Top 10 couplets of Fatima Hasan
Noted female poet from Pakistan who portraits the women-centric issues
kyā kahūñ us se ki jo baat samajhtā hī nahīñ
vo to milne ko mulāqāt samajhtā hī nahīñ
kya kahun us se ki jo baat samajhta hi nahin
wo to milne ko mulaqat samajhta hi nahin
-
Tag : Mulaqat
sukūn-e-dil ke liye ishq to bahāna thā
vagarna thak ke kahīñ to Thahar hī jaanā thā
sukun-e-dil ke liye ishq to bahana tha
wagarna thak ke kahin to Thahar hi jaana tha
-
Tags : Diland 2 more
maiñ ne maañ kā libās jab pahnā
mujh ko titlī ne apne rañg diye
main ne man ka libas jab pahna
mujh ko titli ne apne rang diye
-
Tag : Mother
ulajh ke rah ga.e chehre mirī nigāhoñ meñ
kuchh itnī tezī se badle the un kī baat ke rañg
ulajh ke rah gae chehre meri nigahon mein
kuchh itni tezi se badle the un ki baat ke rang
dikhā.ī detā hai jo kuchh kahīñ vo ḳhvāb na ho
jo sun rahī huuñ vo dhokā na ho samā.at kā
dikhai deta hai jo kuchh kahin wo KHwab na ho
jo sun rahi hun wo dhoka na ho samaat ka
-
Tags : Dhokaand 1 more
bahut gahrī hai us kī ḳhāmushī bhī
maiñ apne qad ko chhoTā pā rahī huuñ
bahut gahri hai us ki KHamushi bhi
main apne qad ko chhoTa pa rahi hun
-
Tag : Khamoshi
bichhaḌ rahā thā magar muḌ ke dekhtā bhī rahā
maiñ muskurātī rahī maiñ ne bhī kamāl kiyā
bichhaD raha tha magar muD ke dekhta bhi raha
main muskuraati rahi main ne bhi kamal kiya
us ke piyāle meñ zahr hai ki sharāb
kaise ma.alūm ho baġhair piye
us ke piyale mein zahr hai ki sharab
kaise malum ho baghair piye
aur koī nahīñ hai us ke sivā
sukh diye dukh diye usī ne diye
aur koi nahin hai us ke siwa
sukh diye dukh diye usi ne diye
kab us kī fat.h kī ḳhvāhish ko jiit saktī thī
maiñ vo farīq huuñ jis ko ki haar jaanā thā
kab us ki fath ki KHwahish ko jit sakti thi
main wo fariq hun jis ko ki haar jaana tha