میر مہدی مجروح کے 10 منتخب شعر

چرا کے مٹھی میں دل کو چھپائے بیٹھے ہیں

بہانا یہ ہے کہ مہندی لگائے بیٹھے ہیں

کیا ہماری نماز کیا روزہ

بخش دینے کے سو بہانے ہیں

غیروں کو بھلا سمجھے اور مجھ کو برا جانا

سمجھے بھی تو کیا سمجھے جانا بھی تو کیا جانا

شغل الفت کو جو احباب برا کہتے ہیں

کچھ سمجھ میں نہیں آتا کہ یہ کیا کہتے ہیں

یہ جو چپکے سے آئے بیٹھے ہیں

لاکھ فتنے اٹھائے بیٹھے ہیں

جان انساں کی لینے والوں میں

ایک ہے موت دوسرا ہے عشق

اپنی کشتی کا ہے خدا حافظ

پیچھے طوفاں ہے سامنے گرداب

ہزاروں گھر ہوئے ہیں اس سے ویراں

رہے آباد سرکار محبت

یہ کیا کہ ہمیں مرتے رہیں لطف تو جب ہے

تاثیر محبت جو ادھر ہو تو ادھر بھی

زاہد پیالہ تھام جھجھکتا ہے کس لیے

اس مفت کی شراب کے پینے سے ڈر نہیں