqqad

ai adab naa-aashnaa ye bhii nahii.n tujh ko KHayaal
na.ng hai bazm-e-suKHan me.n madrase kii qiil-o-qaal

Josh Malihabadi
Nazm

waba

bahut se mulko.n me.n naslo.n me.n baT gayaa thaa vo
zabaan-o-zaat me.n firqo.n me.n baT gayaa thaa vo

Hina Rizvi
Nazm

sar-e-rahe

zabaan-e-dil se phir kahuu.n tumhii.n mirii bahaar ho
sukuun-e-qalb-e-zaar ho suruur-e-sad-KHumaar ho

Iqbal Umar
Nazm

tisri aankh

so phir yuu.n hu.aa
maqtalo.n kii taraf jab ravaana hu.e ham
to saarii jabiino.n pe na.ngii KHajaalat
barahna nadaamat ke qatre ju.De the
ham andhe saraabo.n ke laa-muntahaa silsilo.n me.n kha.De the
hazar saa.ato.n
thartharaate labo.n par
faqat KHaamushii thii
sitam taaziyaano.n ke qaatil pharere
fasiil-e-zabaan-o-dahan par ga.De the
vo mausam ka.De the

Hasan Abbas Raza
Nazm

naqsh-e-faryaadi

KHaamushii sad zabaan-o-bayaa.n kii tarah
apnii duniyaa ke dukh dard kahtii hu.ii
phir bhii apno.n se begaangii sii liye
vaqt kii dhaar par naav bahtii hu.ii

Daur Afridi
Nazm

KHwab jalte hue

mirii ziist hai barf kaa ek tuuda
samundar me.n jo vaqt ke bah rahaa hai
mirii bebasii kaa Gam-aagii.n fasaana
zabaan-e-KHamoshii se vo kah rahaa hai

Parwaz Noorpuri
Nazm

mere sone ki

ye aa.nkhe.n hai.n
zamaanii aur makaanii
manzaro.n kii kitnii
ruudaade.n
zabaan-o-dast
auraaq-o-qalam
jin ko bayaa.n
kar hii nahii.n sakte
basaa letii hai.n
shiisho.n me.n
chhalakte se kaToro.n me.n

Sabeen Yunus
Nazm

air-hostess

mirii mezbaa.n ne
havaa.ii safar me.n
chamak apnii aa.nkho.n me.n laate hu.e
baa-zabaan-e-KHamoshii ye mujh se kahaa thaa
havaa.ii musaafir
zamii.n par nahii.n ham
KHalaa kaa safar hai dariiche na kholo

Fay Seen Ejaz
Nazm

urdu zaban

talKH baato.n ko bhii narmii se nibhaa letii hai
kitnii ma.asuum tabii.at hai zabaan-e-urdu

Javed Rasheed Amir
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now