بیسٹ جان شاعری

عجب تیری ہے اے محبوب صورت

نظر سے گر گئے سب خوب صورت

مجھ کو معلوم ہے محبوب پرستی کا عذاب

دیر سے چاند نکلنا بھی غلط لگتا ہے

کیا ستم ہے کہ وہ ظالم بھی ہے محبوب بھی ہے

یاد کرتے نہ بنے اور بھلائے نہ بنے

مرتا ہے جو محبوب کی ٹھوکر پہ نظیرؔ آہ

پھر اس کو کبھی اور کوئی لت نہیں لگتی

گلابوں کے نشیمن سے مرے محبوب کے سر تک

سفر لمبا تھا خوشبو کا مگر آ ہی گئی گھر تک

ہمارے دل کی حالت گیسوئے محبوب جانے ہے

پریشاں کی پریشانی پریشاں خوب جانے ہے

کوئی سمجھائیو یارو مرا محبوب جاتا ہے

مرا مقصود جاتا ہے مرا مطلوب جاتا ہے

تو ہی وہ پھول ہے جو ہے محبوب

پتے پتے کا ڈالی ڈالی کا

کتنے محبوب گھروں سے گئے کس کو معلوم

واپس آئے ہیں جو اپنوں میں خبر کی صورت

کسی محبوب گندم گوں کی الفت میں گزرتے ہیں

دم اپنا جسم سے یا خلد سے آدم نکلتا ہے