ٹاپ 5 اردو شاعری| ریختہ

محنت کر کے ہم تو آخر بھوکے بھی سو جائیں گے

یا مولا تو برکت رکھنا بچوں کی گڑ دھانی میں

ولاس پنڈت مسافر

صبر کرنا سخت مشکل ہے تڑپنا سہل ہے

اپنے بس کا کام کر لیتا ہوں آساں دیکھ کر

یگانہ چنگیزی

تو رکے یا نہ رکے فیصلہ تجھ پر چھوڑا

دل نے در کھول دیے ہیں تری آسانی کو

سعد اللہ شاہ

کیا اسی کا نام ہے رعنائیٔ بزم حیات

تنگ کمرہ سرد بستر اور تنہا آدمی

چندر بھان خیال

دل ہجر کے درد سے بوجھل ہے اب آن ملو تو بہتر ہو

اس بات سے ہم کو کیا مطلب یہ کیسے ہو یہ کیوں کر ہو

ابن انشا

آج کے منتخب ۵ شعر