main tum se mohabbat karta hun

maiñ tum se mohabbat kartā huuñ kartā huuñ mohabbat tum se maiñ

is baat kī koī had hai kyā kahtā hī rahūñ har lahje meñ

jis vaqt jahāñ dekhā thā tumheñ sochā thā nazar kā dhokā hai

par husn tumhārā aisā thā rakkhā hī huā hai dhoke meñ

har tarah kī bāteñ karte the aisī na anokhī thiiñ bāteñ

ab ishq kaheñ yā nā-samjhī kuchh kahne meñ yā sunñe meñ

ik lams meñ kyā kyā haath aaya ik pal meñ ka.ī sadiyāñ jī liiñ

kuchh ishq kiyā kuchh kaam ai dil zanjīr paḌī darvāze meñ

vo shaḳhs kahāñ hogā 'āmir' chhoḌo koī taaza baat kareñ

to asl meñ baat kuchh aisī hai vo ye ki kahāñ thā vaise meñ

main tum se mohabbat karta hun karta hun mohabbat tum se main

is baat ki koi had hai kya kahta hi rahun har lahje mein

jis waqt jahan dekha tha tumhein socha tha nazar ka dhoka hai

par husn tumhaara aisa tha rakkha hi hua hai dhoke mein

har tarah ki baaten karte the aisi na anokhi thin baaten

ab ishq kahen ya na-samjhi kuchh kahne mein ya sunne mein

ek lams mein kya kya hath aaya ek pal mein kai sadiyan ji lin

kuchh ishq kiya kuchh kaam ai dil zanjir paDi darwaze mein

wo shaKHs kahan hoga 'amir' chhoDo koi taza baat karen

to asl mein baat kuchh aisi hai wo ye ki kahan tha waise mein