Today's top 5 Urdu Shayari

jab maiñ chalūñ to saaya bhī apnā na saath de

jab tum chalo zamīn chale āsmāñ chale

jab main chalun to saya bhi apna na sath de

jab tum chalo zamin chale aasman chale

rusvā hue zalīl hue dar-ba-dar hue

haq baat lab pe aa.ī to ham be-hunar hue

ruswa hue zalil hue dar-ba-dar hue

haq baat lab pe aai to hum be-hunar hue

ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

muḌ ke dekhā to hameñ chhoḌ ke jaatī thī hayāt

ham ne jaanā thā koī bojh girā hai sar se

muD ke dekha to hamein chhoD ke jati thi hayat

hum ne jaana tha koi bojh gira hai sar se

mire junūñ kā natīja zarūr niklegā

isī siyāh samundar se nuur niklegā

mere junun ka natija zarur niklega

isi siyah samundar se nur niklega