Akhlaq Ahmad Ahan
Ghazal 8
Nazm 6
Sher-o-Shayari 7
ġham-e-vajūd kā mātam karūñ to kaise jiyūñ
magar ḳhudā tire dāman pe daaġh hai ki nahīñ
gham-e-wajud ka matam karun to kaise jiyun
magar KHuda tere daman pe dagh hai ki nahin
rāh-e-hayāt meñ na milī ek pal ḳhushī
ġham kā ye bojh dosh pe sāmān sā rahā
rah-e-hayat mein na mili ek pal KHushi
gham ka ye bojh dosh pe saman sa raha
rasm-e-duniyā ke salāsil meñ giraftārī hai
mat Thaharnā ki kahīñ phāñs javāñ-tar ho jaa.e
rasm-e-duniya ke salasil mein giraftari hai
mat Thaharna ki kahin phans jawan-tar ho jae
tire firāq meñ ham ne bahā.e ashk-e-jigar
ye sab ne chāhā magar aa.e to lahū aa.e
tere firaq mein hum ne bahae ashk-e-jigar
ye sab ne chaha magar aae to lahu aae
ye kaisī jagah hai ki dil kho rahā hai
bayābāñ hai sahrā hai gulshan hai kyā hai
ye kaisi jagah hai ki dil kho raha hai
bayaban hai sahra hai gulshan hai kya hai
