بیسٹ شام شاعری

شام بھی تھی دھواں دھواں حسن بھی تھا اداس اداس

دل کو کئی کہانیاں یاد سی آ کے رہ گئیں

شام آئے اور گھر کے لیے دل مچل اٹھے

شام آئے اور دل کے لیے کوئی گھر نہ ہو

آ گئی یاد شام ڈھلتے ہی

بجھ گیا دل چراغ جلتے ہی

شام ڈھلے یہ سوچ کے بیٹھے ہم اپنی تصویر کے پاس

ساری غزلیں بیٹھی ہوں گی اپنے اپنے میر کے پاس

شام ڈھلے اک ویرانی سی ساتھ مرے گھر جاتی ہے

مجھ سے پوچھو اس کی حالت جس کی ماں مر جاتی ہے

شام ہی سے برس رہی ہے رات

رنگ اپنے سنبھال کر رکھنا

شام ڈھلے آہٹ کی کرنیں پھوٹی تھیں

سورج ڈوب کے میرے گھر میں نکلا تھا

اندھیری شام تھی بادل برس نہ پائے تھے

وہ میرے پاس نہ تھا اور میں کھل کے رویا تھا

شام ڈھلتے ہی دل کے آنگن سے

درد کا کارواں گزرتا ہے

شام بھی ہے صبح بھی ہے اور دن بھی رات بھی

ماہ تاباں اب بھی ہے مہر درخشاں اب بھی ہے