Anwar Mirzapuri's Photo'

انور مرزاپوری

مرزا پور, انڈیا

1960 اور 1970 کی دہائیوں کے دوران مشاعروں کے مقبول شاعر

1960 اور 1970 کی دہائیوں کے دوران مشاعروں کے مقبول شاعر

انور مرزاپوری کے شعر

اے کاش ہماری قسمت میں ایسی بھی کوئی شام آ جائے

اک چاند فلک پر نکلا ہو اک چاند سر بام آ جائے

مرے اشک بھی ہیں اس میں یہ شراب ابل نہ جائے

مرا جام چھونے والے ترا ہاتھ جل نہ جائے

ابھی رات کچھ ہے باقی نہ اٹھا نقاب ساقی

ترا رند گرتے گرتے کہیں پھر سنبھل نہ جائے

اکیلا پا کے مجھ کو یاد ان کی آ تو جاتی ہے

مگر پھر لوٹ کر جاتی نہیں میں کیسے سو جاؤں

مجھے پھونکنے سے پہلے مرا دل نکال لینا

یہ کسی کی ہے امانت مرے ساتھ جل نہ جائے

میں نظر سے پی رہا ہوں یہ سماں بدل نہ جائے

نہ جھکاؤ تم نگاہیں کہیں رات ڈھل نہ جائے

میں خوش ہوں اگر گلشن کے لیے کچھ میرا لہو کام آ جائے

لیکن مجھ کو ڈر ہے اس کا گلچیں پہ نہ الزام آ جائے

Recitation

aah ko chahiye ek umr asar hote tak SHAMSUR RAHMAN FARUQI