go havā-e-gulsitāñ ne mire dil kī laaj rakh lī

vo naqāb ḳhud uThāte to kuchh aur baat hotī

go hawa-e-gulsitan ne mere dil ki laj rakh li

wo naqab KHud uThate to kuchh aur baat hoti

goyā tumhārī yaad hī merā ilaaj hai

hotā hai pahroñ zikr tumhārā tabīb se

goya tumhaari yaad hi mera ilaj hai

hota hai pahron zikr tumhaara tabib se

hashr meñ insāf hogā bas yahī sunte raho

kuchh yahāñ hotā rahā hai kuchh vahāñ ho jā.egā

hashr mein insaf hoga bas yahi sunte raho

kuchh yahan hota raha hai kuchh wahan ho jaega

nik.hat-e-sāġhar-e-gul ban ke uḌā jaatā huuñ

liye jaatā hai kahāñ bāda-e-sar-josh mujhe

nikhat-e-saghar-e-gul ban ke uDa jata hun

liye jata hai kahan baada-e-sar-josh mujhe

tum aur fareb khaao bayān-e-raqīb se

tum se to kam gila hai ziyāda nasīb se

tum aur fareb khao bayan-e-raqib se

tum se to kam gila hai ziyaada nasib se