dil ke āñgan meñ añdherā hai bahut

chāñd ban kar utar aao to sahī

dil ke aangan mein andhera hai bahut

chand ban kar utar aao to sahi

maiñ apnī zaat meñ gum be-ḳhudī meñ rahtī huuñ

sabā kī tarah koī chheḌe gudgudā.e mujhe

main apni zat mein gum be-KHudi mein rahti hun

saba ki tarah koi chheDe gudgudae mujhe

shahr-dar-shahr bhaTakte hī rahe umr tamām

kyā tire haath kī rekhāoñ meñ ārām nahīñ

shahr-dar-shahr bhaTakte hi rahe umr tamam

kya tere hath ki rekhaon mein aaram nahin

baiThe baiThe yuuñ hī tanhā.ī ke sahrāoñ meñ

dard kī ret pe likhte haiñ tirā naam aksar

baiThe baiThe yun hi tanhai ke sahraon mein

dard ki ret pe likhte hain tera nam aksar

jhiil meñ chāñdnī kā aks-e-jamīl

yā tirī yaad dil se guzrī hai

jhil mein chandni ka aks-e-jamil

ya teri yaad dil se guzri hai