Best Dar Shayari
darvāza khulā hai ki koī lauT na jaa.e
aur us ke liye jo kabhī aayā na gayā ho
darwaza khula hai ki koi lauT na jae
aur us ke liye jo kabhi aaya na gaya ho
-
Tags : Famous shayariand 1 more
darvāza jo kholā to nazar aa.e khaḌe vo
hairat hai mujhe aaj kidhar bhuul paḌe vo
darwaza jo khola to nazar aae khaDe wo
hairat hai mujhe aaj kidhar bhul paDe wo
bas ik pukār pe darvāza khol dete haiñ
zarā sā sabr bhī in āñsuoñ se hotā nahīñ
bas ek pukar pe darwaza khol dete hain
zara sa sabr bhi in aansuon se hota nahin
tumhāre ghar meñ darvāza hai lekin tumheñ ḳhatre kā andāza nahīñ hai
hameñ ḳhatre kā andāza hai lekin hamāre ghar meñ darvāza nahīñ hai
tumhaare ghar mein darwaza hai lekin tumhein KHatre ka andaza nahin hai
hamein KHatre ka andaza hai lekin hamare ghar mein darwaza nahin hai
darvāza band dekh ke mere makān kā
jhoñkā havā kā khiḌkī ke parde hilā gayā
darwaza band dekh ke mere makan ka
jhonka hawa ka khiDki ke parde hila gaya
khol dete haiñ palaT aane pe darvāza-e-dil
aane vaale kā irāda nahīñ dekhā jaatā
khol dete hain palaT aane pe darwaza-e-dil
aane wale ka irada nahin dekha jata
darvāza koī ghar se nikalne ke liye de
be-ḳhauf koī rāsta chalne ke liye de
darwaza koi ghar se nikalne ke liye de
be-KHauf koi rasta chalne ke liye de
us ne jab darvāza mujh par band kiyā
mujh par us kī mahfil ke ādāb khule
us ne jab darwaza mujh par band kiya
mujh par us ki mahfil ke aadab khule
ḳhvāb kā darvāza kui masdūd kar detā hai roz
paḌte haiñ rātoñ ko yaañ aise hī patthar ḳhvāb meñ
KHwab ka darwaza kui masdud kar deta hai roz
paDte hain raaton ko yan aise hi patthar KHwab mein