لفظی الٹ پھیر پر شاعری

اگر وہ پوچھ لیں ہم سے تمہیں کس بات کا غم ہے

تو پھر کس بات کا غم ہے اگر وہ پوچھ لیں ہم سے

she should just inquire, what causes me this pain

were she to ask this question, no ache would then remain

she should just inquire, what causes me this pain

were she to ask this question, no ache would then remain

نامعلوم

آشنا بے وفا نہیں ہوتا

بے وفا آشنا نہیں ہوتا

میر حسن

اب نہیں ملیں گے ہم کوچۂ تمنا میں

کوچۂ تمنا میں اب نہیں ملیں گے ہم

جون ایلیا

بات بھی کیجیے دیکھ بھی لیجیے

دیکھ بھی لیجیے بات بھی کیجیے

علی زریون

محبت میں شکایت کر رہا ہوں

شکایت میں محبت کر رہا ہوں

تری پراری

دل صاف ہو کس طرح کہ انصاف نہیں ہے

انصاف ہو کس طرح کہ دل صاف نہیں ہے

مرزا سلامت علی دبیر

زندگی ہم سے چاہتی کیا ہے

چاہتی کیا ہے زندگی ہم سے

اجمل سراج

کیا ہوئے صورت نگاراں خواب کے

خواب کے صورت نگاراں کیا ہوئے

جون ایلیا

کر برا تو بھلا نہیں ہوتا

کر بھلا تو برا نہیں ہوتا

ابن مفتی

اچھا اچھا ہو جائے گا سب کچھ اچھا

اچھا اچھا سب کچھ اچھا ہو جائے گا

عمران شمشاد

نوح بیٹھے ہیں چارپائی پر

چارپائی پہ نوح بیٹھے ہیں

نوح ناروی

کون آتا ہے اس خرابے میں

اس خرابے میں کون آتا ہے

اجمل سراج

ایک بار پھر سلام دور جانے والوں کو

دور جانے والوں کو ایک بار پھر سلام

عمران شمشاد

رہ گیا دل میں اک درد سا

دل میں اک درد سا رہ گیا

اجمل سراج

ہم بہکتے ہوئے آتے ہیں ترے دروازے

تیرے دروازے بہکتے ہوئے آتے ہیں ہم

احمد عطا

محبت تو مت کر دل اس بے وفا سے

دل اس بے وفا سے محبت تو مت کر

تاباں عبد الحی

ٹھہر گیا ہے دل کا جانا

دل کا جانا ٹھہر گیا ہے

اجمل سراج

خواب کا کیا ہے رات کے نقش و نگار بناؤ

رات کے نقش و نگار بناؤ خواب کا کیا ہے

دانیال طریر

تقدیر بدل دو مری حر جیسا بنا دو

حر جیسا بنا دو مری تقدیر بدل دو

زوار قمری

لوٹنا چاہیے زندگی کی طرف

زندگی کی طرف لوٹنا چاہیے

عمران شمشاد

بڑا آزار جاں ہے وہ اگرچہ مہرباں ہے وہ

اگرچہ مہرباں ہے وہ بڑا آزار جاں ہے وہ

انیس انصاری

بھروا دینا مرے کاسے کو

مرے کاسے کو بھروا دینا

حماد نیازی

متعلقہ موضوعات