Today's top 5 Urdu Shayari

jaane kyuuñ log mirā naam paḌhā karte haiñ

maiñ ne chehre pe tire yuuñ to likhā kuchh bhī nahīñ

jaane kyun log mera nam paDha karte hain

main ne chehre pe tere yun to likha kuchh bhi nahin

ham tum meñ kal duurī bhī ho saktī hai

vaj.h koī majbūrī bhī ho saktī hai

hum tum mein kal duri bhi ho sakti hai

wajh koi majburi bhi ho sakti hai

ek aañsū ne Duboyā mujh ko un kī bazm meñ

buuñd bhar paanī se saarī aabrū paanī huī

ek aansu ne Duboya mujh ko un ki bazm mein

bund bhar pani se sari aabru pani hui

in añdheroñ se pare is shab-e-ġham se aage

ik na.ī sub.h bhī hai shām-e-alam se aage

in andheron se pare is shab-e-gham se aage

ek nai subh bhi hai sham-e-alam se aage

chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai