kahan kho gai ruh ki raushni

kahāñ kho ga.ī ruuh kī raushnī

batā merī rātoñ kī āvārgī

maiñ jab lamhe lamhe kā ras pī chukā

to kuchh aur jaagī mirī tishnagī

agar ghar se niklūñ to phir tez dhuup

magar ghar meñ Dastī huī tīrgī

ġhamoñ pe tabassum kī Daalī naqāb

to hone lagī aur be-pardagī

magar jāgnā apnī qismat meñ thā

bulātī rahī niiñd kī jal-parī

jo ta.amīr kī kunj-e-tanhā.ī meñ

vo dīvār apne hī sar par girī

huī bārish-e-sañg us shahr meñ

hameñ bhī milā haqq-e-ham-sā.egī

gizārī hai kitnoñ ne is tarah umr

bil-aqsāt karte rahe ḳhud-kushī

koī vaqt batlā ki tujh se milūñ

mirī dauḌtī bhāgtī zindagī

jinheñ saath chalnā ho chalte raheñ

ghaḌī vaqt kī kis kī ḳhātir rukī

meñ jiitā to paa.ī kisī se na daad

meñ haarā to ghar par baḌī bhiiḌ thī

huā ham pe ab jin kā saaya harām

thī un bādaloñ se kabhī dostī

mujhe ye añdhere nigal jā.eñge

kahāñ hai tū ai mere sūraj-mukhī

nikāle ga.e is ke ma.anī hazār

ajab chiiz thī ik mirī ḳhāmushī

kahan kho gai ruh ki raushni

bata meri raaton ki aawargi

main jab lamhe lamhe ka ras pi chuka

to kuchh aur jagi meri tishnagi

agar ghar se niklun to phir tez dhup

magar ghar mein Dasti hui tirgi

ghamon pe tabassum ki Dali naqab

to hone lagi aur be-pardagi

magar jagna apni qismat mein tha

bulati rahi nind ki jal-pari

jo tamir ki kunj-e-tanhai mein

wo diwar apne hi sar par giri

hui barish-e-sang us shahr mein

hamein bhi mila haqq-e-ham-saegi

gizari hai kitnon ne is tarah umr

bil-aqsat karte rahe KHud-kushi

koi waqt batla ki tujh se milun

meri dauDti bhagti zindagi

jinhen sath chalna ho chalte rahen

ghaDi waqt ki kis ki KHatir ruki

mein jita to pai kisi se na dad

mein haara to ghar par baDi bhiD thi

hua hum pe ab jin ka saya haram

thi un baadalon se kabhi dosti

mujhe ye andhere nigal jaenge

kahan hai tu ai mere suraj-mukhi

nikale gae is ke mani hazar

ajab chiz thi ek meri KHamushi