jazbe kī kaḌī dhuup ho to kyā nahīñ mumkin

ye kis ne kahā sañg pighaltā hī nahīñ hai

jazbe ki kaDi dhup ho to kya nahin mumkin

ye kis ne kaha sang pighalta hi nahin hai

suune kitne baam hue kitne āñgan be-nūr hue

chāñd se chehre yaad aate haiñ chāñd nikalte vaqt bahut

sune kitne baam hue kitne aangan be-nur hue

chand se chehre yaad aate hain chand nikalte waqt bahut

hameñ ḳhudā pe bharosa hai nā-ḳhudā pe nahīñ

ḳhudā jo detā hai vo nā-ḳhudā nahīñ detā

hamein KHuda pe bharosa hai na-KHuda pe nahin

KHuda jo deta hai wo na-KHuda nahin deta

hasad kā rañg pasandīda rañg hai sab kā

yahāñ kisī ko koī ab duā nahīñ detā

hasad ka rang pasandida rang hai sab ka

yahan kisi ko koi ab dua nahin deta

ik tere hī kūche par mauqūf nahīñ hai kuchh

har gaam haiñ ta.azīreñ ham log jahāñ bhī haiñ

ek tere hi kuche par mauquf nahin hai kuchh

har gam hain taziren hum log jahan bhi hain