rone lage to kaun hameñ chup karā.egā

so is kī ehtiyāt hai ham ro nahīñ rahe

rone lage to kaun hamein chup karaega

so is ki ehtiyat hai hum ro nahin rahe

agar hotā to ḳhud ko phir banātā

magar afsos kūza-gar nahīñ huuñ

agar hota to KHud ko phir banata

magar afsos kuza-gar nahin hun

tum ko afsos tumheñ Thiik banāyā na gayā

aur ik ham ki abhī chaak pe rakkhe na ga.e

tum ko afsos tumhein Thik banaya na gaya

aur ek hum ki abhi chaak pe rakkhe na gae

apne āñgan meñ parinde dekh kar

jism kī Tahnī se uḌ jaate haiñ ham

apne aangan mein parinde dekh kar

jism ki Tahni se uD jate hain hum

hosh meñ aate hī ho jaate haiñ chup

aur be-hoshī meñ chillāte haiñ ham

hosh mein aate hi ho jate hain chup

aur be-hoshi mein chillate hain hum

ye gila hai ki hārtā bhī nahīñ

biich meñ khel chhoḌ detā huuñ

ye gila hai ki haarta bhi nahin

bich mein khel chhoD deta hun

is jangal ke peḌoñ se maiñ vāqif huuñ

gir jaate the jis par saayā karte the

is jangal ke peDon se main waqif hun

gir jate the jis par saya karte the

koī qissa nahīñ sunāne ko

kaise bahlā.ūñgā zamāne ko

koi qissa nahin sunane ko

kaise bahlaunga zamane ko

ik sadā āsmāñ se aatī hai

aur maiñ dhyān tak nahīñ detā

ek sada aasman se aati hai

aur main dhyan tak nahin deta

sochtā huuñ ki tujh ko mujh se koī

hādisa hī bachā ke le jaa.e

sochta hun ki tujh ko mujh se koi

hadisa hi bacha ke le jae

haTā lī vaqt rahte aañkh qissa-go kī āñkhoñ se

mujhe us kī kahānī par bharosa hone vaalā thā

haTa li waqt rahte aankh qissa-go ki aankhon se

mujhe us ki kahani par bharosa hone wala tha

zaḳhm hare rahte haiñ dekhā-dekhī meñ

aur nazar-andāzī meñ bhar jaate haiñ

zaKHm hare rahte hain dekha-dekhi mein

aur nazar-andazi mein bhar jate hain

zinda rahā to kaun sā zinda rahūñgā maiñ

mar bhī gayā to kaun sā maiñ mar hī jā.ūñgā

zinda raha to kaun sa zinda rahunga main

mar bhi gaya to kaun sa main mar hi jaunga

nihāyat bhale tajriba-kār ahl-e-vafā chun liye haiñ

hamārī suhūlat se ham ne hamāre ḳhudā chun liye haiñ

nihayat bhale tajriba-kar ahl-e-wafa chun liye hain

hamari suhulat se hum ne hamare KHuda chun liye hain

kyā hai ki ham us ko kabhī puure nahīñ paḌte

ham hī nahīñ kar paate haiñ bharpā.ī hamārī

kya hai ki hum us ko kabhi pure nahin paDte

hum hi nahin kar pate hain bharpai hamari