Today's top 5 Urdu Shayari

ġharaz ki kaaT diye zindagī ke din ai dost

vo terī yaad meñ hoñ yā tujhe bhulāne meñ

gharaz ki kaT diye zindagi ke din ai dost

wo teri yaad mein hon ya tujhe bhulane mein

maut kī pahlī alāmat sāhib

yahī ehsās kā mar jaanā hai

maut ki pahli alamat sahib

yahi ehsas ka mar jaana hai

judā.iyoñ ke zaḳhm dard-e-zindagī ne bhar diye

tujhe bhī niiñd aa ga.ī mujhe bhī sabr aa gayā

judaiyon ke zaKHm dard-e-zindagi ne bhar diye

tujhe bhi nind aa gai mujhe bhi sabr aa gaya

ek lamhe meñ bikhar jaatā hai tānā-bānā

aur phir umr guzar jaatī hai yakjā.ī meñ

ek lamhe mein bikhar jata hai tana-bana

aur phir umr guzar jati hai yakjai mein

phir yuuñ huā ki mujh se vo yūñhī bichhaḌ gayā

phir yuuñ huā ki ziist ke din yūñhī kaT ga.e

phir yun hua ki mujh se wo yunhi bichhaD gaya

phir yun hua ki zist ke din yunhi kaT gae