kabhi hum but kabhi nur-e-sanam ko dekh lete hain

kabhī ham but kabhī nūr-e-sanam ko dekh lete haiñ

aqīde se baḌī dair-o-haram ko dekh lete haiñ

kabhī rote hue mujh ko nazar-andāz karte haiñ

kabhī āñkhoñ meñ vo halkī sī nam ko dekh lete haiñ

kabhī us muskurāhaT meñ kabhī us be-ruḳhī meñ ham

sitam ko dekh lete hai karam ko dekh lete haiñ

hameñ is vāste bhī aa.ine par pyaar aatā hai

ham apnī aañkh meñ apne balam ko dekh lete haiñ

bichhaḌ ke ho chuke barsoñ magar ḳhvāboñ ko hai taslīm

ham un ko dekh lete haiñ vo ham ko dekh lete haiñ

kabhi hum but kabhi nur-e-sanam ko dekh lete hain

aqide se baDi dair-o-haram ko dekh lete hain

kabhi rote hue mujh ko nazar-andaz karte hain

kabhi aankhon mein wo halki si nam ko dekh lete hain

kabhi us muskurahaT mein kabhi us be-ruKHi mein hum

sitam ko dekh lete hai karam ko dekh lete hain

hamein is waste bhi aaine par pyar aata hai

hum apni aankh mein apne balam ko dekh lete hain

bichhaD ke ho chuke barson magar KHwabon ko hai taslim

hum un ko dekh lete hain wo hum ko dekh lete hain