nayā saal dīvār par Taañg de

purāne baras kā calendar girā

naya sal diwar par Tang de

purane baras ka calendar gira

ab na 'ġhālib' se shikāyat hai na shikva 'mīr' kā

ban gayā maiñ bhī nishāna reḳhta ke tiir kā

ab na 'ghaalib' se shikayat hai na shikwa 'mir' ka

ban gaya main bhi nishana reKHta ke tir ka

din bhar bachchoñ ne mil kar patthar pheñke phal toḌe

sāñjh huī to panchhī mil kar rone lage daraḳhtoñ par

din bhar bachchon ne mil kar patthar phenke phal toDe

sanjh hui to panchhi mil kar rone lage daraKHton par

kamre meñ maze kī raushnī ho

achchhī sī koī kitāb dekhūñ

kamre mein maze ki raushni ho

achchhi si koi kitab dekhun

raat paḌe ghar jaanā hai

sub.h talak mar jaanā hai

raat paDe ghar jaana hai

subh talak mar jaana hai

laḌkī achchhī hai 'alvī'

naam us kā mar jaanā hai

laDki achchhi hai 'alwi'

nam us ka mar jaana hai

us se mile zamāna huā lekin aaj bhī

dil se duā nikaltī hai ḳhush ho jahāñ bhī ho

us se mile zamana hua lekin aaj bhi

dil se dua nikalti hai KHush ho jahan bhi ho

roz achchhe nahīñ lagte aañsū

ḳhaas mauqoñ pe mazā dete haiñ

roz achchhe nahin lagte aansu

KHas mauqon pe maza dete hain

haa.e vo log jo dekhe bhī nahīñ

yaad aa.eñ to rulā dete haiñ

hae wo log jo dekhe bhi nahin

yaad aaen to rula dete hain

aag apne hī lagā sakte haiñ

ġhair to sirf havā dete haiñ

aag apne hi laga sakte hain

ghair to sirf hawa dete hain

bas ke nīche koī nahīñ aatā phir bhī

bas meñ baiTh ke behad ghabrātā huuñ maiñ

bas ke niche koi nahin aata phir bhi

bas mein baiTh ke behad ghabraata hun main

office meñ bhī ghar ko khulā paatā huuñ maiñ

Table par sar rakh kar so jaatā huuñ maiñ

office mein bhi ghar ko khula pata hun main

Table par sar rakh kar so jata hun main

gaaḌī aatī hai lekin aatī hī nahīñ

rail kī paTrī dekh ke thak jaatā huuñ maiñ

gaDi aati hai lekin aati hi nahin

rail ki paTri dekh ke thak jata hun main

marne ke Dar se aur kahāñ tak jiyegā tū

jiine ke din tamām hue intiqāl kar

marne ke Dar se aur kahan tak jiyega tu

jine ke din tamam hue intiqal kar

dekhā to sab ke sar pe gunāhoñ kā bojh thā

ḳhush the tamām nekiyāñ dariyā meñ Daal kar

dekha to sab ke sar pe gunahon ka bojh tha

KHush the tamam nekiyan dariya mein Dal kar

ik yaad rah ga.ī hai magar vo bhī kam nahīñ

ik dard rah gayā hai so rakhnā sambhāl kar

ek yaad rah gai hai magar wo bhi kam nahin

ek dard rah gaya hai so rakhna sambhaal kar

lambī saḌak pe duur talak koī bhī na thā

palkeñ jhapak rahā thā darīcha khulā huā

lambi saDak pe dur talak koi bhi na tha

palken jhapak raha tha daricha khula hua

din Dhal rahā thā jab use dafnā ke aa.e the

sūraj bhī thā malūl zamīñ par jhukā huā

din Dhal raha tha jab use dafna ke aae the

suraj bhi tha malul zamin par jhuka hua

maanā ki tū zahīn bhī hai ḳhūb-rū bhī hai

tujh sā na maiñ huā to bhalā kyā burā huā

mana ki tu zahin bhi hai KHub-ru bhi hai

tujh sa na main hua to bhala kya bura hua

nazroñ se nāptā hai samundar kī vus.ateñ

sāhil pe ik shaḳhs akelā khaḌā huā

nazron se napta hai samundar ki wusaten

sahil pe ek shaKHs akela khaDa hua

ġham bahut din muft kī khātā rahā

ab use dil se nikālā chāhiye

gham bahut din muft ki khata raha

ab use dil se nikala chahiye

maiñ us ke badan kī muqaddas kitāb

nihāyat aqīdat se paḌhtā rahā

main us ke badan ki muqaddas kitab

nihayat aqidat se paDhta raha

añdherī rātoñ meñ dekh lenā

dikhā.ī degī badan kī ḳhushbū

andheri raaton mein dekh lena

dikhai degi badan ki KHushbu

yaar aaj maiñ ne bhī ik kamāl karnā hai

jism se nikalnā hai jī bahāl karnā hai

yar aaj main ne bhi ek kamal karna hai

jism se nikalna hai ji bahaal karna hai

is bharī duniyā se vo chal diyā chupke se yuuñ

