بیسٹ جام شاعری

جام ہے توبہ شکن توبہ مری جام شکن

سامنے ڈھیر ہیں ٹوٹے ہوئے پیمانوں کے

جام لے کر مجھ سے وہ کہتا ہے اپنے منہ کو پھیر

رو بہ رو یوں تیرے مے پینے سے شرماتے ہیں ہم

بھر بھر کے جام بزم میں چھلکائے جاتے ہیں

ہم ان میں ہیں جو دور سے ترسائے جاتے ہیں

ایسی قسمت کہاں کہ جام آتا

بوئے مے بھی ادھر نہیں آئی

غیر لیں محفل میں بوسے جام کے

ہم رہیں یوں تشنہ لب پیغام کے

ایک نغمہ اک تارا ایک غنچہ ایک جام

اے غم دوراں غم دوراں تجھے میرا سلام

جام عشق پی چکے زندگی بھی جی چکے

اب ہلالؔ گھر چلو اب تو شام ہو گئی

ہم جام مے کے بھی لب تر چوستے نہیں

چسکا پڑا ہوا ہے تمہاری زبان کا

بادہ و جام کے رہے ہی نہیں

ہم کسی کام کے رہے ہی نہیں

جام شراب اب تو مرے سامنے نہ رکھ

آنکھوں میں نور ہاتھ میں جنبش کہاں ہے اب

جام عقیق زرد ہے نرگس کے ہاتھ میں

تقسیم کر رہا ہے مے ارغواں بسنت