بچپن کی شاعری

میرا بچپن بھی ساتھ لے آیا

گاؤں سے جب بھی آ گیا کوئی

ہم تو بچپن میں بھی اکیلے تھے

صرف دل کی گلی میں کھیلے تھے

بچپن میں ہم ہی تھے یا تھا اور کوئی

وحشت سی ہونے لگتی ہے یادوں سے

کئی ستاروں کو میں جانتا ہوں بچپن سے

کہیں بھی جاؤں مرے ساتھ ساتھ چلتے ہیں

میں نے بچپن میں ادھورا خواب دیکھا تھا کوئی

آج تک مصروف ہوں اس خواب کی تکمیل میں

بچپن کتنا پیارا تھا جب دل کو یقیں آ جاتا تھا

مرتے ہیں تو بن جاتے ہیں آسمان کے تارے لوگ

ان سے وابستہ ہے مرا بچپن

میں کھلونوں کی قدر کرتا ہوں

بچپن میں آکاش کو چھوتا سا لگتا تھا

اس پیپل کی شاخیں اب کتنی نیچی ہیں

مری میلی ہتھیلی پر تو بچپن سے

غریبی کا کھرا سونا چمکتا ہے

میں نے بچپن کی خوشبوئے نازک

ایک تتلی کے سنگ اڑائی تھی