Top 10 couplets of Jurat Qalandar Bakhsh
Known for depicting romantic encounters with the beloved in lurid details. Lost his eye sight in the prime of youth
ilāhī kyā ilāqa hai vo jab letā hai añgḌā.ī
mire siine meñ sab zaḳhmoñ ke Tāñke TuuT jaate haiñ
ilahi kya ilaqa hai wo jab leta hai angDai
mere sine mein sab zaKHmon ke Tanke TuT jate hain
mil ga.e the ek baar us ke jo mere lab se lab
umr bhar hoñToñ pe apne maiñ zabāñ pherā kiye
mil gae the ek bar us ke jo mere lab se lab
umr bhar honTon pe apne main zaban phera kiye
-
Tag : Kiss
us zulf pe phabtī shab-e-dījūr kī sūjhī
andhe ko añdhere meñ baḌī duur kī sūjhī
us zulf pe phabti shab-e-dijur ki sujhi
andhe ko andhere mein baDi dur ki sujhi
dil-e-vahshī ko ḳhvāhish hai tumhāre dar pe aane kī
divānā hai va-lekin baat kartā hai Thikāne kī
dil-e-wahshi ko KHwahish hai tumhaare dar pe aane ki
diwana hai wa-lekin baat karta hai Thikane ki
ġham mujhe nā-tavān rakhtā hai
ishq bhī ik nishān rakhtā hai
gham mujhe na-tawan rakhta hai
ishq bhi ek nishan rakhta hai
us shaḳhs ne kal hātoñ hī hātoñ meñ falak par
sau baar chaḌhāyā mujhe sau baar utārā
us shaKHs ne kal haton hi haton mein falak par
sau bar chaDhaya mujhe sau bar utara
kyā kyā kiyā hai kūcha-ba-kūcha mujhe ḳharāb
ḳhāna ḳharāb ho dil-e-ḳhāna-ḳharāb kā
kya kya kiya hai kucha-ba-kucha mujhe KHarab
KHana KHarab ho dil-e-KHana-KHarab ka
ḳhūbān-e-jahāñ kī hai tire husn se ḳhūbī
tū ḳhuub na hotā to koī ḳhuub na hotā
KHuban-e-jahan ki hai tere husn se KHubi
tu KHub na hota to koi KHub na hota
kahiye kyūñkar na use bādshah-e-kishvar-e-husn
ki jahāñ jā ke vo baiThā vahīñ darbār lagā
kahiye kyunkar na use baadshah-e-kishwar-e-husn
ki jahan ja ke wo baiTha wahin darbar laga
khaa.e so pachhtā.e aur pachhtā.e vo bhī jo na khaa.e
ye ġham-e-ishq-e-butāñ laDDū hai goyā bor kā
khae so pachhtae aur pachhtae wo bhi jo na khae
ye gham-e-ishq-e-butan laDDu hai goya bor ka