Best Evening Shayari
Dusk is something where Day leaves and Night starts. In Urdu poetry this time has been used in numerous ways. Here, we give you a collection of verses which define the different shades of Evening.
shaam bhī thī dhuāñ dhuāñ husn bhī thā udaas udaas
dil ko ka.ī kahāniyāñ yaad sī aa ke rah ga.iiñ
sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain
-
Tags : Diland 5 more
shaam aa.e aur ghar ke liye dil machal uThe
shaam aa.e aur dil ke liye koī ghar na ho
sham aae aur ghar ke liye dil machal uThe
sham aae aur dil ke liye koi ghar na ho
aa ga.ī yaad shaam Dhalte hī
bujh gayā dil charāġh jalte hī
aa gai yaad sham Dhalte hi
bujh gaya dil charagh jalte hi
-
Tag : Yaad
shaam Dhale ik vīrānī sī saath mire ghar jaatī hai
mujh se pūchho us kī hālat jis kī maañ mar jaatī hai
sham Dhale ek virani si sath mere ghar jati hai
mujh se puchho us ki haalat jis ki man mar jati hai
shaam Dhale ye soch ke baiThe ham apnī tasvīr ke paas
saarī ġhazleñ baiThī hoñgī apne apne miir ke paas
sham Dhale ye soch ke baiThe hum apni taswir ke pas
sari ghazlen baiThi hongi apne apne mir ke pas
shaam hī se baras rahī hai raat
rañg apne sambhāl kar rakhnā
sham hi se baras rahi hai raat
rang apne sambhaal kar rakhna
-
Tag : Shaam
shaam Dhale aahaT kī kirneñ phūTī thiiñ
sūraj Duub ke mere ghar meñ niklā thā
sham Dhale aahaT ki kirnen phuTi thin
suraj Dub ke mere ghar mein nikla tha
-
Tag : Aahat
añdherī shaam thī bādal baras na paa.e the
vo mere paas na thā aur maiñ khul ke royā thā
andheri sham thi baadal baras na pae the
wo mere pas na tha aur main khul ke roya tha
shaam Dhalte hī dil ke āñgan se
dard kā kārvāñ guzartā hai
sham Dhalte hi dil ke aangan se
dard ka karwan guzarta hai
shaam bhī hai sub.h bhī hai aur din bhī raat bhī
māh-e-tābāñ ab bhī hai mahr-e-daraḳhshāñ ab bhī hai
sham bhi hai subh bhi hai aur din bhi raat bhi
mah-e-taban ab bhi hai mahr-e-daraKHshan ab bhi hai