mere rog ka na malal kar mere chaara-gar

Shahzad Nayar

mere rog ka na malal kar mere chaara-gar

Shahzad Nayar

MORE BYShahzad Nayar

    mire rog na malāl kar mire chāra-gar

    maiñ baḌā huā use paal kar mire chāra-gar

    sabhī dard chun mire jism se kisī ism se

    mirā añg añg bahāl kar mire chāra-gar

    mujhe de sozan-e-dard rishta-e-zard se

    mujhe zabt-e-ġham se bahāl kar mire chāra-gar

    mujhe chiir nashtar-e-ishq soz-e-sarishk se

    mirā indimāl-e-muhāl kar mire chāra-gar

    ye badan ke aarzī ghaav haiñ unheñ chhoḌ de

    mire zaḳhm-e-dil ḳhayāl kar mire chāra-gar

    faqat ek qatra-e-ashk merā ilaaj hai

    mujhe mubtalā-e-malāl kar mire chāra-gar

    meñ jahān dard meñ kho gayā tujhe kyā milā

    mujhe imtihān meñ Daal kar mire chāra-gar

    mujhe apne zaḳhm ḳhud bhī koī ḳhabar nahīñ

    so na mujh se koī savāl kar mire chāra-gar

    tirā haal dekh ke ro.egā tirā chāra-gar

    mirā dil na dekh nikāl kar mire chāra-gar

    mere rog ka na malal kar mere chaara-gar

    main baDa hua use pal kar mere chaara-gar

    sabhi dard chun mere jism se kisi ism se

    mera ang ang bahaal kar mere chaara-gar

    mujhe si de sozan-e-dard rishta-e-zard se

    mujhe zabt-e-gham se bahaal kar mere chaara-gar

    mujhe chir nashtar-e-ishq soz-e-sarishk se

    mera indimal-e-muhaal kar mere chaara-gar

    ye badan ke aarzi ghaw hain unhen chhoD de

    mere zaKHm-e-dil ka KHayal kar mere chaara-gar

    faqat ek qatra-e-ashk mera ilaj hai

    mujhe mubtala-e-malal kar mere chaara-gar

    mein jahan dard mein kho gaya tujhe kya mila

    mujhe imtihan mein Dal kar mere chaara-gar

    mujhe apne zaKHm ki KHud bhi koi KHabar nahin

    so na mujh se koi sawal kar mere chaara-gar

    tera haal dekh ke roega tera chaara-gar

    mera dil na dekh nikal kar mere chaara-gar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY