عشق میں یہ مجبوری تو ہو جاتی ہے

دنیا غیر ضروری تو ہو جاتی ہے

یہ ہجرتیں ہیں زمین و زماں سے آگے کی

جو جا چکا ہے اسے لوٹ کر نہیں آنا

دل اور دنیا دونوں کو خوش رکھنے میں

اپنے آپ سے دوری تو ہو جاتی ہے

کیا رات کے آشوب میں وہ خود سے لڑا تھا

آئینے کے چہرے پہ خراشیں سی پڑی ہیں

لفظوں میں خالی جگہیں بھر لینے سے

بات ادھوری، پوری تو ہو جاتی ہے

خواب کے آگے شکست خواب کا تھا سامنا

یہ سفر تھا مرحلہ در مرحلہ ٹوٹا ہوا

لمحہ منصف بھی ہے مجرم بھی ہے مجبوری کا

فائدہ شک کا مجھے دے کے بری کر جائے

پھر سے تالیف دل ہو پھر کوئی

اس صحیفے کی رونمائی کرے

کہا تھا کس نے کہ شاخ نحیف سے پھوٹیں

گناہ ہم سے ہوا بے گناہیوں جیسا