ہم نے جس حادثے پہ صبر کیا

آپ ہوتے تو مر گئے ہوتے

جانے لگتا ہوں تو وہ پاؤں پکڑ لیتا ہے

اور ستم یہ ہے کہ سینے سے لگاتا بھی نہیں

تمہیں ہم اس لیے بھی سوچتے رہتے ہیں اکثر

کہ اک تصویر میں دھندلا سا ہے چہرا تمہارا

میں اک ایسے گاؤں کا رہنے والا تھا

سیلابوں میں جس کے گھر کٹ جاتے تھے

وہ لمحے بھر کو تصور سے بھی نہیں جاتا

اسی لیے تو اسے اپنی جان بولتے ہیں

عالم ہو میں سہی شور تو کر لینے دو

اپنے ہونے کا بھی اعلان ضروری ہے میاں

ترقیات کی یہ کون سی گھڑی ہے جہاں

سب اپنے آپ میں بازار ہونا چاہتے ہیں

گزشتہ کچھ دنوں سے جانے کس الجھاؤ میں ہے دل

کہ ہم بیٹھے بھی رہتے ہیں غزل خوانی نہیں ہوتی

اب بہت دشت نوردی ہوئی آصفؔ صاحب

اب بدن موت کی آواز پہ ہاں چاہتا ہے

پیچ در پیچ ہوئی جاتی ہے دنیا ہم پر

جانے کیوں اس پہ ہم آسان ہوئے جاتے ہیں

اب بہت دشت نوردی ہوئی آصفؔ صاحب

اب بدن موت کی آواز پہ ہاں چاہتا ہے

تم کہو تم بھی تڑپتے ہو تعلق کے تئیں

یا مرے ہی دل بسمل کی یہ بیماری ہے

اک حرف تسلی تھا مداوائے غم ہجر

جس وقت تو پہلو سے مرے اٹھ کے گیا تھا

رات ہی رات چلے جاؤ مرے ہم سفرو

صبح ممکن ہے یہی دشت ہی مقتل ہو جائے

ہم ایک میز پہ جب ساتھ ساتھ بیٹھے تھے

تو درمیان کوئی اور وقت چل رہا تھا

ہم ایسے لوگ بہت دیر تک نہیں رہتے

یقین جانیے کوئی کمال ہو رہا ہے

گاؤں کے نرم رویوں میں پلے ہیں ہم لوگ

شہر میں کوئی نگہبان ضروری ہے میاں

آشفتگی ازل سے مرے آب و گل میں ہے

کل لذت حیات غم جاں گسل میں ہے

اب اس ہجوم میں پہچان کھو گئی میری

کسی بدن کے لیے استعارہ تھا پہلے

وہ لمحے بھر کو تصور سے بھی نہیں جاتا

اسی لیے تو اسے اپنی جان بولتے ہیں

عالم ہو میں سہی شور تو کر لینے دو

اپنے ہونے کا بھی اعلان ضروری ہے میاں

اب اس ہجوم میں پہچان کھو گئی میری

کسی بدن کے لیے استعارہ تھا پہلے

تکتے رہتے تھے کنارے سے مسلسل دونوں

جانے دریا میں بھی کیا وقت بہائے گئے تھے