Abroo Shah Mubarak's Photo'

Abroo Shah Mubarak

1685 - 1733 | Delhi, India

One of the founding fathers of Urdu poetry, contemporary of Meer Taqi meer.

One of the founding fathers of Urdu poetry, contemporary of Meer Taqi meer.

2.7K
Favorite

SORT BY

duur ḳhāmosh baiThā rahtā huuñ

is tarah haal dil kahtā huuñ

dur KHamosh baiTha rahta hun

is tarah haal dil ka kahta hun

tumhāre log kahte haiñ kamar hai

kahāñ hai kis tarah hai kidhar hai

tumhaare log kahte hain kamar hai

kahan hai kis tarah ki hai kidhar hai

aaj yāroñ ko mubārak ho ki sub.h-e-eid hai

raag hai mai hai chaman hai dilrubā hai diid hai

aaj yaron ko mubarak ho ki subh-e-eid hai

rag hai mai hai chaman hai dilruba hai did hai

qaul 'ābrū' thā ki na jā.ūñgā us galī

ho kar ke be-qarār dekho aaj phir gayā

qaul 'abru' ka tha ki na jaunga us gali

ho kar ke be-qarar dekho aaj phir gaya

jaltā hai ab talak tirī zulfoñ ke rashk se

har-chand ho gayā hai chaman charāġh gul

jalta hai ab talak teri zulfon ke rashk se

har-chand ho gaya hai chaman ka charagh gul

afsos hai ki baḳht hamārā ulaT gayā

aatā to thā pe dekh ke ham kuuñ palaT gayā

afsos hai ki baKHt hamara ulaT gaya

aata to tha pe dekh ke hum kun palaT gaya

tum nazar kyuuñ churā.e jaate ho

jab tumheñ ham salām karte haiñ

tum nazar kyun churae jate ho

jab tumhein hum salam karte hain

muflisī siiñ ab zamāne rahā kuchh haal na.iiñ

āsmāñ charḳhī ke juuñ phirtā hai lekin maal na.iiñ

muflisi sin ab zamane ka raha kuchh haal nain

aasman charKHi ke jun phirta hai lekin mal nain

ḳhudāvandā karam kar fazl kar ahvāl par mere

nazar kar aap par mat kar nazar afa.āl par mere

KHudawanda karam kar fazl kar ahwal par mere

nazar kar aap par mat kar nazar afaal par mere

bosāñ labāñ siiñ dene kahā kah ke phir gayā

pyāla bharā sharāb afsos gir gayā

bosan laban sin dene kaha kah ke phir gaya

pyala bhara sharab ka afsos gir gaya

jo lauñDā chhoḌ kar ranDī ko chāhe

vo kui āshiq nahīñ hai bul-havas hai

jo launDa chhoD kar ranDi ko chahe

wo kui aashiq nahin hai bul-hawas hai

kyā sabab tere badan ke garm hone sajan

āshiqoñ meñ kaun jaltā thā gale kis ke lagā

kya sabab tere badan ke garm hone ka sajan

aashiqon mein kaun jalta tha gale kis ke laga

agar dekhe tumhārī zulf le Das

ulaT jaave kalejā nāganī

agar dekhe tumhaari zulf le Das

ulaT jawe kaleja nagani ka

yuuñ 'ābrū' banāve dil meñ hazār bāteñ

jab rū-ba-rū ho tere guftār bhuul jaave

yun 'abru' banawe dil mein hazar baaten

jab ru-ba-ru ho tere guftar bhul jawe

bose meñ hoñT ulTā āshiq kaaT khāyā

terā dahan maze siiñ pur hai pe hai kaTorā

bose mein honT ulTa aashiq ka kaT khaya

tera dahan maze sin pur hai pe hai kaTora

us vaqt jaan pyāre ham pāvate haiñ

lagtā hai jab badan se taire badan hamārā

us waqt jaan pyare hum pawate hain ji sa

lagta hai jab badan se taire badan hamara

namkīñ goyā kabāb haiñ phīke sharāb ke

bosā hai tujh labāñ maze-dār chaTpaTā

