ab ke 'vaqār' aise bichhḌe haiñ

milne kā imkān nahīñ hai

ab ke 'waqar' aise bichhDe hain

milne ka imkan nahin hai

hamārī zindagī kahne kī had tak zindagī hai bas

ye shīrāza bhī dekhā jaa.e to barham hai barsoñ se

hamari zindagi kahne ki had tak zindagi hai bas

ye shiraaza bhi dekha jae to barham hai barson se

har ġham sahnā aur ḳhush rahnā

mushkil hai āsān nahīñ hai

har gham sahna aur KHush rahna

mushkil hai aasan nahin hai

maiñ zindagī ko liye phir rahā huuñ kab se 'vaqār'

ye bojh ab mire sar se utarnā chāhtā hai

main zindagi ko liye phir raha hun kab se 'waqar'

ye bojh ab mere sar se utarna chahta hai

salīqa bolne kā ho to bolo

nahīñ to chup bhalī hai lab na kholo

saliqa bolne ka ho to bolo

nahin to chup bhali hai lab na kholo