باقر مہدی کی شاعری

سیلاب زندگی کے سہارے بڑھے چلو

ساحل پہ رہنے والوں کا نام و نشاں نہیں

موضوع : ترغیبی

فاصلے ایسے کہ اک عمر میں طے ہو نہ سکیں

قربتیں ایسی کہ خود مجھ میں جنم ہے اس کا

موضوعات : فاصلہ
اور 1 مزید
- محبت

مجھے دشمن سے اپنے عشق سا ہے

میں تنہا آدمی کی دوستی ہوں

موضوعات : دشمن
اور 1 مزید
- دوستی

جانے کیوں ان سے ملتے رہتے ہیں

خوش وہ کیا ہوں گے جب خفا ہی نہیں

موضوع : خفا

آزما لو کہ دل کو چین آئے

یہ نہ کہنا کہیں وفا ہی نہیں

موضوع : وفا

کبھی تو بھول گئے پی کے نام تک ان کا

کبھی وہ یاد جو آئے تو پھر پیا نہ گیا

ہم ملیں یا نہ ملیں پھر بھی کبھی خوابوں میں

مسکراتی ہوئی آئیں گی ہماری باتیں

یہ سوچ کر تری محفل سے ہم چلے آئے

کہ ایک بار تو بڑھ جائے حوصلہ دل کا

اس طرح کچھ بدل گئی ہے زمیں

ہم کو اب خوف آسماں نہ رہا

میرے صنم کدے میں کئی اور بت بھی ہیں

اک میری زندگی کے تمہیں راز داں نہیں

چلے تو جاتے ہو روٹھے ہوئے مگر سن لو

ہر ایک موڑ پہ کوئی تمہیں صدا دے گا

قافلے خود سنبھل سنبھل کے بڑھے

جب کوئی میر کارواں نہ رہا

ایک طوفاں کی طرح کب سے کنارہ کش ہے

پھر بھی باقرؔ مری نظروں میں بھرم ہے اس کا

اس شہر میں ہے کون ہمارا ترے سوا

یہ کیا کہ تو بھی اپنا کبھی ہمنوا نہ ہو

یہ کس جگہ پہ قدم رک گئے ہیں کیا کہیے

کہ منزلوں کے نشاں تک مٹا کے بیٹھے ہیں

ایسی بیگانگی نہیں دیکھی

اب کسی کا کوئی یہاں نہ رہا

کافری عشق کا شیوہ ہے مگر تیرے لیے

اس نئے دور میں ہم پھر سے مسلماں ہوں گے

جانے کن مشکلوں سے جیتے ہیں

کیا کریں کوئی مہرباں نہ رہا

دامن صبر کے ہر تار سے اٹھتا ہے دھواں

اور ہر زخم پہ ہنگامہ اٹھا آج بھی ہے

آئینہ کیا کس کو دکھاتا گلی گلی حیرت بکتی تھی

نقاروں کا شور تھا ہر سو سچے سب اور جھوٹا میں

باقر مہدی

تمام

تعارف

ای-کتاب39

مضمون14

قول19

خاکہ2

شعر20

غزل34

نظم20

آڈیو 20

ویڈیو 1

دیگر

رباعی30

ای-کتاب39

باقر مہدی کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books