jaise kisī ko bhī ab us kī zarūrat na thī

is bhari duniya se wo chal diya chupke se yun

jaise kisi ko bhi ab us ki zarurat na thi

darvāze par pahra dene

tanhā.ī kā bhuut khaḌā hai

darwaze par pahra dene

tanhai ka bhut khaDa hai

ghar meñ kyā aayā ki mujh ko

dīvāroñ ne gher liyā hai

ghar mein kya aaya ki mujh ko

diwaron ne gher liya hai

maiñ nāhaq din kaaT rahā huuñ

kaun yahāñ sau saal jiyā hai

main nahaq din kaT raha hun

kaun yahan sau sal jiya hai

sub.h se khod rahā huuñ ghar ko

ḳhvāb dekhā hai ḳhazāne vaalā

subh se khod raha hun ghar ko

KHwab dekha hai KHazane wala

mutma.in hai vo banā kar duniyā

kaun hotā huuñ maiñ Dhāne vaalā

mutmain hai wo bana kar duniya

kaun hota hun main Dhane wala

rāt-bhar sochā kiye aur sub.h-dam aḳhbār meñ

apne hāthoñ apne marne kī ḳhabar dekhā kiye

raat-bhar socha kiye aur subh-dam aKHbar mein

apne hathon apne marne ki KHabar dekha kiye

galī meñ koī ghar achchhā nahīñ thā

magar kuchh khiḌkiyāñ achchhī lagī haiñ

gali mein koi ghar achchha nahin tha

magar kuchh khiDkiyan achchhi lagi hain

nahā kar bhīge bāloñ ko sukhātī

chhatoñ par laḌkiyāñ achchhī lagī haiñ

naha kar bhige baalon ko sukhati

chhaton par laDkiyan achchhi lagi hain

bichhaḌte vaqt aisā bhī huā hai

kisī kī siskiyāñ achchhī lagī haiñ

bichhaDte waqt aisa bhi hua hai

kisi ki siskiyan achchhi lagi hain

achchhe din kab ā.eñge

kyā yuuñ hī mar jā.eñge

achchhe din kab aaenge

kya yun hi mar jaenge

maut na aa.ī to 'alvī'

chhuTTī meñ ghar jā.eñge

maut na aai to 'alwi'

chhuTTi mein ghar jaenge

ab to chup-chāp shaam aatī hai

pahle chiḌiyoñ ke shor hote the

ab to chup-chap sham aati hai

pahle chiDiyon ke shor hote the

ye kahāñ dostoñ meñ aa baiThe

ham to marne ko ghar se nikle the

ye kahan doston mein aa baiThe

hum to marne ko ghar se nikle the

muñh-zabānī qur.ān paḌhte the

pahle bachche bhī kitne būḌhe the

munh-zabani quran paDhte the

pahle bachche bhi kitne buDhe the

use maiñ ne bhī kal dekhā thā 'alvī'

na.e kapḌe pahan ke jā rahā thā

use main ne bhi kal dekha tha 'alwi'

nae kapDe pahan ke ja raha tha

kisī se koī ta.alluq rahā na ho jaise

kuchh is tarah se guzarte hue zamāne the

kisi se koi talluq raha na ho jaise

kuchh is tarah se guzarte hue zamane the

parinde duur fazāoñ meñ kho ga.e 'alvī'

ujaaḌ ujaaḌ daraḳhtoñ pe āshiyāne the

parinde dur fazaon mein kho gae 'alwi'

ujaD ujaD daraKHton pe aashiyane the

kabhī to aisā bhī ho raah bhuul jā.ūñ maiñ

nikal ke ghar se na phir apne ghar meñ aa.uuñ maiñ

kabhi to aisa bhi ho rah bhul jaun main

nikal ke ghar se na phir apne ghar mein aaun main

ġhazal kahī hai koī bhāñg to nahīñ pī hai

mushā.ire meñ tarannum se kyuuñ sunā.ūñ maiñ

ghazal kahi hai koi bhang to nahin pi hai

mushaire mein tarannum se kyun sunaun main

bikher de mujhe chāroñ taraf ḳhalāoñ meñ

kuchh is tarah se alag kar ki juḌ na pā.ūñ maiñ

bikher de mujhe chaaron taraf KHalaon mein

kuchh is tarah se alag kar ki juD na paun main

gavāhī detā vahī merī be-gunāhī kī

vo mar gayā to use ab kahāñ se lā.ūñ maiñ

gawahi deta wahi meri be-gunahi ki

wo mar gaya to use ab kahan se laun main

bahut ḳhush hue ā.īna dekh kar

yahāñ koī saanī hamārā na thā

bahut KHush hue aaina dekh kar

yahan koi sani hamara na tha

sāmne dīvār par kuchh daaġh the

ġhaur se dekhā to chehre ho ga.e

samne diwar par kuchh dagh the

ghaur se dekha to chehre ho gae

ab kisī kī yaad bhī aatī nahīñ

dil pe ab fikroñ ke pahre ho ga.e

ab kisi ki yaad bhi aati nahin

dil pe ab fikron ke pahre ho gae

sab namāzeñ bāñdh kar le jā.ūñgā maiñ apne saath

aur masjid ke liye gūñgī azaañ rakh jā.ūñgā

sab namazen bandh kar le jaunga main apne sath

aur masjid ke liye gungi azan rakh jaunga