بیسٹ بریک اپ شاعری

دل ابھی پوری طرح ٹوٹا نہیں

دوستوں کی مہربانی چاہئے

دل جو ٹوٹا ہے تو پھر یاد نہیں ہے کوئی

اس خرابے میں اب آباد نہیں ہے کوئی

ایک رشتہ بھی محبت کا اگر ٹوٹ گیا

دیکھتے دیکھتے شیرازہ بکھر جاتا ہے

دوست نے دل کو توڑ کے نقش وفا مٹا دیا

سمجھے تھے ہم جسے خلیل کعبہ اسی نے ڈھا دیا

دل جو ٹوٹے گا تو اک طرفہ چراغاں ہوگا

کتنے آئینوں میں وہ شکل دکھائی دے گی

دل توڑ دیا تم نے میرا اب جوڑ چکے تم ٹوٹے کو

وہ کام نہایت آساں تھا یہ کام بلا کا مشکل ہے

دل توڑنے والے کو خبر ہو کہ ابھی میں

سر تا بہ قدم اک دل بیمار نہیں ہوں

دل ڈوب گیا ٹوٹ گیا صبر کا لنگر

ہو کشتیٔ تن کیوں نہ پریشان تلاطم

ہم جو ٹوٹے ہیں بتا ہار بھلا کس کی ہوئی

زندگی تیری اٹھائی ہوئی سوگند تھے ہم

دل ایسا مکاں ہے جو اگر ٹوٹ گیا تو

لگ جائیں گی صدیاں نئی تعمیر میں لکھ دے