رات پر کی گئی شاعری

ہوا ہے شہ کا مصاحب پھرے ہے اتراتا

وگرنہ شہر میں غالبؔ کی آبرو کیا ہے

آج کی رات دوالی ہے دیے روشن ہیں

آج کی رات یہ لگتا ہے میں سو سکتا ہوں

دن ایک ستم ایک ستم رات کرو ہو

وہ دوست ہو دشمن کو بھی تم مات کرو ہو

انگڑائی پر انگڑائی لیتی ہے رات جدائی کی

تم کیا سمجھو تم کیا جانو بات مری تنہائی کی

دن سلیقے سے اگا رات ٹھکانے سے رہی

دوستی اپنی بھی کچھ روز زمانے سے رہی

آج آنکھوں میں کوئی رات گئے آئے گا

آج کی رات یہ دروازہ کھلا رہنے دے

آ مرے چاند رات سونی ہے

بات بنتی نہیں ستاروں سے

دن نہیں رات نہیں صبح نہیں شام نہیں

رہ گئی ایک نہیں ہاں کا کہیں نام نہیں

آنکھ لگتی نہیں جرأتؔ مری اب ساری رات

آنکھ لگتے ہی یہ کیسا مجھے آزار لگا

اک رات ہے پھیلی ہوئی صدیوں پر

ہر لمحہ اندھیروں کے اثر میں ہے

اک دائمی سکوں کی تمنا ہے رات دن

تنگ آ گئے ہیں گردش شام و سحر سے ہم

اندھیری رات کی پرچھائیوں میں ڈوب گیا

سحر کی کھوج میں جو بھی افق کے پار گیا