Best Shayari for Night

huā hai shah kā musāhib phire hai itrātā

vagarna shahr meñ 'ġhālib' kī aabrū kyā hai

hua hai shah ka musahib phire hai itraata

wagarna shahr mein 'ghaalib' ki aabru kya hai

aaj kī raat divālī hai diye raushan haiñ

aaj kī raat ye lagtā hai maiñ so saktā huuñ

aaj ki raat diwali hai diye raushan hain

aaj ki raat ye lagta hai main so sakta hun

din ek sitam ek sitam raat karo ho

vo dost ho dushman ko bhī tum maat karo ho

din ek sitam ek sitam raat karo ho

wo dost ho dushman ko bhi tum mat karo ho

añgḌā.ī par añgḌā.ī letī hai raat judā.ī kī

tum kyā samjho tum kyā jaano baat mirī tanhā.ī kī

angDai par angDai leti hai raat judai ki

tum kya samjho tum kya jaano baat meri tanhai ki

din salīqe se ugā raat Thikāne se rahī

dostī apnī bhī kuchh roz zamāne se rahī

din saliqe se uga raat Thikane se rahi

dosti apni bhi kuchh roz zamane se rahi

aaj āñkhoñ meñ koī raat ga.e aa.egā

aaj kī raat ye darvāza khulā rahne de

aaj aankhon mein koi raat gae aaega

aaj ki raat ye darwaza khula rahne de

aa mire chāñd raat suunī hai

baat bantī nahīñ sitāroñ se

aa mere chand raat suni hai

baat banti nahin sitaron se

din nahīñ raat nahīñ sub.h nahīñ shaam nahīñ

rah ga.ī ek nahīñ haañ kā kahīñ naam nahīñ

din nahin raat nahin subh nahin sham nahin

rah gai ek nahin han ka kahin nam nahin

aañkh lagtī nahīñ 'jur.at' mirī ab saarī raat

aañkh lagte hī ye kaisā mujhe āzār lagā

aankh lagti nahin 'jurat' meri ab sari raat

aankh lagte hi ye kaisa mujhe aazar laga

ik dā.imī sukūñ kī tamannā hai raat din

tañg aa ga.e haiñ gardish-e-shām-o-sahar se ham

ek daimi sukun ki tamanna hai raat din

tang aa gae hain gardish-e-sham-o-sahar se hum

añdherī raat kī parchhā.iyoñ meñ Duub gayā

sahar kī khoj meñ jo bhī ufuq ke paar gayā

andheri raat ki parchhaiyon mein Dub gaya

sahar ki khoj mein jo bhi ufuq ke par gaya

ik raat hai phailī huī sadiyoñ par

har lamha añdheroñ ke asar meñ hai

ek raat hai phaili hui sadiyon par

har lamha andheron ke asar mein hai