namkin goya kabab hain phike sharab ke

bosa hai tujh laban ka maze-dar chaTpaTa

yaaro hamārā haal sajan siiñ bayāñ karo

aisī tarah karo ki use mehrbāñ karo

yaro hamara haal sajan sin bayan karo

aisi tarah karo ki use mehrban karo

dikhā.ī ḳhvāb meñ thī Tuk ik muñh jhalak ham kuuñ

nahīñ tāqat añkhiyoñ ke kholne ab talak ham kuuñ

dikhai KHwab mein di thi Tuk ek munh ki jhalak hum kun

nahin taqat ankhiyon ke kholne ki ab talak hum kun

jab ki aisā ho gandumī ma.ashūq

nit gunahgār kyuuñ na ho aadam

jab ki aisa ho gandumi mashuq

nit gunahgar kyun na ho aadam

us vaqt dil pe kyūñke kahūñ kyā guzar gayā

bosa lete liyā to sahī lek mar gayā

us waqt dil pe kyunke kahun kya guzar gaya

bosa lete liya to sahi lek mar gaya

mil ga.iiñ aapas meñ do nazreñ ik aalam ho gayā

jo ki honā thā so kuchh añkhiyoñ meñ bāham ho gayā

mil gain aapas mein do nazren ek aalam ho gaya

jo ki hona tha so kuchh ankhiyon mein baham ho gaya

kyuuñ tirī thoḌī garmī siiñ pighal jaave hai jaañ

kyā neñ samjhā hai āshiq is qadar hai mom

kyun teri thoDi si garmi sin pighal jawe hai jaan

kya tu nen samjha hai aashiq is qadar hai mom ka

dillī meñ dard-e-dil kuuñ koī pūchhtā nahīñ

mujh kuuñ qasam hai ḳhvāja-qutub ke mazār

dilli mein dard-e-dil kun koi puchhta nahin

mujh kun qasam hai KHwaja-qutub ke mazar ki

ishq saf manīñ namāzī sab

'ābrū' ko imaam karte haiñ

ishq ki saf manin namazi sab

'abru' ko imam karte hain

āġhosh siiñ sajan ke haman kuuñ kiyā kanār

māruñgā is raqīb kuuñ chhaḌiyoñ se god god

aaghosh sin sajan ke haman kun kiya kanar

marunga is raqib kun chhaDiyon se god god

ishq tiir dil meñ laagā hai

dard jo hovtā thā bhāgā hai

ishq ka tir dil mein laga hai

dard jo howta tha bhaga hai

ġham ke pīchho raast kahte haiñ ki shādī hove hai

hazrat-e-ramzāñ ga.e tashrīf le ab iid hai

gham ke pichho rast kahte hain ki shadi howe hai

hazrat-e-ramzan gae tashrif le ab id hai

dil kab āvārgī ko bhūlā hai

ḳhaak agar ho gayā bagūlā hai

dil kab aawargi ko bhula hai

KHak agar ho gaya bagula hai

kabhī be-dām Thahrāveñ kabhī zanjīr karte haiñ

ye nā-shā.er tirī zulfāñ kuuñ kyā kyā naam dharte haiñ

kabhi be-dam Thahrawen kabhi zanjir karte hain

ye na-shaer teri zulfan kun kya kya nam dharte hain

dildār galī meñ mukarrar ga.e haiñ ham

ho aa.e haiñ abhī to phir aa kar ga.e haiñ ham

dildar ki gali mein mukarrar gae hain hum

ho aae hain abhi to phir aa kar gae hain hum

Dar ḳhudā siiñ ḳhuub na.iiñ ye vaqt-e-qatl-e-ām kuuñ

sub.h kuuñ kholā na kar is zulf-e-ḳhūn-āshām kuuñ

Dar KHuda sin KHub nain ye waqt-e-qatl-e-am kun

subh kun khola na kar is zulf-e-KHun-asham kun

ab diin huā zamāna-sāzī

āfāq tamām dahriyā hai

ab din hua zamana-sazi

aafaq tamam dahriya hai

ġham se ham suukh jab hue lakḌī

dostī nihāl Daal kaaT

gham se hum sukh jab hue lakDi

dosti ka nihaal Dal kaT

ġham siiñ ahl-e-bait ke to tirā kuḌhtā nahīñ

yuuñ abas paḌhtā phirā jo marsiya to kyā huā

