صبح سویرا دفتر بیوی بچے محفل نیندیں رات

یار کسی کو مشکل بھی ہوتی ہے اس آسانی پر

ہنسنا رونا پانا کھونا مرنا جینا پانی پر

پڑھیے تو کیا کیا لکھا ہے دریا کی پیشانی پر

عقل والوں میں ہے گزر میرا

میری دیوانگی سنبھال مجھے

ہر دم بدن کی قید کا رونا فضول ہے

موسم صدائیں دے تو بکھر جانا چاہئے

وہ شکل وہ شناخت وہ پیکر کی آرزو

پتھر کی ہو کے رہ گئی پتھر کی آرزو

پھسلن یہ کناروں پہ یہ ٹھہراؤ ندی کا

سب صاف اشارہ ہیں کہ گہرائی بہت ہے

خیال آیا ہمیں بھی خدا کی رحمت کا

سنائی جب بھی پڑی ہے اذان پنجرے میں

بے سبب کچھ بھی نہیں ہوتا ہے یا یوں کہیے

آگ لگتی ہے کہیں پر تو دھواں ہوتا ہے

تو کیا پلٹ کے وہی دن پھر آنے والے ہیں

کئی دنوں سے ہے دل بے قرار پہلے سا

قدم بڑھا تو لوں آبادیوں کی سمت مگر

مجھے وہ ڈھونڈھتا تنہائیوں میں آیا تو

یہیں سے راہ کوئی آسماں کو جاتی تھی

خیال آیا ہمیں سیڑھیاں اترتے ہوئے

کوئی تو بات ہے پچھلے پہر میں راتوں کے

یہ بند کمرہ عجب روشنی سے بھر جائے

جسے پرچھائیں سمجھے تھے حقیقت میں نہ پیکر ہو

پرکھنا چاہئے تھا آپ کو اس شے کو چھو کر بھی