Best Jaam Shayari

ġhair leñ mahfil meñ bose jaam ke

ham raheñ yuuñ tishna-lab paiġhām ke

ghair len mahfil mein bose jam ke

hum rahen yun tishna-lab paigham ke

aisī qismat kahāñ ki jaam aatā

bū-e-mai bhī idhar nahīñ aa.ī

aisi qismat kahan ki jam aata

bu-e-mai bhi idhar nahin aai

bhar bhar ke jaam bazm meñ chhalkā.e jaate haiñ

ham un meñ haiñ jo duur se tarsā.e jaate haiñ

bhar bhar ke jam bazm mein chhalkae jate hain

hum un mein hain jo dur se tarsae jate hain

jām-e-ishq pī chuke zindagī bhī jī chuke

ab 'hilāl' ghar chalo ab to shaam ho ga.ī

jam-e-ishq pi chuke zindagi bhi ji chuke

ab 'hilal' ghar chalo ab to sham ho gai

jām-e-aqīq zard hai nargis ke haath meñ

taqsīm kar rahā hai mai-e-arġhavāñ basant

jam-e-aqiq zard hai nargis ke hath mein

taqsim kar raha hai mai-e-arghawan basant

jaam le kar mujh se vo kahtā hai apne muñh ko pher

rū-ba-rū yuuñ tere mai piine se sharmāte haiñ ham

jam le kar mujh se wo kahta hai apne munh ko pher

ru-ba-ru yun tere mai pine se sharmate hain hum

ham jām-e-mai ke bhī lab-e-tar chūste nahīñ

chaskā paḌā huā hai tumhārī zabān kā

hum jam-e-mai ke bhi lab-e-tar chuste nahin

chaska paDa hua hai tumhaari zaban ka

ek naġhma ik taarā ek ġhuncha ek jaam

ai ġham-e-daurāñ ġham-e-daurāñ tujhe merā salām

ek naghma ek tara ek ghuncha ek jam

ai gham-e-dauran gham-e-dauran tujhe mera salam

jām-e-sharāb ab to mire sāmne na rakh

āñkhoñ meñ nuur haath meñ jumbish kahāñ hai ab

jam-e-sharab ab to mere samne na rakh

aankhon mein nur hath mein jumbish kahan hai ab

bāda-o-jām ke rahe hī nahīñ

ham kisī kaam ke rahe hī nahīñ

baada-o-jam ke rahe hi nahin

hum kisi kaam ke rahe hi nahin

jaam hai tauba-shikan tauba mirī jām-shikan

sāmne Dher haiñ TuuTe hue paimānoñ ke

jam hai tauba-shikan tauba meri jam-shikan

samne Dher hain TuTe hue paimanon ke