gham sin ahl-e-bait ke ji to tera kuDhta nahin

yun abas paDhta phira jo marsiya to kya hua

jañgal ke biich vahshat ghar meñ jafā o kulfat

ai dil batā ki tere maare ham ab kidhar jaañ

jangal ke bich wahshat ghar mein jafa o kulfat

ai dil bata ki tere mare hum ab kidhar jaan

tumhāre lab surḳhī la.al mānind aslī hai

agar tum paan ai pyāre na khāoge to kyā hogā

tumhaare lab ki surKHi lal ki manind asli hai

agar tum pan ai pyare na khaoge to kya hoga

tumhāre dil meñ kyā nā-mehrbānī aa ga.ī zālim

ki yuuñ pheñkā judā mujh se phaḌaktī machhlī ko jal siiñ

tumhaare dil mein kya na-mehrbani aa gai zalim

ki yun phenka juda mujh se phaDakti machhli ko jal sin

kyuuñ malāmat is qadar karte ho be-hāsil hai ye

lag chukā ab chhūTnā mushkil hai us dil hai ye

kyun malamat is qadar karte ho be-hasil hai ye

lag chuka ab chhuTna mushkil hai us ka dil hai ye

tumhāre dekhne ke vāste marte haiñ ham khal siiñ

ḳhudā ke vāste ham siiñ milo aa kar kisī chhal siiñ

tumhaare dekhne ke waste marte hain hum khal sin

KHuda ke waste hum sin milo aa kar kisi chhal sin

saath mere tere jo dukh thā so pyāre aish thā

jab siiñ bichhḌā hai tab siiñ aish sab ġham ho gayā

sath mere tere jo dukh tha so pyare aish tha

jab sin tu bichhDa hai tab sin aish sab gham ho gaya

tire ruḳhsāra-e-sīmīñ pe maarā zulf ne kunDal

liyā hai azhdahā niiñ chhīn yaaro maal āshiq

tere ruKHsara-e-simin pe mara zulf ne kunDal

liya hai azhdaha nin chhin yaro mal aashiq ka

ḳhud apnī aadmī ko baḌī qaid-e-saḳht hai

phoḌ ā.īnā va toḌ sikandar sad ke ta.iiñ

KHud apni aadmi ko baDi qaid-e-saKHt hai

phoD aaina wa toD sikandar ki sad ke tain

kam mat gino ye baḳht-siyāhoñ rañg-e-zard

sonā vahī jo hove kasauTī kasā huā

kam mat gino ye baKHt-siyahon ka rang-e-zard

sona wahi jo howe kasauTi kasa hua

byāre tire nayan kuuñ aahū kahe jo koī

vo aadmī nahīñ hai haivān hai bechārā

byare tere nayan kun aahu kahe jo koi

wo aadmi nahin hai haiwan hai bechaara

tavāf-e-ka.aba-e-dil kar niyāz-o-ḳhāksārī siiñ

vazū darkār na.iiñ kuchh is ibādat meñ tayammum kar

tawaf-e-kaba-e-dil kar niyaz-o-KHaksari sin

wazu darkar nain kuchh is ibaadat mein tayammum kar

jab siiñ tire mulā.em gāloñ meñ dil dhañsā hai

narmī suuñ dil huā hai tab suuñ ruī gaalā

jab sin tere mulaem galon mein dil dhansa hai

narmi sun dil hua hai tab sun rui ka gala

tirā qad sarv siiñ ḳhūbī meñ chaḌh hai

laTak sumbul setī zulfāñ siiñ baḌh hai

tera qad sarw sin KHubi mein chaDh hai

laTak sumbul seti zulfan sin baDh hai

ik arz sab siiñ chhup kar karnī hai ham kuuñ tum siiñ

raazī ho gar kaho to ḳhalvat meñ aa ke kar jaañ

ek arz sab sin chhup kar karni hai hum kun tum sin

raazi ho gar kaho to KHalwat mein aa ke kar jaan

tumhārī dekh kar ye ḳhush-ḳhirāmī āb-raftārī

gayā hai bhuul hairat siiñ piyā paanī ke ta.iiñ bahnā

tumhaari dekh kar ye KHush-KHirami aab-raftari

gaya hai bhul hairat sin piya pani ke tain bahna