کمرے میں دھواں درد کی پہچان بنا تھا

کل رات کوئی پھر مرا مہمان بنا تھا

تمام رات وہ پہلو کو گرم کرتا رہا

کسی کی یاد کا نشہ شراب جیسا تھا

پرندے فضاؤں میں پھر کھو گئے

دھواں ہی دھواں آشیانوں میں تھا

مجھے بھی فرصت نظارۂ جمال نہ تھی

اور اس کو پاس کسی اور کے بھی جانا تھا

آوازوں کا بوجھ اٹھائے صدیوں سے

بنجاروں کی طرح گزارہ کرتا ہوں

شاید تمہاری یاد مرے پاس آ گئی

یا ہے مرے ہی دل کی صدا سوچنا پڑا

میں نے کل توڑا اک آئینہ تو محسوس ہوا

اس میں پوشیدہ کوئی چیز تھی جوہر جیسی

چہروں کے میلے جسموں کے جنگل تھے ہر جگہ

ان میں کہیں بھی کوئی مگر آدمی نہ تھا

خوش نما دیوار و در کے خواب ہی دیکھا کئے

جسم صحرا ذہن ویراں آنکھ گیلی ہو گئی